قورقىت (ءىI نۇسقا)
قورقىتتىڭ قىرىق جىل عانا ءومىر سۇرەتىنى ايان بولادى. وسىدان كەيىن جەلماياسىن جەلدەي ۇشىرىپ ولىمنەن قاشادى عوي. قاشقانمەن جانالعىش الدىن وراپ، قايدا بارسا قورقىتتىڭ كورىن قازدىرىپ جاتادى. ءبىراق كوپكە دەيىن جانالعىش قورقىتتىڭ جانىن الۋعا باتا الماي، قۇر بوسقا توڭىرەكتەۋمەن بولادى.
اقىرى، ءبىر كۇنى جانالعىش التىننان ساندىق سوقتىرىپ، قورقىتتىڭ جانىن الۋعا بەل بۋىپ، سايلانىپ شىعادى. مۇنى كۇنى بۇرىن بولجاپ بىلگەن قورقىت اجالدىڭ تۇزاعىنا تۇسپەۋدىڭ امالىن ويلايدى.
كۇندەردىڭ كۇنىندە جانالعىش اقىرى قورقىتپەن بەتپە-بەت كەلىپ: «كىر مىنا ساندىققا!» دەپ بۇيىرادى. قورقىت بولسا كۇنى بۇرىن ويلاستىرعان امالىنا سالىپ: «كىرۋىن كىرەر ەدىم، ءبىراق مىنا قالپىمدا ساندىققا قالاي سيامىن؟ الدىمەن ءوزىڭ كىرىپ كورسەت، سونان سوڭ دەگەنىڭ بولسىن!» — دەيدى. سول جەردە جانالعىش ساندىققا كىرىپ كورسەتپەكشى بولعاندا قورقىت ونى تارس جاۋىپ، اۋزىن اشىلماستاي بەكىتەدى دە، داريانىڭ سۋىنا اعىزىپ جىبەرەدى.
جانالعىش ساندىققا قامالعان قالپى اعىپ كەتە بارادى. ءسويتىپ، حالىق كوپكە دەيىن ءولىم دەگەندى بىلمەي، شات-شادىمەن عۇمىر كەشەتىن بولادى.
سول كەزدە داريانىڭ اياعىندا اۋى بوس شىقپايتىن كەرەمەت ءبىر اقجولتاي بالىقشى بولادى ەكەن. بىردە جانالعىش قامالعان ساندىق الگى بالىقشىنىڭ اۋىنا تۇسەدى عوي. بالىقشى «بۇل نە عىلعان ساندىق» دەپ اۋزىن اشقاندا، ساندىق ىشىنەن دولدانا اقىرىپ جانالعىش شىعادى. اشۋ ۇستىندە كوزىنە كورىنگەن بالىقشىنىڭ جانىن الادى. سونان سوڭ، قورقىتتىڭ جانىن الۋ ءۇشىن كەكتەنگەن قالپى ىزدەپ كەتەدى.
ال قورقىت بولسا بۇل كەزدە جانالعىشتىڭ وكشەسىنە تۇسكەنىن ەسىنە الىپ، «اڭدىعان جاۋ — الماي قويماس!» دەپ مۇڭايىپ، سول كوڭىل-كۇيىن قوڭىرلاتىپ قوبىزىنا سالعان ەكەن.
You Might Also Like
-
جۇرت ءارتۇرلى اۋرۋعا، اشتىققا ءجيى-جيى ۇشىراپ وتىرعان وتكەن زاماندا قاھارلى قىستىڭ قاقاعان ايازدى كۇندەرىنىڭ بىرىندە جۇتتان مال قىرىلىپ، ەل قاتتى كۇيزەلەدى. سول زاماندا ءومىر سۇرگەن ءبىر قاريانىڭ جەتى ۇ...
-
- تاۋداعى قىزدى كوردىڭ بە؟ تاۋداعى قىزدى تانيسىڭ با؟ تاۋداعى قىز بار ەمەس پە...-دەگەن كىشكەنتاي كوركەمنىڭ تاۋسىز اۋىلداعى قايداعى تاۋدى ايتىپ، قايداعى تاۋ قىزىن ايتاتىنىن ەشقايسىمىز تۇسىنبەسەك تە، ...
