جەلمايا (ءىى نۇسقا)
حالىقتىڭ ايتۋىنا قاراعاندا، قورقىت دەگەن اتتىڭ قويىلۋى كەزدەيسوق ەمەس كورىنەدى. قورقىت تۋعان كەزدە جينالعان جۇرت بالا ورنىنا ءپىشىنسىز «قۇبىجىقتى» كورىپ، قورقىپ قاشادى. اناسى بالا تۋعانىن سەزىپ، ءپىشىنسىز «قۇبىجىقتىڭ» قابىعىن جارىپ جىبەرگەندە، جىلاعان بالانىڭ داۋسى ەستىلەدى، الگى قورقىپ قاشقاندار قايتا كەلىپ، بۇل بالانىڭ اتىن «قورقىت» قويۋ كەرەك دەسەدى.
ءبىر زاماندا بىرەۋلەر تۇسىندە قورقىتقا: «قىرىق-اق جىل جاسايسىڭ!» — دەپ ايان بەرىپ كەتىپتى، سودان كەيىن قورقىت جەلدەن جۇيرىك جەلمايانى جازىلاپ ءمىنىپ، ماڭگىلىك ءومىر ىزدەپ شىعادى. الەمنىڭ بۇكىل ەلدەرىن ارالاپ، بارىندە دە ءولىم بار ەكەنىن كورگەن سوڭ، سىردارياعا قايتادى. جەلماياسىن قۇرباندىققا شالىپ، ءوزى سۋدىڭ ۇستىنە كىلەم توسەپ وتىرىپ، قورقىت قوبىزىمەن ءومىر ءانىن شىعارىپتى. وسى ءان ايتىلىپ تۇرعان كەزدە ءولىم قورقىتقا جاقىنداي المايتىن بولىپتى. قالجىراعان قورقىت ءبىر مەزەت قالعىپ كەتكەندە، اجال ونى جىلان بولىپ شاعىپ، ولتىرگەن ەكەن. ءبىراق قورقىت كۇيى اجالمەن ايقاسىن توقتاتقان ەمەس. كۇي تارتىلعان جەرگە اجال بارا المايدى-مىس. سول زاماننان باستاپ قورقىت بەينەسى ءومىر ءۇشىن ولىمگە قارسى كۇرەسپەن بايلانىستى.
You Might Also Like
-
اجالدان قاشقان قورقىت دۇنيەنىڭ ءتورت بۇرىشىن شارلاعاندا جانىنان ساۋعانى ءوزىنىڭ كىندىك جۇرتى سىردىڭ سۋىنان تاپقان عوي. جەلماياسىنىڭ جابۋىن سۋ ۇستىنە توسەپ، وعان جايعاسا وتىرىپ الىپ، قارا قوبىزىن بەبەۋ...
-
قورقىت جيىرما جاسقا تولعاندا اق ساقالى بەلىنە تۇسكەن، اق تاياعى كوك تىرەگەن اۋليە كەلىپ، تاعى دا تۇسىندە ايان بەرەدى: «ۋا، قورقىت، بۇل جارىق دۇنيەدە ساعان قىرىق جىل عۇمىر ماڭدايىڭا جازىلعان، ود...
