InfoHub Logo

كىشى ءجۇزدىڭ اتىنان روسسيا پاتشاسىنا قاراۋعا قول قويىپ جانە پاتشامەن كوڭىلدەس بولعاندىعى ءۇشىن نۇرالى حانعا سىرىم نارازى بولىپتى. «قالىڭ جۇرتقا اقىلداسپاي، ودان بيلىكسىز ءىس قىلدىڭ» دەپ وكپەلەپتى. نۇرالى سىرىم باتىرعا قارىنداسىن العان كۇيەۋ ەكەن. ءبىر كۇنى سىرىم قوناققا كەلىپ، اڭگىمەلەسىپ وتىرىپ نۇرالىدان:

— جىلقىنىڭ تورىسى كوپ پە، توبەلى كوپ پە؟ — دەپ سۇراپتى. وعان نۇرالى جاۋاپ بەرە الماپتى.

بۇل سۇراۋدىڭ ءمانىسى: «تورىسى» دەگەنى — جىلقىنىڭ بار دەنەسىندەگى تۇگىن قازاق ەلىنە سالىستىرعانى. توبەلىن سول قالىڭ قازاق ەلىنىڭ ىشىندەگى ۇركەردەي حان-تورە تۇقىمىنا سالىستىرعانى. «ات توبەلىندەي ازعانا تورە اتتىڭ تۇگىندەي تۇتاس كوپكە اقىلداسپاي ءىس قىلدىڭ، قازاق ەلىن كوتەرىپ شابايىن با؟» — دەگەنى ەكەن.

سودان سىرىم ەل ارالاپ ەلدىڭ باستى ادامدارىنان اقىل سۇراپتى. اقىل سۇراعان كىسىلەرىنىڭ ءبىرى بەرىش الدار ءبيى ەكەن. بۇل تۋرالى ەل اۋزىنداعى جىر بىلاي باستالادى:

— حانداردىڭ ەڭ اقىرى نۇرالى ەدى،
تورەنىڭ «ارقار» دەگەن ۇرانى ەدى.
حان ۇلىن باتىر سىرىم شابارىندا،
اقىلدى الدار بيدەن سۇراپ ەدى...

الدار بي: «نۇرالىنى كىدىرمەي شاپ، جىلدام شاپپاساڭ، حان ەلگە وترياد شىعارىپ بەرەكەمىزدى الادى»، — دەپتى.

سودان سىرىم نۇرالىنىڭ اۋىلىن شاۋىپ الادى. نۇرالى قاشىپ ورال كازاقتارىنىڭ قولتىعىنا كىرىپ تىعىلادى.

سىرىم سودان كەيىن ەسىم حاندى ولتىرەدى. ەسىم حاندى ءولتىرۋى بىلاي بولعان: ەسىم حان جىلما-جىل ەلدەن الىم-سالىق الاتىن ادەتىندە قىرىق ءۇيدى قاز-قاتار تىكتىرەدى ەكەن. نوكەرلەرىمەن، الىمشى كىسىلەرىمەن سول ۇيلەردە جاتادى ەكەن. ءسۇيتىپ حان تومەنگى تومپاق قالاسىنىڭ تۇسىندا وتىرعاندا، سىرىم جانسىز (تىڭشى) سالىپ حابار الىپ تۇرادى. حان قاز-قاتار كيىز ۇيلەردىڭ بىرىنەن سوڭ بىرىنە جاتادى ەكەن. تىڭشى ارقىلى قاي ۇيدە جاتقانىن الدىن الا بىلگەن سىرىم تاڭ اتا ەسىمدى توسەكتە ءولتىرىپ، مال-مۇلكىن شاۋىپ الىپتى.

وقۋعا كەڭەس بەرەمىز:

سىرىم باتىردىڭ شەشەندىك سوزدەرى

سىرىمعا اناسىنىڭ ايتقانى (I نۇسقا)

بايباقتى سىرىم باتىردىڭ اكەسىنىڭ اتىن دات دەپ قويۋدىڭ سىرى؟

---