جورعا ايۋ (ءى نۇسقا)
تاۋدىڭ تارلان تاعىسى ايۋ بىردە بالاسىن ەرتىپ ەتەككە تۇسەدى. ەتەكتە كۇركىرەپ اعىپ جاتقان اق جال تولقىندى وزەن بار ەكەن. ايۋدىڭ قونجىعى وزەن اعىسىن قىزىقتاپ جارقاباقتان قاراپ تۇرعاندا قۇلاپ كەتىپتى. ارىنى قاتتى تاۋ سۋى قورباڭداعان قونجىقتى جاڭقا قۇرلى كورمەي، قاقپاقىلداپ الا جونەلەدى.
كوز الدىندا اق كوبىكپەن ارالاسىپ، ءبىر باتىپ، ءبىر شىعىپ اعىپ بارا جاتقان بالاسىن قيماي ايۋ جانتالاسادى. قۇتقاراتىن دارمەنى جوق، سۋ ىشىندە قاراڭداعان بالاسىنان كوز الماي جار جاعالاپ جۇگىرە بەرەدى. باۋىرىن بۇتاق جىرىپ، تابانىن تاس تىلەدى. ءبىراق بالاسىنا دەگەن انالىق سەزىمى سۇلدەرىن سۇيرەلەپ، قونجىعىنان قالىسپاي جۇگىرە بەرەدى.
وسى ءبىر جاعدايدى كوزى كورگەن كۇيشى دومبىرا مەن سىبىزعىعا كۇي ەتىپ سالعان ەكەن.
مىناۋ سونداعى ايۋدىڭ جورعالاي بالپاڭداپ جۇگىرگەندەگىسى ەكەن دەيدى.
You Might Also Like
-
قوجاناسىر اپەندى جاس كەزىندە وقىعان مەدرەسەنىڭ شاكىرتتەرى كەزەكتەسىپ ءبىر-بىرىنىڭ ۇيلەرىندە باس قوسىپ، كەش وتكىزىپ، ءان شىرقايدى ەكەن. ءبىراق وسى ءبىر كوڭىلدى توپتىڭ ىشىندە ارسىزداۋ ءبىر ءانشى بار ەكەن. ...
