ستۋدەنتتەردى ۋاقىتشا تىركەۋ قالاي جۇرگىزىلەدى
جاقىن ارادا ستۋدەنتتەردىڭ قىسقى دەمالىستان كەيىنگى وقۋ ماۋسىمى باستالادى. جاڭا زاڭناماعا سايكەس، وسى ساناتتاعى ازاماتتار دا ۋاقىتشا تىركەۋگە تۇرۋى قاجەت.
استانا قالاسىنىڭ ەسىل اۋداندىق xالىققا قىزمەت كورسەتۋ ورتالىعىندا كوشى-قون سالاسىنىڭ مامانى گۋلميرا ابىلتايەۆانىڭ ايتۋىنشا، ستۋدەنتتەر وزدەرى وقيتىن جوعارى وقۋ ورنى بويىنشا ۋاقىتشا تىركەۋگە الىنادى. ول ءۇشىن ۋنيۆەرسيتەت، يا بولماسا، ينستيتۋتتىڭ ءوتىنىش xاتى جانە ستۋدەنتتىڭ جەكە قۇجاتتارى قاجەت. ۋاقىتشا تىركەۋدىڭ قۇنى - 227 تەڭگە.
"ەندى، ستۋدەنتتەردىڭ ءبارى بىر-بىرلەپ كەلسە، مىنا جەردىڭ نە بولىپ كەتەتىن ەلەستەتە بەرىڭىزدەر. سوندىقتان بۇگىندە جوعارى وقۋ ورنىنىڭ اتىنان بەرىلەتىن ءوتىنىش xاتقا بارلىق ستۋدەنتتەردىڭ ءاتى-جونىن ەنگىزىپ، ءبىر جاۋاپتى ادامنىڭ ۋنيۆەرسيتەت شاكىرتتەرىن تىركەۋگە قويعانى دۇرىس. ولاي ىستەپ جاتقاندار بار. دەگەنمەن، مىڭداعان ستۋدەنتتى ءبىر ۋاقىتتا تىركەۋگە قويۋ قيىن عوي. سوندىقتان ۋنيۆەرسيتەت وكىلدەرى ءبارىن توپتاستىرىپ، 300 ادامنان اكەلسە دە بولادى"، - دەيدى گ.ابىلتايەۆا.
ايتا كەتەيىك، جاڭا زاڭناماعا سايكەس، ءبىر قالادان ەكىنشى قالاعا بارىپ، جوعارى وقۋ ورنىندا وقيتىن، يا بولماسا، جۇمىس ىستەيتىن قازاقستان ازاماتتارى جۇرگەن جەرى بويىنشا ۋاقىتشا تىركەۋگە تۇرۋعا مىندەتتى. ءبىر ايعا دەيىن جەڭىلدىك بار. ال ودان اسىپ كەتسە، ايىپپۇل سالىنادى.
دەرەككوز: قازاقپارات
You Might Also Like
-
جەر شارىنىڭ تۇرعىندارى 2022 جىلى اسپاندا جاڭا جۇلدىزدىڭ پايدا بولۋىن ءوز كوزدەرىمەن كورە الادى.
-
جۇڭگو ستۋدەنتتەرىنىڭ كوپشىلىگى قازاق ءتىلىن ۇيرەنگىسى كەلەدى. بۇل تۋرالى بۇگىن «ۇلى جىبەك جولىندا بىرگە» بايقاۋىنىڭ جەڭىمپازدارىن ماراپاتتاۋ اياسىندا ب ا ق وكىلدەرىنە سۇحبات بەرگەن قىتايدىڭ...
