ءجاي عانا كوڭىلدە جوق قالاعانىم،
كەشكىلىك باقتى ۇزاق ارالادىم،
ءوبىسىپ تە، ءولىسىپ ەكەۋ وتىر
ءوتىپ كەتتىم، بۇرىلىپ قارامادىم.
...ەسىمدە بار، جاز با ەدى، كۇزدە مە ەدى،
كوپ جىل بولدى بۇل باققا ءبىز كەلگەلى.
ايتەۋىر ءدال وسىلاي، بەيۋاقتا،
قۇمار-كوڭىل الدەنە ىزدەپ ەدى.
ەل اۋلاقتا ەكەۋمىز وتىرىسىپ،
ەرىتۋشى ەك وسىلاي مۇز دەنەنى.
وسى مەزگىل، وسى شاق، وسى ۋاقتا،
وتىرۋشى ەك وسىلاي وسى باقتا.
ارتىمىزدا قاپ قويعان البىرت جاستىق،
وي، توبا! ءالى كۇنگە شوشىماپتى، ءا؟

---