جوعارى ءبىلىم بەرۋ جۇيەسىندە ەلەۋلى قارجىلىق بۇزۋشىلىقتار انىقتالدى
ەسەپ كوميتەتى جۇرگىزگەن اۋديت كەزىندە ق ر ءبىلىم جانە عىلىم مينيسترلىگىنەن 1،8 ملرد. تەڭگەگە قارجىلىق بۇزۋشىلىقتار تاپتى. بۇل تۋرالى بۇگىن رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ مۇشەسى سوۆحوزبەك قۇلماعانبەتوۆ ءمالىم ەتتى.
«اۋديت كەزىندە 1 ميلليارد 845 ميلليون تەڭگەنىڭ قارجىلىق بۇزۋشىلىقتارى انىقتالدى. باقىلاۋ كەزىندە 918 ميلليون تەڭگە قايتارىلدى. ولاردىڭ ىشىندە 815 ميلليون تەڭگەسى ەكى جوعارى وقۋ ورىننىڭ بالانسىندا تۇرعان جەر ۋچاسكەلەرىن قايتا باعالاۋ كەزىندە قالپىنا كەلتىرىلگەن. بۋحگالتەرلىك ەسەپ كەزىندە اتقارىلعان جۇمىستاردى قايتا قاراۋ بارىسىندا 102 ميلليون تەڭگە قالپىنا كەلتىرىلدى. سونىمەن قاتار مەملەكەتتىڭ پايداسىنا 252،8 ميلليون تەڭگە ءوندىرىلىپ الىندى»، - دەپ اتاپ ءوتتى س.قۇلماعانبەتوۆ 2016 جىلدىڭ ءبىرىنشى جارتىجىلدىعىندا ق ر ءبىلىم جانە عىلىم مينيسترلىگىندە جاسالعان ءاۋديتتىڭ قورىتىندىلارىن جاريا ەتۋ كەزىندە.
ونىڭ سوزىنە قاراعاندا، اۋديت بارىسىندا 12 ميلليارد 510 ميلليون تەڭگەگە 119 پروسەدۋرالىق بۇزۋشىلىقتار قالپىنا كەلتىرىلگەن. ءتيىمدى ەمەس پايدالانىلعان قاراجاتتىڭ كولەمى 7 ميلليارد 49 ميلليون تەڭگەنى قۇرادى.
You Might Also Like
-
باعانا عانا وسى كافەدرادان كىرىپ-شىعىپ جۇرگەن ءبىر وقىتۋشىنى كورگەن ەدى. بۇعان ءتۇسى سۋىقتاۋ كورىنگەن. مىنا قاعازدا وسى وقىتۋشىنىڭ ساباعى بولماي-اق قويسا ەكەن دەپ تىلەدى. كافەدرانىڭ ەسىگىن قاعىپ، ...
-
قازاقستاندا 1500-دەن استام اۋىلدا جالپى ءبىلىم بەرۋ مەكتەپتەرى جوق. بۇل تۋرالى ق ر بعم بالالاردىڭ قۇقىقتارىن قورعاۋ كوميتەتى ءتوراعاسىنىڭ مىندەتىن اتقارۋشى مانشۇك ابدىكارىم حابارلادى.
