InfoHub Logo

2019-2020 وقۋ جىلىنىڭ باسىندا قازاقستاندا 125 جوعارى وقۋ ورنى جۇمىس ىستەدى. ءبىر جىل ىشىندە جوعارى ءبىلىم سالاسىندا كورسەتىلگەن قىزمەتتەردىڭ كولەمى 10 پايىزعا ءوستى.

اتالعان ءبىلىم وردالارىنىڭ 84ء-ى نەمەسە 67،2 پايىزى - جەكە مەنشىك جوعارى وقۋ ورىندارى (جوو). جوو-لاردىڭ باسىم بولىگى ەلىمىزدىڭ باستى ءۇش ءىرى قالاسى - الماتى (41 جوو)، نۇر-سۇلتان (15) جانە شىمكەنتتە (10) شوعىرلانعان.

ال ستۋدەنتتەردىڭ جالپى سانى - 604،3 مىڭ. بۇل بۇعان دەيىنگى وقۋ جىلىنداعى ستۋدەنتتەر سانىنان (542،5 مىڭ) 11،4 پايىزعا كوپ.

جالپى، ستۋدەنتتەر سانىنىڭ 79،6 پايىزى - كۇندىزگى بولىمدە، 14،9 پايىزى - سىرتتاي جانە 5،5 پايىزى - كەشكى بولىمدە ءبىلىم الادى. بۇل رەتتە بارلىق ستۋدەنتتەردىڭ 39،9 پايىزى مەملەكەتتىك جوعارى وقۋ ورىندارىندا وقيدى.

مەملەكەتتىك ءبىلىم گرانتى ەسەبىنەن وقيتىن ستۋدەنتتەردىڭ سانى - 180،1 مىڭ (29،8 پايىز)، اقىلى نەگىزدە وقيتىندار - 424،3 مىڭ (70،2).

وسى وقۋ جىلىنىڭ باسىندا رەسپۋبليكا جوو-لارىندا ستۋدەنتتەرگە ءبىلىم بەرەتىن وقىتۋشىلاردىڭ سانى 38،5 مىڭ ادامعا جەتتى. ونىڭ ىشىندە 3،3 مىڭ (8،5 پايىز) ادام - عىلىم دوكتورى، 12،7 مىڭ (33،1) - عىلىم كانديداتى، 2،5 مىڭ (6،4) - پروفەسسور، 5،9 (15،3) مىڭ وقىتۋشىنىڭ - دوسەنت دارەجەسى بار. فيلوسوفيا دوكتورى عىلىمي دارەجەسى بار وقىتۋشىلار - 2،6 مىڭ (6،8 پايىز)، بەيىن بويىنشا دوكتورلار - 235 (0،6)، ماگيستر اكادەميالىق دارەجەسى بار وقىتۋشىلار - 13 مىڭ (33،9).

2019 جىلدىڭ قاڭتار-قىركۇيەگىندە جوعارى ءبىلىم سالاسىنداعى قىزمەتتەردىڭ كولەمى 229،5 ملرد تەڭگەنى قۇراپ، ءبىر جىل ىشىندە 10،8 پايىزعا ءوستى. 2018 جىلدىڭ ءدال وسىنداي كەزەڭىندەگى سوما 207،1 ملرد تەڭگە بولعان ەدى.

وڭىرلىك شەكتە جوعارى وقۋ ورىندارى كورسەتكەن قىزمەتتەردىڭ ەڭ كولەمى الماتى قالاسىندا تىركەلىپ، 84،8 ملرد تەڭگەنى قۇرادى. بۇل ەل بويىنشا جالپى سومانىڭ 37 پايىزىنا تەڭ. ۇزدىك ۇشتىك قاتارىندا نۇر-سۇلتان قالاسى (57 ملرد تەڭگە) مەن قاراعاندى وبلىسى (14،7 ملرد تەڭگە) بار. سونىمەن قاتار توپ-5 وڭىرگە شىمكەنت قالاسى (12،8 ملرد تەڭگە) مەن اقتوبە وبلىسى (9،6 ملرد تەڭگە) كىرەدى. اتالعان بەس ءوڭىردىڭ جوعارى ءبىلىم سالاسىندا كورسەتكەن قىزمەتتەرىنىڭ جالپى كولەمى 178،9 ملرد تەڭگەنى قۇرايدى.

---