ساعادييەۆ: مەكتەپتەردەگى ۇرەيدى جويۋعا تىرىسۋدامىز
قازاقستاندا مەكتەپتەردەگى قاعاز ەسەپتىلىك جويىلادى. بۇگىن ماجىلىستەگى ۇكىمەت ساعاتىندا ق ر ءبىلىم جانە عىلىم ءمينيسترى ەرلان ساعادييەۆ وسىلاي ءمالىم ەتتى.
«بۇگىندە ءبىز ۇبدب، كۇندەلىك اراسىنداعى قاعاز ەسەپتىلىكتى الىپ تاستاي الامىز. بۇل تۇرعىدا ايتا كەتەرلىك ءبىرقاتار ماڭىزدى ماسەلەلەر بار. ءبىرىنشى - ول مۇعالىمدەردىڭ بارلىق دەڭگەيدەگى تەكسەرۋشىلەردىڭ الدىنداعى قورقىنىشى. وسىنىڭ سالدارىنان ولار ەلەكتروندى دا، قاعاز جۋرنالدارىن دا قاتار جۇرگىزۋگە ءماجبۇر. بۇگىندە ءبىرىنشى مىندەت- قارجى، ءبىلىم مينيسترلىكتەرى مەن پروكۋراتۋرانىڭ بىرلەسكەن نۇسقاۋلىعىن شىعارۋ. تەكسەرۋشىلەر ءۇشىن جۋرنالدىڭ قاعاز جانە ەلەكتروندى نۇسقالارىن بىردەي ەتۋ. وسىنى بارلىق تەكسەرۋشىلەرگە جەتكىزۋ كوزدەلىپ وتىر جانە مەكتەپتەگى ۇرەيدى جويۋ ماقساتىندا ءتيىستى شارالار اتقارىلۋدا. بۇگىنگى تاڭدا قۇجات قارجى مينيسترلىگىندە»، - دەدى ساعادييەۆ.
بۇدان بولەك، ول مەكتەپتەردى ينتەرنەتپەن تولىقتاي قامتاماسىز ەتۋ ماسەلەسىنە توقتالدى. «ماسەلەنى تەز ارادا شەشۋ كەرەك. سوندىقتان «ساندىق قازاقستان» باعدارلاماسى بويىنشا ءبىرىنشى كەزەكتە تۇر. ءبىز بيىل ءاربىر سىنىپقا wi-fi-دى تارتۋعا تىرىسامىز»، - مينيستر.
You Might Also Like
-
قازاقستاندا بالاباقشالارعا ارنالعان جاڭا سانيتارلىق نورمالار مەن ەرەجەلەر ەنگىزىلەدى. بۇگىن ماجىلىستەگى ۇكىمەت ساعاتىندا ق ر ءبىلىم جانە عىلىم ءمينيسترى ەرلان ساعادييەۆ وسىلاي ءمالىم ەتتى.
-
قازاق ءبىلىمىنىڭ قارا شاڭىراعى سانالاتىن ءال-فارابي اتىنداعى قازاق ۇلتتىق ۋنيۆەرسيتەتى كوپتەگەن يگى باستامالار مەن جوبالاردىڭ ۇيىمداستىرۋشىسى. ۋنيۆەرسيتەت بولاشاق ۇرپاققا ساپالى ءبىلىم بەرۋمەن قاتار، ...
