تاۋەلسىزدىك بەسىگىندە تەربەلگەن — قازاقستان
تاۋەلسىزدىك—الەمدەگى ەڭ قۇدىرەتتى ءسوز. سەبەبى بۇل تاۋەلسىزدىككە جەتكەندەر دە، جەتپەگەندەر دە بار. اتادان بالاعا ميراس بولعان كەڭ دالانى ساقتاپ قالۋ وڭايعا تيگەن جوق. وزىق ويلى اعالارىمىز بەن باتىر دا ءبىلىمدى جاستارىمىزدىڭ ارقاسىندا تاۋەلسىزدىككە قول جەتكىزدىك. سول 1991 جىلدان بەرى تاۋەلسىزدىكتىڭ بەسىگىندە تەربەلىپ كەلە جاتقانىمىزعا 30 جىل بولدى. وسى از عانا ۋاقىت ىشىندە جەكە مەملەكەت بولىپ، رامىزدەرىمىز بەن مادەنيەتىمىزدى قالىپتاستىرىپ، ءدىنىمىز بەن ءتىلىمىزدى جانە ءسالت-داستۇرىمىزدى جاڭعىرتىپ، الەمگە تانىتىپ، دەموكراتيالىق، زايىرلى جانە قۇقىقتىق مەملەكەت بولدىق.
وسىلايشا دامىپ، وركەندەپ جاتقانىمىز جايلى ايتىپ، ءبىلىمى مەن باتىلدىعى جاراسقان ەلىمىزدىڭ تۇڭعىش پرەزيدەنتى—ن.ءا.نازاربايەۆتىڭ مەملەكەتكە سىڭىرگەن ەڭبەكتەرىن ايتپاي كەتۋ ۇلكەن قاتەلىك دەگىم كەلەدى. ەلىمىزدىڭ بيلىگىن قولىنا العاننان باستاپ، وسى ساتكە دەيىنگى قانشاما جولداۋلارى مەن ستراتەگيالىق جوسپارلارىنىڭ ارقاسىندا دامىعان 50 ەلدىڭ قاتىرىنان دا كورىندىك. «ءبىز ەلدىگىمىزدى باياندى ەتىپ قانا قويماي، قازاقستاندى الەم مويىنداعان مەملەكەتكە اينالدىرا بىلدىك. ۇلتىمىزدىڭ ساعىن سىندىرىپ، باعىن تايدىرعان كۇردەلى كەزەڭدەر ارتتا قالىپ، ەلىمىزدىڭ جاڭا تاريحى – مەملەكەتتىگىمىزدىڭ جاڭا ءداۋىرى باستالدى. تاۋەلسىزدىك – ءبىزدىڭ جولىمىزدىڭ باستاۋى عانا»—دەپ تۇڭعىش پرەزيدەنتىمىز ايتا كەتكەندەي بۇل تاۋەلسىزدىك جىلدارى ءبىزدىڭ ەلدىڭ ەندى ءتاي-تاي باسىپ العا جىلجۋى، الداعى ۋاقىتتا قازىرگى پرەزيدەنتىمىز—ق.ج.توقايەۆپەن بىرگە دامىعان 30 ەلدىڭ قاتىرىنان كورىنەمىز دەگەن ويدامىن.
ءبىز وسى كۇنگە دەيىن تەك ءسالت-داستۇرىمىز بەن مادەنيەتىمىزدى عانا جاڭعىرتىپ قويماي ونەر مەن سپورتتا دا ويىپ تۇرىپ ورنىمىزدى قالدىردىق. مىسالى، 2016-2017 جىلدارى قازاقستان بارلىعى 239-التىن، 223-كۇمىس، 298-قولا مەدال جيناعان. بۇل كورسەتكىش دەگەن وسى 30 جىل تاۋەلسىزدىكتىڭ ارقاسىندا ەركىندىكتە وسكەن جاستارىمىزدىڭ ەل ءۇمىتىن اقتاپ، ارى قاراي دامىتۋعا قاۋقارى جەتەدى دەگەندى بىلدىرەدى.
«اتا-بابانىڭ اسىل ارمانىن ورىنداپ، وسىدان 30 جىل بۇرىن تاۋەلسىزدىكتىڭ ىرگەسىن قالادىق جانە العا قاراي ەگەمەندىگىمىزدى ساقتاپ، دامۋىمىز — ءبىزدىڭ، ياعني، جاستاردىڭ قولىندا» — دەگىم كەلەدى.
ابىلاي حان اتىنداعى قازحق جانە ءاتۋ ۋنيۆەرسيتەتىنىڭ 1-كۋرس ستۋدەنتى كۇنبولات ارمان
You Might Also Like
-
قازاقستاندا تۇرعىن ءۇي قۇرىلىسى كورسەتكىشى مەن سالىنۋ جىلدامدىعى جىل ساناپ ارتىپ كەلەدى. سايكەسىنشە، جىل سايىن پايدالانۋعا بەرىلەتىن شارشى مەترلەر دە كوبەيىپ جاتىر. بۇل ءار ادامنىڭ باسپانالى بولۋعا م...
-
باياعىدا ءبىر كىسى قالانىڭ ۋ-شۋىنان شارشاپ، جانىنا تىنىشتىق سىيلايتىن جەر ىزدەپتى. قالا سىرتىنداعى ورمانعا بارىپتى.تىپ-تىنىش. اۋانى كەرە دەمالىپ وتىرا بەرگەندە، شەگىرتكەنىڭ شىرىلىن، قۇستاردىڭ قۇيقىلج...
