قىزىلقان (ءى نۇسقا)
كوكتەمدە ۇشىپ كەلىپ، كۇز تۇسە جىلى جاققا قايتاتىن جىل قۇستارىنىڭ ىلعي الدىن باستاپ، قارقارا تارتا ۇشىپ وتىراتىن قىزىلقان اتتى ءبىر قۇس بولىپتى دەيدى. قىزىلقان ءوزىنىڭ سوڭىنداعى مىڭ سان قۇستى نەبىر قانات تالار شولدەن، توپشى تالار بەلدەن وتكەرىپ، وتى-سۋى مول ولكەگە باستاپ كەلىپ جۇرەدى ەكەن.
بىردە مونشاقتاي ءتىزىلىپ، جىلى جاقتى ساعالاپ كەلە جاتقان قالىڭ قۇس قارلى بورانعا ۇرىنىپ، جويداسىز شىعىنعا ۇشىراپتى. سوندا، سوڭىنان ەرگەن ۇيالاستارىنىڭ اۋىر حالىنە كۇيزەلگەن قىزىلقان مۇڭىن شاعىپ تاڭىرگە بارادى. ءتاڭىرى قىزىلقاننىڭ شاعىمىن تىڭداپ بولىپ: «ە-ە، ءتۇز تاعىسىن تابيعاتپەن تىلدەس ەتپەي بولمايدى ەكەن. جارايدى، مەن سەندەرگە اداسپاي ۇشۋ ءۇشىن اسپاننان جول سالىپ بەرەيىن!» — دەپ، كوك جۇزىنە اق بەلدەۋ جول سالىپ بەرەدى. اسپانداعى اق بەلدەۋ قۇس جولىنىڭ پايدا بولۋ سەبەبى سودان بولسا كەرەك.
ۇرپاعىنىڭ قامىن ويلاپ، تاڭىرىمەن تىلدەسكەن قىزىلقان اتتى قۇسقا ارناپ سىبىزعىشى كۇي شىعارعان.
You Might Also Like
-
اسان قايعىنىڭ شىن اتى حاسەن ەكەن. حاسەننىڭ جىگىت كۇنىندە ەجەنحان دەگەن ءمانجۋ حانى قازاق حالقىنا جارلىق ەتكەن ەكەن: «قازاق ايعىرىن كىسىنەتپەسىن، ەگەر ايعىردىڭ داۋسىن ەستىسە، مەنىڭ قورامداعى بە...
-
ءاربىر ادام ءۇشىن ەڭ اسىل قازىنا- وتانىن، تۋعان ەلىن ءسۇيۋ. حالىق باتىرى باۋىرجان مومىش ۇلى بىلاي دەگەن ەكەن: «ءبىزدىڭ تاريحىمىز باتىرعا باي تاريح، حالقىمىز باتىرلىقتى بيىك دارىپتەپ، ازاماتتىق پەن ...
