بالاباقشاعا ورىن الۋ رەسپۋبليكالىق ءبىر كەزەككە بىرىكتىرىلەدى
قازاقستاندا بالاباقشالارعا ارنالعان جاڭا سانيتارلىق نورمالار مەن ەرەجەلەر ەنگىزىلەدى. بۇگىن ماجىلىستەگى ۇكىمەت ساعاتىندا ق ر ءبىلىم جانە عىلىم ءمينيسترى ەرلان ساعادييەۆ وسىلاي ءمالىم ەتتى.
«بالاباقشالاردا كەزەكتىلىكتى تارتىپكە كەلتىرۋ قاجەت، سونداي-اق سىبايلاس جەمقورلىققا يتەرمەلەيتىن جاعدايلارعا توسقاۋىل قويۋ قاجەت. ول ءۇشىن بارلىق كەزەكتەردى رەسپۋبليكالىق ءبىر تىزبەككە بىرىكتىرۋدى جوسپارلاپ وتىرمىز جانە ەلەكتروندى ۇكىمەت دەڭگەيىندە بالاباقشاعا جولداما بەرۋدى اۆتوماتتاندىرۋ ەسكەرىلىپ وتىر»، - دەدى مينيستر.
وسى ورايدا ول بۇل ماسەلەدە بۇگىندە وڭىرلەردە جاعداي ءبىر قالىپتا ەمەس ەكەنىن جەتكىزدى.
«نەگىزىندە، «بالاپان» باعدارلاماسىنىڭ قاراجاتىن (بالاباقشا قىزمەتتەرى ءۇشىن تولەنەتىن - اۆتور) باعىتتاۋ قۇقىعىن اتا-انالارعا بەرگەن ءجون. ولار ۇزدىك ۇيىمداردى وزدەرى تاڭداپ، مەملەكەتتىك تاپسىرىستى سول جاققا باعىتتاۋى قاجەت. بۇل تۇرعىدا جەكەمەنشىك پە نەمەسە مەملەكەتتىك بالاباقشا ما - ماڭىزدى ەمەس»، - دەدى ساعادييەۆ.
ءمينيستردىڭ سوزىنە قاراعاندا، العا قويىلعان مىندەتتەر كۇردەلى بولعانىمەن، جارتى نەمەسە ءبىر جىلدا ورىنداۋعا مۇمكىندىك بار.
«سوندا بارلىعى ادىلەتتى ءارى اشىق بولادى. بىزدە ءتورت جوبا قاناتقاقتى رەجىمدە استانا، قاراعاندى، الماتى جانە قوستانايدى اكىمدىكتەرىندە ەنگىزىلۋدە»، - دەدى ول.
You Might Also Like
-
كانادالىق D-Wave كومپانياسى – كوممەرسيالىق قولجەتىمدى كۆانتتىق كومپيۋتەرلەرىن شىعارۋ سالاسىن العاش قولعا العان كومپانيا. كۆانتتىق كومپيۋتەرلەردىڭ العاشقى ۇلگىسى 2007 جىلى شىققان. ول – 1...
-
قازاقستاندا مەكتەپتەردەگى قاعاز ەسەپتىلىك جويىلادى. بۇگىن ماجىلىستەگى ۇكىمەت ساعاتىندا ق ر ءبىلىم جانە عىلىم ءمينيسترى ەرلان ساعادييەۆ وسىلاي ءمالىم ەتتى.
