تاۋەلسىزدىك بارىنەن قىمبات
ەگەمەندىگىمىزدىڭ ماڭگىلىك ءۇشتاعانى – التايدان اتىراۋعا، الاتاۋدان ارقاعا دەيىن كەڭ كوسىلگەن بايتاق جەرىمىز، انانىڭ اق سۇتىمەن بويىمىزعا دارىعان قاستەرلى ءتىلىمىز جانە بارلىق قيىندىقتاردان حالقىمىزدى سۇرىندىرمەي الىپ كەلە جاتقان بەرەكە-بىرلىگىمىز. ءبىز وسى ءۇش قۇندىلىقتى كوزدىڭ قاراشىعىنداي ساقتايمىز.
بابالاردان مۇرا بولعان قاسيەتتى جەرىمىز – ەڭ باستى بايلىعىمىز. قازاققا وسىناۋ ۇلان-عايىر اۋماقتى سىرتتان ەشكىم سىيعا تارتقان جوق.
تاۋەلسىزدىك ءۇشىن اق بىلەكتىڭ كۇشىمەن، اق نايزانىڭ ۇشىمەن ەلىن قورعاعان بابالار رۋحىنان قۋات العان ىزعارلى جەلتوقسان وقيعاسى قازاق حالقىنىڭ قاسىرەتى دە، قاسيەتى دە جەتەرلىك تاريحىنا اينالدى. ءيا، جەلتوقسان وقيعاسى قانشاما ىزعارلى ەستىلسە دە، جانىمىزعا نۇر سەپتى. جەلتوقسان جاڭعىرىعى بىزگە تاۋەلسىزدىكتىڭ تاڭىن اكەلدى.
ەلباسى 1991جىلى 16 جەلتوقساندا ساياسي، ەكونوميكالىق، الەۋمەتتىك، دەموگرافيالىق جانە باسقا دا جاعدايلارعا بايلانىستى جەتى رەت ەمەس، جەتپىس رەت ولشەپ، ءبىر رەت كەسۋگە ءماجبۇر بولدى. ءسۇيتىپ ءبىز تىعىرىقتان شىعار جولدىڭ ساڭىلاۋى دا كورىنبەيتىن قيىن كۇندەردەن قاقتىعىس پەن قانتوگىسكە ۇرىنباي امان شىعىپ، ەشكىمگە ەسەمىزدى جىبەرمەي، جاڭا سيپاتتاعى قازاق مەملەكەتىن قۇردىق.
بيىل تاۋەلسىزدىگىمىزگە 30 جىل تولىپ وتىر. بۇل قازاق مەملەكەتتىلىگىنىڭ قايتا جاڭعىرۋى مەن اتا-بابالارىمىزدىڭ تالاي ۇرپاقتارى ارمان ەتكەن ازاتتىققا قول جەتكىزگەنىن كورسەتەتىن ماڭىزدى كەزەڭ. تاريح ولشەمدەرى بويىنشا 30 جىل – ءبىر ءسات. دەگەنمەن، كوپتەگەن حالىقتار ءۇشىن بۇل كەزەڭ قيىندىقتار مەن جەڭىستەرگە، داعدارىستار مەن جەتىستىكتەرگە تولى تۇتاس ءداۋىردى قامتىدى.
مەن تاۋەلسىزدىكتىڭ العاشقى ونجىلدىعىن جاڭا قازاقستاننىڭ ىرگەتاسىن قالاۋ ۋاقىتى دەپ سيپاتتار ەدىم. ەلباسىنىڭ باسشىلىعىمەن مەملەكەتتىك رامىزدەر بەكىتىلدى، ءتيىمدى بيلىك جۇيەسى قالىپتاستى. ۇلتتىق ۆاليۋتا ەنگىزىلدى. قارۋلى كۇشتەر قۇرىلدى. ەلىمىزدىڭ نەگىزگى زاڭى قابىلداندى. شەت مەملەكەتتەرمەن ديپلوماتيالىق قاتىناس ورناتتى. قازاقستان بەدەلدى حالىقارالىق ۇيىمدارعا مۇشە بولدى.
بارشا وتانداستارىما، اسىرەسە، جاستارعا ايتارىم: كەڭ بايتاق قازاقستاندى اسقاق ارماندارىڭ مەن باتىل جوسپارلارىڭدى ەمىن-ەركىن جۇزەگە اسىرا الاتىن، تابىسىڭا مارقايىپ، ءاردايىم تىلەۋىڭدى تىلەيتىن قاسيەتتى وتانىڭ رەتىندە باعالاڭدار! تاۋەلسىز ەل بولۋ ونى جاريالاۋمەن نەمەسە مەملەكەتتىڭ ىرگەتاسىن قالاۋمەن شەكتەلمەيدى. تاۋەلسىزدىك ءۇشىن ناعىز كۇرەس كۇندەلىكتى ەڭبەكپەن، ۇزدىكسىز ءارى دايەكتى ەلدىك ساياساتپەن ماڭگى جالعاسادى. ءبىز قۋاتتى تاۋەلسىز مەملەكەتىمىزبەن عانا ۇلت رەتىندە جەر بەتىندە ساقتالامىز. وسى اينىماس اقيقاتتى بەرىك ۇستانۋىمىز قاجەت. «تاۋەلسىزدىك بارىنەن قىمبات!» دەگەن ءبىر اۋىز ءسوز ماڭگى ۇرانىمىز بولۋعا ءتيىس.
ءال فارابي اتىنداعى قازاق ۇلتتىق ۋنيۆەرسيتەتى، جۋرناليستيكا فاكۋلتەتى، باسپا ءىسى ماماندىعى الحان راسۋل
You Might Also Like
-
بيىل تاۋەلسىزدىكتىڭ وتىز جىلدىعى. تاۋەلسىزدىك بۇل ماقتانىپ تۇرىپ ايتا الاتىن مول بايلىق. وسى بايلىققا جەتۋ جولىندا قانشاما بوزداقتارىمىز، ەلىم دەپ، جەرىم دەپ قىرشىننان قيىلىپ كەتتى. كوپتەگەن ...
-
بالا كۇنىمنەن جۋرناليست بولۋدى ارماندادىم. ارمانىما جەتۋ ءۇشىن قاتتى اسىقتىم. كۇنى-تۇنى جۋرناليستيكا سالاسىن زەرتتەپ وقۋمەن بولدىم. مىنە، ءقازىر سول ارمانىم ورىندالدى. ءوزىم قالاعان جۋرناليستيكا فاكۋل...
