InfoHub Logo

بالا كۇنىمنەن جۋرناليست بولۋدى ارماندادىم. ارمانىما جەتۋ ءۇشىن قاتتى اسىقتىم. كۇنى-تۇنى جۋرناليستيكا سالاسىن زەرتتەپ وقۋمەن بولدىم. مىنە، ءقازىر سول ارمانىم ورىندالدى. ءوزىم قالاعان جۋرناليستيكا فاكۋلتەتىنە وقۋعا ءتۇستىم. تاعىدا ءبىر قۋانتارلىعى ءوزىم ارمانداعان
ابىلاي حان اتىنداعى قازحق جانە ءاتۋ ۋنيۆەرسيتەتىنىڭ ستۋدەنتى اتاندىم. وقۋ بارىسىندا تۇسىنگەنىم: ەڭ اۋەلى الدىڭداعى اق قاعازعا، قالامعا ادالدىق كەرەك ەكەن. وزىڭنەن كورى ەل مۇددەسى مەن وتاننىڭ كەلەشەگى بولاشاعى ءارقاشان ءبىرىنشى ورىندا تۇرۋى ءتيىس. مەنىڭ جۋرناليستيكا سالاسىنداعى باستى ماقساتىم:ءوز قىزمەتىمدى جەمىستى اتقارۋ. قازاق جۋرناليستيكاسىنىڭ وركەندەۋىنە ۇلەس قوسۋ. "جۇرگەن جەرى ءاردايىم نۇرلى ىستەر، قالامىڭ مۇقالماسىن جۋرناليستتەر!" - دەگەندەي جاڭالىقتىڭ جارشىسى بولىپ، حالىقتىڭ جاقتاۋشىسى بولامىن. كەز-كەلگەن جاعدايعا اسا ءمان بەرىپ، جەڭىل-جەلپى قاراماي ونى سوڭىنا دەيىن جەتكىزەمىن. سەبەبى جۋرناليستتەردى بوسقا ءتورتىنشى بيلىك وكىلدەرى دەپ اتاماعان. جۋرناليستيكا ءبىر عانا سالانى قامتىمايتىندىعىن ءتۇسىندىم. سول سەبەپتىدە جۋرناليستتەرگە ياعني بىزگە جان-جاقتى ءبىلىمدى بولۋ كەرەك. بۇل سالانىڭ مامانى بولۋ ءۇشىن ەڭ باستى كەرەك قاسيەت ول-سەنىمدىلىك. ويتكەنى تىڭدارماندى سەندىرۋ ءۇشىن ەڭ الدىمەن وزىڭە ءوزىڭ سەنىمدى بولۋىڭ كەرەك. بۇل ماماندىق مەن ءۇشىن حالىق پەن قوعام اراسىنداعى التىن كوپىر سەكىلدى. سەبەبى ەكەۋىن بايلانىستىرىپ تۇر. تەك شىندىقتى ايتاتىن، تەك ادىلدىكتى جاقتايتىن ادام عانا جۋرناليست بولا الادى. مەنىڭ ەندى قازىرگى العا قويعان ەڭ باستى ماقساتىم جۋرناليستيكا ماماندىعىنىڭ حاس شەبەرى بولۋ. بۇل سالانىڭ قىر-سىرىن يگەرۋ. اششى بولسا دا، شىندىقتى جاقتايتىن، شىندىق ءۇشىن كۇرەسە بىلەتىن، ءوز ءىسىمنىڭ مامانى بولۋ. جۋرناليست تالانتتى بولسا، ناۋقاسى دا قاتتى بولادى. اۋرۋىنان جارتىلاي ايىققان جۋرناليست – سىنشى. ال ەگەر جۋرناليست وسى سىرقاتتىڭ سوزىلمالى تۇرىنە شالدىقسا، جازۋشى بولعانى دەپ بەكەر ايتىلماعان. ەگەر قاجىماس قايرات تالماس تالاپ كوپ ىزدەنىس بولسا بەلەستىڭ ەڭ بيىگىنە قول جەتكىزەمىز.

كالجانوۆا جانسايا ابىلاي حان اتىنداعى قازحق جانە ءاتۋ ۋنيۆەرسيتەتىنىڭ 1 كۋرس ستۋدەنتى

---