جەتىگەننىڭ جەتەۋى
جۇرت ءارتۇرلى اۋرۋعا، اشتىققا ءجيى-جيى ۇشىراپ وتىرعان وتكەن زاماندا قاھارلى قىستىڭ قاقاعان ايازدى كۇندەرىنىڭ بىرىندە جۇتتان مال قىرىلىپ، ەل قاتتى كۇيزەلەدى. سول زاماندا ءومىر سۇرگەن ءبىر قاريانىڭ جەتى ۇلى بولىپتى. كوپ قايعىسىنىڭ ءبىر شەتى قاريانىڭ شاڭىراعىنا دا جەتەدى. بالالارى بىرىنەن سوڭ ءبىرى دۇنيە سالادى، قايعى باسقان قاريا كەپكەن قۋ اعاشتى ويىپ، اسپاپ جاسايدى. ءار بالاسى قايتىس بولعان سايىن اسپاپتىڭ بەتىنە جىلقى قىلىنان ءبىر ىشەك تاعىپ، سازدى مۇڭعا تولى جوقتاۋ ءانىن سالادى. وسى جەتى ءتۇرلى اۋەندى شىعارىپ، ءار بالاسىنىڭ مىنەز-قۇلقىن، ءجۇرىس-تۇرىسىن سۋرەتتەگەندەي بولادى. ۇلكەن ۇلى قاني قايتىس بولعاندا شال «قاراعىم» دەگەن كۇيىن شەرتەدى. ەكىنشى بالاسى تورەالىمعا — «قانات سىنار»، ءۇشىنشى بالاسى جايكەلدىگە — «قۇمارىم»، ءتورتىنشى بەكەنگە — «وت سونەر»، بەسىنشى قاۋاسقا — «باقىت كوشتى»، التىنشى بالاسى جۇلزارعا — «كۇن تۇتىلدى» دەگەن كۇيلەردى ارنايدى. قارت ەڭ كىشى بالاسى قياس قايتىس بولعاندا اقىرعى، جەتىنشى ىشەگىن تاعىپ، ۇزاق تارتىلاتىن سوڭعى كۇيىن شەرتەدى. شالدىڭ بالالارىنا ارناپ شىعارعان جەتى كۇيى ودان ءارى دامىتىلىپ، ەل اراسىنا «جەتىگەننىڭ جەتەۋى» دەگەن اتپەن تاراپ كەتەدى.
You Might Also Like
-
بۇرىن بىرەۋدىڭ كارىبوز دەگەن جۇيرىگى بولىپتى. كارىبوز قۇنانىنان باستاپ قارتايعانعا دەيىن رۋلى ەلدىڭ ىشىندە بولعان ءىرىلى-ۋاقتى بارلىق تويدا الدىنا ات سالماعان جۇيرىك اتالادى. كارىبوزدى كورىپ تالاي ت...
-
قورقىتتىڭ قىرىق جىل عانا ءومىر سۇرەتىنى ايان بولادى. وسىدان كەيىن جەلماياسىن جەلدەي ۇشىرىپ ولىمنەن قاشادى عوي. قاشقانمەن جانالعىش الدىن وراپ، قايدا بارسا قورقىتتىڭ كورىن قازدىرىپ جاتادى. ءبىراق كوپكە د...
