InfoHub Logo

مەملەكەت باسشىسىنىڭ ءۇشىنشى جاڭعىرۋعا ارنالعان بيىلعى جولداۋى اياسىندا جۋرناليست مامانداردىڭ ەكونوميكالىق ءبىلىمىن كۇشەيتۋ كەرەك، دەپ ءمالىم ەتتى ق ر ءبىلىم جانە عىلىم ءمينيسترى ەرلان ساعادييەۆ. بۇل تۋرالى قازاقپارات حابارلايدى.

«ارينە، جۋرناليستەردىڭ ەكونوميكالىق ءبىلىمىن كوتەرۋ كەرەك. سەبەبى بيىلعى جولداۋ اياسىنداعى بارلىق شارالاردى xالىققا تۇسىنىكتى تىلدە جەتكىزگەن اسا ماڭىزدى. ول - ءبىر. ەكىنشىدەن، قاراپايىم xالىقتىڭ ەكونوميكانى جاقسى بىلگەنى سول ەكونوميكانىڭ وزىنە دە پايدالى. سوندىقتان بۇقارالىق اقپارات قۇرالدارى سالاسىنداعى مامانداردىڭ ەكونوميكا بويىنشا ارنايى بىلىمدەرىن كۇشەيتكەن ءجون»، - دەدى ساعادييەۆ قازاقپارات تىلشىسىنە بەرگەن سۇxباتىندا.
ال «جۋرناليستەردى دايارلاۋ جاعىنان قانداي دا ءبىر وزگەرىس بولا ما؟» دەگەن سۇراققا مينيستر: «ارينە. ولارعا ارنايى كۋرستاردى ەنگىزەمىز. سوسىن بىزدە اكادەميالىق ەركىندىك اياسىندا جوعارى وقۋ ورىندارىنا وقۋ باعدارلامالارىن وزگەرتۋگە مۇمكىندىك بەرىلەدى. ولار وزدىگىمەن مامان دايارلاۋ جۇيەسىن تۇزەتە الادى»، - دەپ جاۋاپ بەردى.

ايتا كەتەيىك، ق ر اقپارات جانە كوممۋنيكاسيالار مينيسترلىگىنىڭ كەڭەيتىلگەن القا ماجىلىسىندە مينيستر داۋرەن ابايەۆ تا ساراپتامالىق جۋرناليستيكانى دامىتۋ ماسەلەسىنە باسا نازار اۋدارعان بولاتىن. سەبەبى قازاقستاندىقتار تەلە-راديو سالاسىندا كاسىبي جۋرناليستەردىڭ تاپشىلىعى ماسەلەسىن ءجيى كوتەرەدى. ال باسپاسوزدە ساراپتامالىق ماتەريالدار از. «ۇستىمىزدەگى جىلى مەملەكەتتىك اقپارات قۇرالدارى الدىندا ءبىرقاتار مىندەتتەر تۇر. ەڭ الدىمەن ساراپتاماعا، تالداۋ ماتەريالدارىنا كوپتەپ كوڭىل ءبولۋ كەرەك. ويتكەنى بۇگىنگى تاڭدا اقپارات وتە تەز تاراتىلادى. سوندىقتان سول اقپاراتتاردىڭ مازمۇنى مەن ساپاسى ساي بولۋى ءتيىس»، - دەپ اتاپ كورسەتتى ابايەۆ.

---