جەر تۇرعىندارى 2022 جىلى جۇلدىزدىڭ پايدا بولۋىن ءوز كوزدەرىمەن كورە الادى
جەر شارىنىڭ تۇرعىندارى 2022 جىلى اسپاندا جاڭا جۇلدىزدىڭ پايدا بولۋىن ءوز كوزدەرىمەن كورە الادى.
بۇل تۋرالى Times باسىلىمى امەريكالىق استرونوم لارري مولناردىڭ زەرتتەۋىنىڭ ناتيجەسىنە سۇيەنىپ حابارلادى.
اسپاننىڭ جارىق دەنەسى ەكى جۇلدىزدىڭ سوقتىعىسۋى ناتيجەسىندە ءبىزدىڭ زامانىمىزدىڭ ءۇشىنشى عاسىرىندا پايدا بولعان ەكەن جانە ول KIC 9832227 ورتاق كودىمەن جۇلدىزدى اسپان كارتاسىنا ەنگىزىلگەن. ءبىراق ونىڭ جارقىلى جەر شارىنا 1،8 مىڭ جىل بويى جەتكەن.
جاڭا جۇلدىز اققۋ جۇلدىزدار توبىندا ازداعان ۋاقىتقا عانا پايدا بولادى. سوقتىعىسۋدان بولاتىن جارقىلدىڭ قۋاتتى بولاتىنى سونشالىق، ول بىرنەشە كۇنگە تۇنگى اسپانداعى ەڭ جارىق نىسانداردىڭ ءبىرى بولۋى مۇمكىن.
استرونومنىڭ باعالاۋىنشا، جەر تۇرعىندارى وقيعانى 2022 جىلى باقىلاي الادى، دەگەنمەن، ەسەپتەۋلەردە بىرنەشە جىلعا قاتە كەتۋى ىقتيمال. ەگەر مولناردىڭ بولجامى ورىندالسا، عالىم جۇلدىزداردىڭ سوقتىعىسۋىن ونىڭ جارىعى جەرگە جەتپەي تۇرىپ، الدىن الا بولجاعان تاريحتاعى تۇڭعىش استرونوم بولادى.
You Might Also Like
-
تاراز مەملەكەتتىك پەداگوگيكالىق ينستيتۋتىندا «بالاساعۇن كىتاپحاناسى» سەرياسى بويىنشا بىرنەشە جاڭا كىتاپ جارىق كوردى.
-
جاقىن ارادا ستۋدەنتتەردىڭ قىسقى دەمالىستان كەيىنگى وقۋ ماۋسىمى باستالادى. جاڭا زاڭناماعا سايكەس، وسى ساناتتاعى ازاماتتار دا ۋاقىتشا تىركەۋگە تۇرۋى قاجەت.
