InfoHub Logo

جوڭعارلاردى بىرلەسە قۋعان قىرعىزدىڭ سولتو رۋىنان شىققان جورىقتاس دوس-جاراندارىمەن ءوزارا قاتىناستارى كۇشەيىپ، كورشى قونىستانعان ەكى ەل قىز الىسىپ، قۇدا-جەگجاتتىق، تۋىسقاندىق بايلانىستارى نىعايادى. جاز جايلاۋدى بىرگە جايلاپ، تويلارىن، استارىن بىرگە وتكىزەتىن بولادى.

قالماقتاردان قۇتىلىپ، جۇڭگو مەنەن قازاق تا، قىرعىز دا جەكە-جەكە كەلىسىمگە كەلىپ، بەيبىت تۇرمىس قۇرا باستاعاندا ءوزارا شاتاقتاسىپ، جەر داۋىن جەلەۋ ەتىپ، تالاس پەن ىستىق كول جاقتىڭ قىرعىزدارى قازاقتىڭ مالىن بارىمتالاپ، اۋىلىن شاۋىپ، باسىنىپ، كوكىرەكتەرى ءوسىپ، ەلگە تىنىشتىق كورسەتپەيدى.

جوڭعارلار باسىپ العانعا دەيىنگى، ياعني سالقام جاڭگىر زامانىنداعى، اعايىنداي ارالاسا جايلاعان جەرلەرگە قىرعىزدار قازاقتاردى جاقىنداتپايتىن، سارباعىش رۋىنىڭ ءبيى ەسەنقۇل قازاقتاردان ىلەنىڭ باسىن، ءۇشارالدى بەرۋدى تالاپ ەتسە، تالاستاعى ساياقتىڭ قابا رۋىنان شىققان سادىر باتىر تالاستان شىمكەنتكە دەيىنگى تاۋ بوكتەرلەرىنە قازاقتاردى جو- لاتپاي قويعانىمەن تۇرماي، تالاستىڭ اياعىن دا شولاققورعان، سوزاققا دەيىن شاۋىپ، قازاقتاردى سىرعا قاراي سىرعىتادى. وسى وڭىرلەردەگى نايمان، قوڭىرات ەلدەرىن قاتتى كۇيزەلتەدى. اسىرەسە، جاراس پەن قىرباس باتىرلاردىڭ قايىن جۇرتى، ياعني جاۋعاش پەن مالىبايدىڭ ناعاشىلارى وتە اۋىر جاعدايعا ۇشىرايدى.

جاۋعاش باتىر سولتو رۋىنىڭ ءبيى جايلىعا، ونىڭ ءىنىسى، ءوزىنىڭ دوسى موموقانعا بارادى. جايىل: «ساعان ەشكىم تيمەسە، باسقالاردى قايتەسىڭ، وزدەرى كەلىسىپ الادى دا»، — دەپ سادىرعا بەرمەي قويىپتى. بۇل كەزدە اسىپ-تاسىعان سادىر، قۇداسى بولسا دا، كونبەيتىنىن ءبىلىپ ايتپاعان. جاۋعاش رەنجىپ، نە ىستەرىن بىلمەي شالا ءبۇلىنىپ جۇرگەندە، سادىردىڭ ساربازدارى قاراقىستاق ارقىلى كەلىپ، مەركىنىڭ باتىسى مەن قورعاتى بويىنداعى بوتبايلاردى شابادى. بوتبايلاردىڭ بۇل اتالارى قايتادان ىلەگە كوشەدى. جادىك مەدەتبەكتى تورت-بەس جاسىندا قىرعىزداردىڭ الىپ كەتىپ، تالاستاعى ءبىر بايدىڭ بالا ەتىپ العانى وسى كەزەڭ...

وقۋعا كەڭەس بەرەمىز:

ءجالاڭتوس باتىر

ەلشىبەك باتىر تۋرالى

ەر جاۋعاش

---