اللا يلچۋن: ايگىلى كريستيان ديوردىڭ مۋزاسىنا اينالعان قازاق ارۋى
پاريج قالاسىندا 2020 جىلى "اللا-ۆوستوچنايا جەمچۋجينا ديور" اتتى پاريج ءسان يندۋسترياسىن جاۋلاپ العان قازاق قىزى - اللا يلچۋننىڭ ءومىرى باياندالاتىن دوكۋمەنتالدى ءفيلمىنىڭ پرەمەراسى بولدى. باتىس كيىم ۇلگىلەرىن ازيالىق مودەل كومەگىمەن كورسەتۋ - ول كەزدە جوعارى ءسان يندۋسترياسىندا بۇرىن - سوڭدى بولماعان وقيعا بولدى، جانە ول وقيعانىڭ باستى فيگۋراسى-اللا يلچۋن.
اللا 1926 جىلى قىتايدىڭ حەيلۋنسزيان پروۆينسياسىنداعى حاربين قالاسىندا، ورىس وپەرا ءانشىسى تاتيانا جانە قازاق تەمىرجولشىسى جۋانحاننىڭ وتباسىسىندا دۇنيەگە كەلگەن. حاربين قالاسى ءۇشىن قىتايلار مەن جاپونداردىڭ باسەكەلەستىگىنىڭ جانە ساياسي تولقۋلاردىڭ كەسىرىنەن يلچۋن وتباسىسى شانحايعا قاشىپ كەتكىسى كەلدى،الايدا سوڭعى ساتتە فرانسياعا قاشۋعا شەشىپ، اكەسى جۋانحان ايەلى مەن قىزىن فرانسياعا باراتىن كەمەعە وتىرعىزىپ، ءوزى قالىپ قويادى.
ەكىنشى دۇنيەجۇزىلىك سوعىستان كەيىن اللا پاريج مەيرامحانالىرىڭ بىرىندە ىدىس جۋۋشى بولىپ جۇمىس جاسايدى. سول كەزدەردە ول پاريج ءسان ۇيىندەگى مودەلدەر كاستينگتەن ءوتىپ، كريستيان ديور ونى جۇمىسقا الادى. اللانىڭ بەلى 57 سم بولدى، جانە ونىڭ ازيالىق تۇر-الپەتى پاريج ءۇشىن وتە ەرەكشە زات بولىپ سانالدى. ونىڭ مىنەزى تىك بولدى، 5 تىلدە سويلەدى جانە ول ديور كيىمدەرىنىڭ قالاي تىگىلگەنى تۋرالى تولىعىمەن ايتىپ بەرە الاتىن بولعان. اللا يلچۋندى كريستيان ديور "تاليسمان" دەپ اتادى. اللانىڭ ارقاسىندا ەۆروپا "كوشاچي گلازكي" اتتى ماكياج ترەندىن ءبىلدى. كريستيان ديور قايتىس بولعاننان كەيىن اللا كوپ ۋاقىت يۆ سەن لورانمەن جۇمىس جاسادى.
سابيتوۆا مەرۋەرت
You Might Also Like
-
ءبىز قازاق حالقى، قازاقستاندا تۇرامىز، ياعني ول ءبىزدىڭ ءۇيىمىز. ءبىزدىڭ اتا-بابامىز جان، قانىمەن بىزگە امانات رەتىندە قالدىرىپ كەتكەن ەڭ اسىل مۇرا ول-جەر. قازاق جەرى كەڭ بايتاق، قۇنارلى، تاريحي ەستەلىك...
-
جاسقانشاقتىقتان ايىعۋدىڭ جاقسى ءبىر جولى — كوپشىلىكپەن ارالاسۋ. جاسقانشاقتىق — بۇل ادام بويىنداعى جاعىمسىز قاسيەتتىڭ ءبىرى. جاسقانشاق مىنەزدى ادامداردىڭ ماقساتىنا جەتۋى سيرەك. ويتكەنى ولا...
