InfoHub Logo

ادەبيەتتىك وقۋ 3 سىنىپ

ساباقتىڭ تاقىرىبى: «جاز كەلەر» ش. قۇدايبەردى ۇلى
ساباقتىڭ ماقساتى:
بىلىمدىلىك: ولەڭدى مانەرلەپ وقىتىپ، جاز مەزگىلى جايلى تولىق مالىمەت بەرۋ؛ اۆتور جايلى قىسقاشا مالىمەت بەرۋ.
دامىتۋشىلىق: وي - ءورىسىن، شىعارماشىلىعىن دامىتۋ؛ جۇيەلى سويلەۋگە، ويىن ناقتى ءارى تۇسىنىكتى جەتكىزۋگە ۇيرەتۋ.
تاربيەلىك: تابيعاتتى قورعاپ، ەلىن، جەرىن سۇيۋگە، ىنتىماقتاستىققا، سىيلاستىققا باۋلۋ.
ءتيپى: جاڭا ءبىلىم بەرۋ
ءتۇرى: ساياحات ساباق
تەحنولوگياسى: دسوت
ءادىس تاسىلدەرى: باقىلاۋ، بايقاۋ، ءتۇسىندىرۋ، سۇراق - جاۋاپ، اڭگىمەلەسۋ، بايانداۋ، وي تولعانىس
كورنەكىلىكتەرى: ءتۇرلى تاراتپا ماتەريالدارى، ساباق تاقىرىبىنا ساي سلايد
ءپانارالىق بايلانىس: قازاق ءتىلى، دۇنيەتانۋ، بەينەلەۋ ونەرى

موتيۆاسيالىق - باعدارلاۋ كەزەڭى
ۇيىمداستىرۋ كەزەڭى
• وقۋشىلارمەن سالەمدەسۋ.
• سىنىپ تازالىعىنا ءمان بەرۋ.
• وقۋشىلاردى تۇگەندەۋ.
• وقۋشىلاردىڭ قۇرال - جابدىقتارىن تۇگەندەۋ.
• وقۋشىلار نازارىن ساباققا اۋدارۋ.

2. پسيحولوگيالىق دايىندىق
• الدىن - الا وقۋشىلارعا كۇن مەن بۇلت سۋرەتى بەينەلەنگەن تاراتپا ماتەريالدارى بەرىلەدى.
• بالالاردىڭ كوڭىل كۇيىن انىقتاۋ ءۇشىن كوڭىل كۇيى وتە جاقسى بولسا كۇندى كوتەرۋىن، ال ەگەر جابىرقاۋلى، كوڭىل كۇيى جوق بولسا بۇلتتى كوتەرۋىن تۇسىندىرەمىز.
وتە جاقسى، كوڭىلدى، جابىرقاۋلى، كوڭىلسىز

جابىرقاۋلى، كوڭىل كۇيى جوق وقۋشىلار بولاتىن بولسا، 3 قاتاردان 3 وقۋشى تۇرىپ سول وقۋشىلارعا ادەمى سوزدەر، لەبىزدەرىن ايتادى.
مىسالى: كۇندەي كۇلىمسىرە، جازداي جادىرا، اسپانداي اشىق بول، جۇرەگىڭ سۋداي ءمولدىر، تازا بولسىن ت. ب.

ءمۇعالىمنىڭ تۇيىندەمەسى:
- ال بالالار، ەندى ءبارىمىز وسى جاقسى كوڭىل كۇيمەن ساباعىمىزدى باستاپ، بىلمەگەنىمىزدى ۇيرەنىپ، ساباقتا كوپتەگەن جەتىستىكتەرگە جەتەيىك. سەندەرگە ساتتىلىك تىلەيمىن!
دۋ قول شاپالاق!!!

1. جاڭا ساباق
• كۇن رەتىن، تاقىرىپتى جازۋ.
• ءبىر جىلدا نەشە مەزگىل بار؟

- ءتورت مەزگىل.
- اتاۋلارىن اتاۋ:
كوكتەم، جاز، كۇز، قىس

جۇمباق جاسىرۋ:
قوينىڭ تولى جەمىسكە،
كوك مايسالى ەڭىستە.
كوبەلەك قۋىپ وينايتىن،
قاي مەزگىل دەپ ويلايسىڭ؟
( جاز)

• بۇگىنگى وتەتىن جاڭا تاقىرىپ شاكارىم قۇدايبەردى ۇلى اتامىزدىڭ «جاز كەلەر» ولەڭى.
• ش. قۇدايبەردى ۇلىنىڭ ومىربايانىمەن تانىستىرۋ.

شاكارىم قۇدايبەردى ۇلى – قازاقتىڭ اسا كورنەكتى اقىنى. ول قازىرگى شىعىس قازاقستان وبلىسىنىڭ سەمەي وڭىرىندەگى اباي اۋدانىندا تۋعان. ۇلى ابايدان ۇلكەن تاربيە العان. ءوز بەتىنشە ءبىلىم قۋىپ، ءبىلىمدار بولعان كىسى. سونىمەن بىرگە قاجىلىققا بارعان.

• ولەڭدى مانەرلەپ، ءتۇسىنىپ وقۋ.
• 2 وقۋشى داۋىستاپ وقيدى.
• ولەڭ مازمۇنىن تالقىلاۋ.
• سوزدىك جۇمىسىن جۇرگىزۋ.

• ساباقتى بەكىتۋ
• ال بالالار، ولەڭدى وقىدىق. كوز الدارىڭا جاز مەزگىلىن ەلەستەتتىڭدەرمە؟ ولاي بولسا بۇگىن ءبىز جاز مەزگىلىنە ساياحات جاسايتىن بولامىز.
- الاقاي!!!
• بالالار ساياحات بارىسىندا ءار كەدەرگىدەن وتكەن سايىن مەن سەندەردى باعالاپ وتىرامىن.
كوك دوڭگەلەك – وتە جاقسى
قىزىل شارشى - جاقسى
سارى ءۇشبۇرىش – قاناعاتتانارلىق

• جۇگىمىزدى الدىق، ال كەتتىك ساياحاتقا!
• اسپانعا قاراڭدارشى بالالار، كۇلىمدەگەن كۇن كورىنبەيدى عوي...
كۇن كوزىن بۇلتتار جاۋىپ قالىپتى.
كۇننىڭ قايتادان كۇلىمسىرەگەنىن قالايسىڭدار ما؟
- يا، ارينە، قالايمىز!
ولاي بولسا I دەڭگەيدەگى 3 تاپسىرمانى ورىنداۋ ارقىلى كۇنگە كومەك بەرەيىك.

I دەڭگەي
1جازدا تابيعاتتا قانداي وزگەرىستەر بولاتىنىن جاز.
2. جاز مەزگىلىن كوزدەرىڭە ەلەستەتىپ، تومەندەگى اسسوساسيانى تولتىر.

3. تومەندەگى اداسقان سوزدەردەن جاز مەزگىلىنە قاتىستى تىركەستەر قۇراپ جاز.
جاز
- جايدارلى
- ساباقتى
- شۋاقتى
- بويىڭدى
- بورمەن
- كوڭىلدى
• جارايسىڭدار بالالار! بارلىق تاپسىرمادان سۇرىنبەي وتتىڭدەر! كۇننىڭ كوزى اشىلدى، ەندى ساياحاتىمىزدى ءارى قاراي جالعاستىرايىق.

• جازدا جايقالىپ، جازدىڭ ءسانىن كەلتىرىپ تۇراتىن ول نە بالالار؟
- گۇلدەر
• نازار اۋدارىڭدارشى بالالار، قىزىلوردا قالامىزدىڭ جەلى كۇشتى بولعانى سونشالىق مىنا گۇلىمىزدىڭ كۇلتەلەرىن ۇشىرىپ الىپ كەتىپتى. گۇلگە كومەك بەرەمىزبە؟
- يا، ارينە كومەك بەرەمىز!
وندا II دەڭگەيدەگى 3 تاپسىرمانى ورىنداۋ ارقىلى گۇل كۇلتەلەرىن ىزدەپ تابايىق.

II دەڭگەي
1. جاز مەزگىلىنە بايلانىستى ماقال - ماتەلدەر ايت.

ماقال - ماتەلدەر:
جازدىڭ ءبىر كۇنى – قىستىڭ مىڭ كۇنىن اسىرايدى.
قاز كەلسە، جاز كەلەر. قارعا كەلسە، قاتقاق كەلەر.

شاعالا كەلمەي جاز بولماس، شاڭقان كەلمەي بوز بولماس.
جاز سايعا قونبا، قىس قىرعا قونبا.

باسقا جاز تۋرالى قانداي ولەڭ شۋماقتارىن بىلەسىڭ؟ وقىپ بەر.
ءوزىڭ تۇراتىن جەردەگى جاز مەزگىلىنىڭ سۋرەتىن سال.

بارەكەلدى بالالار، بۇل تاپسىرمادان دا مۇدىرمەي وتتىڭدەر. گۇل كۇلتەلەرىن تاپتىق. ءارى قاراي كەتتىك.

نە دەگەن كەرەمەت!!!
اينالا تولعان جۇپار اڭقىعان، جايقالعان گۇلدەر. گۇلدەرگە ۇشىپ - قونىپ جۇرگەن عاجايىپ كوبەلەكتەردى قاراڭدار!
ولاردى ۇستاپ كورگىلەرىڭ كەلەدى مە؟
- الاقاي، يا يا يا كورگىمىز كەلەدى.

جارايدى بالالار، ءبىراق الدىمەن III دەڭگەيدەگى تاپسىرمالاردى ورىنداپ الايىق. تاپسىرمانى جاقسى ورىنداساڭدار مەن سەندەرگە كوبەلەكتەردى كورسەتۋگە ۋادە بەرەمىن.
سەندەر شارشاماس ءۇشىن III دەڭگەيگە 2 تاپسىرما دايىندادىم.

III دەڭگەي
1. اقىندىق ونەرىڭدى كورسەتىپ، ولەڭدى ادەمى ۇيقاسپەن جالعاستىر.

بالاقاي - اۋ، بالاقاي،
جاز كەلەدى - اۋ، الاقاي.
جالاڭاياق جۇرەمىز،
بالاقتى دا تۇرەمىز.
كولدەن بالىق سۇزەمىز.
......................................
......................................

مىسالى:
تاۋ مەن تاستى كەزەمىز،
سان قىزىقتى كورەمىز.
سايدان جيدەك تەرەمىز،
التىباقان تەبەمىز.

2. «جارقىن جاز» تاقىرىبىنا شاعىن ەسسە جاز.
• وتە جاقسى بالالار، تاپسىرمادان قينالماي وتتىڭدەر. مەن دە سەندەرگە ۋادە ەتكەن كوبەلەكتەرىمدى سىيلايىن.
• وقۋشىلارعا كوبەلەك بەينەسى سالىنعان تاراتپا ماتەريالدارى كورسەتىلەدى.
ءىىى. قورىتىندى – رەفلەكسيالىق كەزەڭ.
• باعالاۋ

ساباق بارىسىندا جينالعان تاراتپا ماتەريالدارىن سالىستىرىپ، ساناپ سول بويىنشا باعالانادى.

ءمۇعالىمنىڭ تۇيىندەمەسى:
- بالالار، بۇگىنگى ساباق وتە قىزىقتى ءوتتى دەپ ويلايمىن. بىلمەگەندەرىڭدى ءبىلىپ، بىلەتىندەرىڭدى كورسەتىپ قىزۋ ءبىلىم تارتىسى بولدى.

- ءۇي تاپسىرماسىن بەرۋ
1.«جاز كەلەر» ولەڭىن جاتتاپ كەلۋ.
2.«جازعى دەمالىس» تاقىرىبىنا شىعارما جازۋ.