جەلمايا (ءى نۇسقا)
قورقىت ەسەيىپ، باسىرە بايلانار جاسقا كەلگەندە قىپشاق ەلىندەگى ناعاشىلارىنا بارىپتى. ناعاشىلارى قورقىتقا «تاۋتايلاقتىڭ» تۇقىمىنان وركەنى تۇسكەن بوتا سىيلايدى. قورقىت بوتانى نارەستەدەي ماپەلەپ، تىل-كوزدەن قورعاشتاپ، سىلاپ-سيپاپ وسىرەدى. تىرسەگى بەكىپ، تابانى قاتا كەلە بوتا قورقىتتىڭ سوڭىنان قالماي ىلەسىپ، ءبىر ءسات كوز جازسا بوزداپ مازاسى كەتەدى ەكەن. تايلاق بولىپ، تاناۋى تەسىلگەن سوڭ دا نە كەلەگە قوسىلماي،
نە بوتەن ادامدى ماڭايىنا جولاتپاي، تەك قانا قورقىتقا باۋىر باسىپ وسەدى. تايلاقتان كەيىن قۇنانشا، ودان ءارى بۋىرشىن بولعان شاعىندا جۇرىسىنە تۇياق بىتكەن شىدامايتىن، تابانى مۇزدان تايمايتىن، جەتى كۇن، جەتى ءتۇن وت وتتاپ، سۋ ىشپەسە، مىڭق ەتپەيتىن، تىقىر بۇيرا جەلمايا بولىپ شىعا كەلەدى.
قورقىتتىڭ «جەلمايا» كۇيى وسىناۋ قاناتتى كولىگىنە، سەنىمدى سەرىگىنە ارنالعان ەكەن.
You Might Also Like
-
قازاق حالقى قورقىتتى ساز قۇدىرەتى، ونىڭ ىشىندە قوبىزدىڭ اتاسى دەپ اتايدى. ادام جانىنىڭ ەڭ اسىل سىرى قوبىز ۇنىندە دەپ بىلەدى. سوندىقتان دا ءوز كەزىندە بويلارىنداعى قۇپيا قۋاتتىڭ سيپاتىن جۇرتقا جاريا ...
-
قورقىت قولىنا قوبىزىن الىپ، جەلماياسىن جەلدىرتىپ، دۇنيەنىڭ ءتورت بۇرىشىن كەزىپ جۇرگەن شاعىندا ەلىنىڭ تاعدىرىن قىرىق جىل بۇرىن بولجاپ، نەشە ءتۇرلى ساۋەگەيلىك ويلار ايتادى ەكەن. حالقىنىڭ باقىتى مەن تىنى...
