وقۋشىلارعا دەمالىس كۇندەرىنە ءۇي تاپسىرماسى بەرىلمەيدى

سوڭعى جاڭارتۋ

(وزگەرتىلگەن ۋاقىتى 4 كۇن بۇرىن)

20 اقپ. 2017 00:00
170

وقۋشىلارعا دەمالىس كۇندەرىنە ءۇي تاپسىرماسى بەرىلمەيدى - ساعادييەۆ

مەكتەپ وقۋشىلارىنا دەمالىس كۇندەرگە ءۇي تاپسىرماسى بەرىلمەيدى. بۇگىن ماجىلىستەگى ۇكىمەت ساعاتىندا ق ر ءبىلىم جانە عىلىم ءمينيسترى ەرلان ساعادييەۆ وسىلاي ءمالىم ەتتى.

«ءبىزدىڭ وقۋشىلار ءۇي جۇمىسىن ورىنداۋ ۋاقىتى بويىنشا 65 مەملەكەت ىشىندە ءتورتىنشى ورىن الىپ تۇر. حالىقارالىق زەرتتەۋگە سايكەس، ءبىرقاتار مەملەكەتتەردە، سونىڭ اراسىندا قازاقستان ءۇي تاپسىرمالارىنىڭ كولەمى مەن ءبىلىم جەتىستىكتەرى اراسىنداعى تۋرا اراقاتىناس جوقتىعىن كورسەتەدى. وقىتۋ ۇدەرىس دۇرىس جولعا قويعان جاعدايدا ءۇي جۇمىسىن ازايتۋعا بولادى جانە ازايتۋ كەرەك. مۇنىمەن بارلىعى كەلىسىپ وتىر»، - دەدى مينيستر.

وسى ورايدا ساعادييەۆ بۇل ماسەلەمەن مۇعالىمدەر مەن مامانداردان قۇرالعان ەكى ۇلكەن توپ اينالىسقانىن اتاپ ءوتتى.

«بۇل جەردە ەكى نۇسقا ۇسىنىلادى. بۇل رەتتە ءۇي جۇمىسىن بارلىق پاندەر بويىنشا ازايتىپ بەرۋ نەمەسە تاپسىرمالاردا تەك كەيبىر پاندەردى عانا قامتۋ ەسكەرىلۋدە. ەكى جاعدايدا دا ءۇي جۇمىسىن ورىنداۋ ۋاقىتى كۇنىنە ورتا ەسەپپەن ءبىر ساعاتقا ازايىپ، دەمالىس كۇندەرى بەرىلمەيدى. بۇگىندە بۇل ماسەلە پەداگوگتەر مەن اتا-انالاردىڭ جاپپاي تالقىلاۋىنا ۇسىنىلدى»، - دەدى مينيستر.