InfoHub Logo

2021 جىلدىڭ 17 قىركۇيەيەگىندە كورسەتىلىمگە شىققان وڭتۇستىك كورەيالىق «كالمار ويىنى»(يگرا ۆ كالمارا، Squid game) از عانا ۋاقىت ىشىندە 110 ميلليوننان استام قارالىم جيناعان. Netflixء-تىڭ قۇرامىندا ۇزدىكتەر قاتارىنا ەنىپ، Instagram، Tik-Tok جەلىلەرىندە كەڭىنەن تارادى. كەيبىر كورەرمەندەر اۆاتارلارىنا دەيىن سەريالداعى كەيىپكەرلەردى قويىپ ۇلگەرگەن. ءتۇرلى ترەندتەر مەن سوعان بايلانىستى بەتپەردەلەر دە بار. رەجيسسەرى حۆان دوڭ حيۋك (황동혁). ونىڭ ايتۋى بويىنشا، سەريالدىڭ جارىق كورۋى ءۇشىن ۇزاق جىل ۋاقىتى كەتكەن. قاتىگەزدەك پەن جاۋىزدىققا تولى ۆەب-سەريالدىڭ نەگىزگى كورەرمەندەرى وكىنىشكە وراي مەكتەپ وقۋشىلارى.  

اقشا جاعىنان تارشىلىق كورىپ، قارىزعا بەلشەسىنەن باتقان 456 ادامدى جاسىرىن تۇردەگى قۇپيا ويىنعا شاقىرتادى. كەم دۇنيەدە قىسىلىپ جۇرگەن جاندارعا ويىن شارتى بويىنشا 45، 6 ميلليارد ۆون بەرىلەدى، ارينە كەلىسەدى. ياعني، 38، 5 ملن اقش دوللارى. ترەيلەردە قانتوگىس كورىنىستەرىن كوپ كورسەتپەگەنىمەن، سەرياللىڭ ءوزى قانتوگىستەن تۇرادى. 9 سەريالدى كينو نەگىزىندە 1 عانا جەڭىمپاز بولۋى مىندەتتى. ءبىرىنشى كەزەڭ:  «Red light or green light». «جاسىل» دەگەندە ويىنشىلار الدىعا قاراي جۇرەدى، «قىزىل» دەگەن كەزدە قاتىسۋشىلار قوزعالماي تۇرا قالۋعا قاۋقارلى بولعانى ءجون، ءبىر ارتىق قيمىل، ويىننان شىعارىلادى. ەڭ باستى كەمشىلىك، ويىنشىلاردىڭ ويىننان جاي عانا شەكتەتىلۋىندە ەمەس. ەرەجە بويىنشا، قوزعالعان ويىنشى ولەدى. ويىننىڭ ەڭ باستاپقى كەزەڭىندە ولار ءۇشىن بۇل ەرەجە تانسىق بولادى. تەك، ەكىنشى كەزەڭدە عانا ويىن قۇنى ادام جانىنا تەڭەستەندىرىلەتىنىن سانالى تۇردە ۇعىنادى. نەگىزگى 5 ويىن جانە سوڭعى قورىتىندى ويىن ويناتىلادى. ولاردىڭ ىشىندە:

1) Red light or green light.
2) قايناتىلعان قاتتى قانت ىشىندەگى فيگۋرانى سىندىرماي الۋ.
3) ەكى توپقا ءبولىنۋ، ارقان تارتىس.
4) جۇپقا ءبولىنۋ، ءوزارا جارىس.
5) كوپىردەن ءوتۋ(جۇقا شىنى).
6) باس كەيىپكەرلەر گي حۋن مەن سان ۋ بالا كەزدەرىندە ويناعان "كالمار ويىنى".

كينو جەلىسى بويىنشا ەكى ءتۇيىن تۇيۋگە بولادى. بىرىنشىدەن، اقشا وڭاي جولمەن كەلمەيدى. ەكىنشىدەن، قارىزدى قايتارماۋ ارقىلى شەكسىز شيكىلىكتەردىڭ شەگىن شەكتەي المايسىڭ.  

تۋىندى تۋرالى جالپى اقپارات جازۋ ءۇشىن ەڭ الدىمەن سەريالدى تولىق زەرتتەۋ كەرەك بولدى جانە مەن ونى كوردىم. ۆەب-سەريال مۇلدەم بالالار ءۇشىن ارنالماعان! سەبەبى، پسيحيكاعا قاتتى اسەر ەتەتىن كورىنىستەردىڭ وتە كوپ بولۋى، ادامداردىڭ ءتىرى قالۋ جولىنداعى ءبىرىن-بىرى ءولتىرۋى، جاۋىزدىق، قاتىگەزدىك، قانتوگىس قويىلىمدارى مەن كورۋگە بولمايتىن قويىلىمداردىڭ كوپ كەزدەسۋى سەريالدىڭ بالالارعا ارنالماعاندىعىنا بىردەن-بىر فاكتور. قازىرگى زاماندا، ەلىكتەۋشىلىك جاس تۇلعالار بويىندا باسىمىراق. كەيىپكەرلەرگە دەگەن جانكۇيەرلىك قولداۋ بولەك، ال  سەريالداعى ىس-ارەكەتتەردى قايتالاۋ مۇلدە باسقا اتموسفەرا. عالىمدار مەن پسيحولوگتاردىڭ ايتۋى بويىنشا، پسيحيكاعا كەرى اسەر تۋدىرۋشى سەبەپ بولا الادى. تىپتەن، بۇل ويىندى كۇندەلىكتى وينالاتىن ويىن قاتارلارىنا قوسىپ العان. قاعازعا «كالمار ويىنىنىڭ» پىشىندەرىن سالىپ، ويىنعا شاقىرتۋ جاساۋدى دا شىعارعان. كەيبىر مەملەكەتتەردە اتا-انالار تاراپىنان نارازىلىق تۋىنداپ جاتىر. نەگىزگى تالاپ: الەۋمەتتىك جەلىلەردە شەكتەۋ قويۋ، تەك ولارعا عانا ەمەس، جاس شاياسىنا شەك قويۋ. ءقازىر، ءتىپتى اتا-انا بالاسىنىڭ تەلەفونىن قارامايدى، نە كورەتىنىن، قانداي سۋرەتتەردى جۇكتەيتىنىنەن، ءتىپتى اۆاتارلارىندا تۇرعان سۋرەتتەردىڭ قاي سەريالعا تيەسىلى ەكەنىنەن، ونىڭ مازمۇنىنان تولىقتاي بەيحابار. پىكىرلەردى وقىساڭ دا، وقۋشىلاردان سۇراساڭ دا:«ماعان ۇنادى، سەن كوردىڭ بە؟» دەپ سۇرايدى. قانتوگىس پەن جاۋىزدىققا تولى سەريال قالايشا كورەرمەننىڭ جۇرەگىنە جەتىپ، ەڭ ۇزدىك فيلم قاتارىنا ەنۋى مۇمكىن؟ 2ء-شى ماۋسىمىنىڭ شىعۋىن تالاپ ەتۋدە. . .  

ارينە، كينودا تۇرعان ەشتەڭە جوق. ءبىراق، كورەرمەندەردىڭ، ونىڭ ىشىندە جاس-جەتكىنشەكتەردىڭ ونى سانالى تۇردە قابىلداي الماۋى وتە جاعىمسىز اقپارات. «بالا ايتقاندى ەمەس، كورگەندى ىستەيدى. »

قابدۇلكاكىم اقەركە

---