قازاقستاندا ءبىلىم بەرۋ باعدارلامالارى كاسىبي ستاندارتتارعا نەگىزدەلۋى ءتيىس - س. ومىربايەۆ
الماتى. قازاقپارات - قازاقستاندا ءبىلىم بەرۋ باعدارلامالارى كاسىبي ستاندارتتارعا نەگىزدەلۋى ءتيىس. بۇل تۋرالى بۇگىن الماتىدا ءال-فارابي اتىنداعى قازاق ۇلتتىق ۋنيۆەرسيتەتىندە «ءبىلىم بەرۋ باعدارلامالارىن جاڭعىرتۋ: اككرەديتاسيا جانە كادرلار دايىنداۋ ساپاسىنىڭ كەپىلى» اتتى 46-شى رەسپۋبليكالىق عىلىمي-ادىستەمەلىك كونفەرەنسياسى بارىسىندا ق ر ءبىلىم جانە عىلىم مينيسترلىگىنىڭ جوعارى جانە جوعارى وقۋ ورنىنان كەيىنگى ءبىلىم، حالىقارالىق ىنتىماقتاستىق دەپارتامەنتىنىڭ ديرەكتورى سەرىك ومىربايەۆ ءمالىم ەتتى.
«وكىنىشكە قاراي، قازاقستاننىڭ جوعارى ءبىلىم بەرۋ جۇيەسىندە ءبىلىم بەرۋ باعدارلامالارى، وقىتۋ ۇدەرىسى وندىرىسپەن ءالى دە بولسا ءالسىز ۇيلەستىرىلگەن. ارينە، كاسىبي ستاندارتتار ازىرلەنىپ-اق جاتىر. ءبىراق، ولاردىڭ بارلىعى بىردەي جوعارى جانە جوعارى وقۋ ورنىنان كەيىنگى ءبىلىمدى قامتىمايدى. قازىرگى تاڭدا ەلىمىزدەگى 137 كاسىبي ستاندارتتىڭ ىشىندە تەك 56 ستاندارتتا عانا جوعارى جانە جوعارى وقۋ ورنىنان كەيىنگى بىلىمگە دەگەن كاسىپتىك تالاپتار مەن قۇزىرەتتەر شىنايى كورسەتىلگەن. بۇل نەنى بىلدىرەدى؟
ياعني، ءبىز ءالى دە بولسا ءبىلىم بەرۋ باعدارلامالارىن كاسىبي ستاندارتتاردىڭ تالاپتارىنا نەگىزدەپ جاساپ جاتقان جوقپىز. وسى سەبەپتەن دە ەڭبەك نارىعىنىڭ، جۇمىس بەرۋشىلەردىڭ جوعارى ءبىلىم جۇيەسىنە، جاس مامانداردىڭ بىلىكتىلىگىنە كوڭىلدەرى تولمايدى. كەزىندە اكادەميالىق قاۋىمداستىق كاسىبي ستاندارتتاردى، تالاپتاردى ازىرلەۋدى جۇمىس بەرۋشىلەردىڭ وزدەرىنە تاپسىرعان بولاتىن. ءبىراق، ولار مۇنداي جۇمىسقا دايىن بولماي شىقتى. سوندىقتان بۇل جۇمىستى بىرلەسە اتقارۋىمىز قاجەت. وقۋ ۇدەرىسى مەن ءوندىرىس اراسىندا تىعىز بايلانىس ورناۋى ءتيىس. سوندا عانا بۇگىنگى جاhاندانۋ زامانىندا باسەكەگە قابىلەتتى، بىلىكتىلىگى جوعارى ماماندار دايارلاۋعا بولادى»، - دەدى س. ومىربايەۆ.
inform.kz
You Might Also Like
-
جول ەرەجەسىن بۇزعان الماتىلىقتار مەملەكەتكە 12 ملرد. تەڭگە بەرەشەك. مۇنداي اقپاراتتى قالالىق پوليسيا جاريالادى.
-
دۇنيەجۇزىلىك دەنساۋلىق ساقتاۋ ۇيىمى ليبەريا مەن باتىس افريكادا ەبولا دەرتى ەپيدەمياسى اياقتالعانىن جاريا ەتتى، دەپ حابارلايدى بي-بي-سي اگەنتتىگى.
