جەمقورلىقتى جويۋ وزىمىزگە بايلانىستى
قازىرگى تاڭداعى ماسەلەلەردىڭ ءبىرى — قوعامداعى سىبايلاس جەمقورلىق. وسى كەلەڭسىز قۇبىلىستىڭ ۇدەپ بارا جاتقانى ۇرپاق تاربيەسىنە زيان اكەلەتىنى ءبارىمىزدى الاڭداتادى. بۇل ماسەلەگە تەرەڭىرەك ۇڭىلەتىن بولساق، سىبايلاس جەمقورلىق ەل بولاشاعىنا، ۇلتتىق قاۋىپسىزدىككە ۇلكەن زيانىن تيگىزەدى. ياعني، وسى كەلەڭسىز قۇبىلىسپەن كۇرەسۋ بارشا حالىقتىڭ الدىندا تۇرعان ورتاق ماسەلە ەكەنى ايقىن.
سىبايلاس جەمقورلىق الەۋمەتتىك - ەكونوميكالىق دامۋ، نارىقتىق ەكونوميكانى قۇرۋ ينۆەستيسيالار تارتۋ پروسەسىن باياۋلاتاتىن جانە دەموكراتيالىق مەملەكەتتىڭ ساياسي جانە قوعامدىق ينستيتۋتتارىنا كەرى اسەر ەتەتىن، ەلدىڭ دامۋ بولاشاعىنا ايتارلىقتاي ءقاۋىپ توندىرەتىن قۇبىلىس. ەلباسى بيىلدا «قازاقستان حالقىنىڭ ءال-اۋقاتىن ارتتىرۋ - مەملەكەتتىك ساياساتتىڭ باستى ماقساتى» اتتى ءوزىنىڭ قازاقستان حالقىنا جولداۋىندا «دەموكراتيالىق قوعام جاعدايىندا قىلمىس پەن سىبايلاس جەمقورلىققا قارسى كۇرەس ەرەكشە مانگە يە بولادى» دەپ اتاپ كورسەتتى. ياعني بۇل مەملەكەتتىڭ وسى جاعىمسىز قۇبىلىستى جويۋ باعىتىنداعى كەشەندى جانە جۇيەلى كۇرەس جۇرگىزۋ ساياساتى جاندانىپ، ءارى قاراي جالعاسىن تابادى دەگەن ءسوز.
سونىمەن قاتار سىبايلاس جەمقورلىقپەن پارمەندى كۇرەسۋ ءۇشىن حالىقتىڭ قۇقىقتىق ساۋاتسىزدىعىن جوياتىن، قۇقىقتى ءتۇسىندىرۋ جۇمىسىنىڭ دەڭگەيى مەن ساپاسىن ارتتىرۋ كەرەكتىگىنىڭ ماڭىزى زور. حالىق وزدەرىنىڭ قۇقىقتارىن، وزدەرىنە قارسى قانداي دا ءبىر قۇقىققا قايشى ىس-ارەكەت جاسالعان جاعدايدا قانداي ءىس-قيمىل قولدانۋ كەرەكتىگىنىڭ ناقتى جولدارىن تولىق بىلۋلەرى قاجەت. كونستيتۋسيالىق ءتارتىپتى قورعاۋ، سىبايلاس جەمقورلىقپەن كۇرەس اياسىندا ءتيىمدى، ءبىرىڭعاي جالپى مەملەكەتتىك ساياسات جۇرگىزۋ، مەملەكەت پەن ازاماتتاردىڭ ءومىر ءسۇرۋىنىڭ بارلىق سالالارىندا سىبايلاس جەمقورلىق پەن ونىڭ كورىنىستەرى دەڭگەيىن تومەندەتۋ، قوعامنىڭ مەملەكەتكە جانە ونىڭ ينستيتۋتتارىنا سەنىمىن نىعايتۋ بۇگىنگى كۇندەگى باستى ماقسات بولىپ تابىلادى.
سىبايلاس جەمقورلىق - زامان اعىسىمەن بىرگە وسىپ-وركەندەپ، مول قاراجات جانە قوعامدىق باسەكەلەستىك پايدا بولعان جەرلەرگە تامىرىن جايىپ، بۇگىنگى كۇنگە دەيىن جويىلماي وتىرعان كەسەلدىڭ ءبىرى. بۇل كەسەل دامۋشى ەلدەردەگىدەي ءبىزدىڭ جاس مەملەكەتىمىزگە دە وراسان زور نۇقسان كەلتىرىپ وتىر.
سوندىقتان سىبايلاس جەمقورلىقپەن كۇرەسۋ بارلىق قازاقستان رەسپۋبليكاسى ازاماتتارىنىڭ ازاماتتىق بورىشى دەپ ءبىلۋ كەرەك.
ءال-فارابي اتىنداعى قازاق ۇلتتىق ۋنيۆەرسيتەتىنىڭ قازاقستان تاريحى كافەدراسىنىڭ دوسەنتى ت.ع.ك. ءجۇمادىل ماحاببات توقتار قىزى
You Might Also Like
-
ماڭعىستاۋ وبلىسى جاڭاوزەن قالاسى №18 «مەرەكە» بوبەكجايىنىڭ ديرەكتورى وجاحايەۆا ايتبيبي باكەنوۆنا
-
قازاقتىڭ تۇڭعىش كاسىبي مۋزىكانتى، مۋزىكا زەرتتەۋشىسى، ۇلاعاتتى ۇستاز، كاسىبي كومپوزيتور، قازاقستان عىلىم اكادەمياسىنىڭ ونەر سالاسىنداعى اكادەميگى، قازاقستاننىڭ حالىق ءارتىسى، وتباسىندا قامقورلى اكە،...
