كارىم ءماسىموۆ ەلىمىزدەگى ءبىلىم بەرۋ سالاسىنداعى ماڭىزدى ماسەلەلەر جونىندە كەڭەس وتكىزدى
تۇركىستاندا ق ر پرەمەر-مينيسترى كارىم ءماسىموۆ قازاقستاندىق ءبىلىم بەرۋ پروبلەمالارى مەن پەرسپەكتيۆالارى جونىندە كەڭەس وتكىزدى.
مەملەكەتتىك ورگاندار، ءتورت وبلىستىڭ، سونداي-اق استانا جانە الماتى قالالارىنىڭ ءبىلىم بەرۋ ۇيىمدارىنىڭ جانە ءوڭىردىڭ قوعام وكىلدەرى اراسىنداعى اشىق ديالوگ تۇركىستان قالاسىنداعى قوجا احمەت ياسساۋي اتىنداعى حالىقارالىق قازاق-تۇرىك ۋنيۆەرسيتەتىنىڭ الاڭقايىندا ءوتت، دەپ جازادى Pm.kz.
قازىرگى تاڭدا ەلىمىزدە 2020 جىلعا دەيىنگى ءبىلىم بەرۋ مەن عىلىمدى دامىتۋدىڭ مەملەكەتتىك باعدارلاماسى دايىندالىپ، قابىلداندى. نەگىزگى اكسەنت ادام كاپيتالىنىڭ باسەكەگە قابىلەتتىلىگىنە جانە جالپى ءبىلىم بەرۋ دەڭگەيىنە باعىتتالادى. جاڭا وقۋ جىلىنداعى وزگەرىس - ءبىرىنشى سىنىپ وقۋشىلارى ءۇشىن بەس كۇندىك وقۋ جۇيەسى ەنگىزىلەدى. بۇل «نازاربايەۆ زياتكەرلىك مەكتەبىنىڭ» باعدارلاماسى نەگىزىندە جاڭارتىلعان وقۋ باعدارلاماسىنا جانە الەمدىك وزىق پراكتيكاعا سايكەس كەلەتىندىگىمەن بايلانىستى. وقۋ باعدارلاماسىن قىسقارتپاۋ ءۇشىن ءبىرىنشى سىنىپ وقۋشىلارى 1 قىركۇيەكتەن 1 ماۋسىمعا دەيىن وقيدى. كەلەسى جىلى ەكىنشى، بەسىنشى، جەتىنشى جانە توعىزىنشى سىنىپ وقۋشىلارى دا بەس كۇندىك وقۋ جۇيەسىنە كوشەدى. ال 2018 جىلدان باستاپ قالعان سىنىپتار جاڭا وقۋ رەجىمى بويىنشا ءبىلىم الادى. سونداي-اق، 2020 جىلعا قاراي قازاقستاندا 12 جىلدىق ءبىلىم بەرۋ جۇيەسىنە اۋىسۋ جوسپارلانىپ وتىر.
اتاپ وتىلگەندەي، وتاندىق ءبىلىم بەرۋ ساپاسىنا قاتىستى ونداعان قازاقستاندىق ۇكىمەتكە ءوز سۇراقتارىن قويادى.
كەزدەسۋ بارىسىندا مەكتەپ جانە مەكتەپكە دەيىنگى ءبىلىم بەرۋ تاقىرىبى كەڭەس بارىسىندا كوتەرىلدى. ەڭبەك ارداگەرى ي.تۇرسىنقۇلوۆ وڭىردە بالاباقشالاردىڭ جەتىسپەۋشىلىگى تۋرالى ماسەلەنى قوزعادى.
كەڭەسكە قاتىسۋشىلار مەكتەپتەردە ۇشتىلدىلىكتى ەنگىزۋ، پەداگوگيكالىق كادرلاردى دايىنداۋ، ۇبت فورماتىن وزگەرتۋ جانە جاڭا وقىتۋ تەحنولوگيالارىنا كوشۋ ماسەلەلەرىن تالقىلادى. اتاپ ايتقاندا، ەلەكتروندىق جۋرنالدار مەن ەلەكتروندى كونتەنت تۋرالى تاقىرىپتار قوزعالدى.
ءبىلىم بەرۋ ماسەلەلەرى بويىنشا پرەمەر-مينيستردىڭ ورىنباسارى داريعا نازاربايەۆ، ءبىلىم جانە عىلىم ءمينيسترى ەرلان ساعادييەۆ، دەنساۋلىق ساقتاۋ جانە الەۋمەتتىك دامۋ ۆيسە-مينيسترى ءبىرجان نۇرىمبەتوۆ، ۇلتتىق ەكونوميكا ۆيسە-مينيسترى مارات قۇسايىنوۆ ءسوز سويلەدى.
2017 جىلدان باستاپ ۇلتتىق ءبىرىڭعاي تەستىلەۋدى تەك جوو ابيتۋرەنتتەرى، ال مەكتەپ تۇلەكتەرى قاراپايىم ەمتيحان تاپسىرادى. ۇشتىلدىلىك ءبىلىم بەرۋ جۇيەسى 2020/2021 وقۋ جىلىنا ەنگىزىلۋ جوسپارلانىپ وتىر. وسى جىلدان باستاپ 5-سىنىپ وقۋشىلارى «قازاق ءتىلى»، «قازاق ادەبيەتى»، «قازاقستان تاريحى» ءپانىن قازاق تىلىندە جانە «ورىس ءتىلى»، «ورىس ادەبيەتى»، «دۇنيەجۇزى تاريحى» پاندەرىن ورىس تىلىندە وقيدى.
وڭتۇستىك قازاقستان وبلىسىنىڭ اكىمى ب.اتامقۇلوۆتىڭ ايتۋىنشا، وڭىردە 11 جوو، 90 تجكب مەكەمەلەرى جانە 1053 مەكتەپ جۇمىس ىستەيدى. 2016 جىلى وبلىستا ەكى مەكتەپ قولدانىسقا ەنگىزىلدى، تاعى التى مەكتەپتىڭ قۇرىلىسى اياقتالۋعا جاقىن. «وقو ازاماتتىق اليانسى» قاۋىمداستىعىنىڭ پرەزيدەنتى ش.جامالبەك ءوڭىردىڭ ءبىلىم بەرۋدەگى جوعارعى الەۋەتىن نەگىزگە الا وتىرىپ، تۇركىستاندا نازاربايەۆ زياتكەرلىك مەكتەبىن اشۋدى ۇسىندى.
پرەمەر-مينيستر كەڭەستى قورىتىندىلاي كەلە، ءبىلىم جانە عىلىم مينيسترلىگىنە ورتا ءبىلىم بەرۋدىڭ مازمۇنىن جاڭارتۋ جانە بارلىق دەڭگەيدەگى ءبىلىم ساپاسىن جاقسارتۋ جۇمىسىن جالعاستىرۋدى تاپسىردى.
سونىمەن قاتار، ءبىلىم جانە عىلىم مينيسترلىگى وبلىستار جانە استانا مەن الماتى قالاسى اكىمدىگىمەن بىرلەسە وتىرىپ، نازاربايەۆ زياتكەرلىك مەكتەبىنىڭ ءبىرىنشى سىنىپ وقۋشىلارى ءۇشىن جاڭارتىلعان وقۋ باعدارلاماسىنىڭ تاجىريبەسىن رەسپۋبليكامىزداعى بارلىق مەكتەپتىڭ ءبىرىنشى سىنىپتارىنا ەنگىزۋدى قامتاماسىز ەتەدى. سونداي-اق جاۋاپتى مەملەكەتتىك ورگاندار 2016-2017 وقۋ جىلىنا ارنالعان نىسانداردى ءوز ۋاقىتىندا اياقتاۋ ءۇشىن ءتيىستى شارالاردى قولدانۋ قاجەت.
ايتا كەتەيىك، ءبىلىم بەرۋدى جانە عىلىمدى دامىتۋدىڭ 2016-2019 جىلدارعا ارنالعان مەملەكەتتىك باعدارلاماسى ءبىلىم بەرۋدىڭ جانە عىلىمنىڭ باسەكەگە قابىلەتتىلىگىن ارتتىرۋعا، تۇراقتى ەكونوميكالىق ءوسۋ ءۇشىن ادامي كاپيتالدى دامىتۋعا باعىتتالعان. قازاقستاندا 7 160 مەملەكەتتىك مەكتەپ جۇمىس ىستەيدى. 2 ملن 724 مىڭ وقۋشى ءبىلىم الادى. وڭىرلەر بويىنشا مەكتەپتەردە سىنىپتاردىڭ تولۋىنىڭ ورتاشا سانى تومەندەگىدەي: وڭتۇستىك قازاقستان وبلىسى - 21 ادام، الماتى وبلىسى - 18 ادام، جامبىل وبلىسى - 18 ادام، قىزىلوردا وبلىسى - 20 ادام، استانا قالاسى - 25 ادام، الماتى قالاسى - 24 ادام.
«نۇرلى جول» مەملەكەتتىك باعدارلاماسى اياسىندا 2015-2019 جىلدارى 76 مەكتەپ قۇرىلىسىن اياقتاۋ جوسپارلانعان.
You Might Also Like
-
- سايىنوۆانىڭ شاكىرتى نە بولدى؟ ديرەكتوردىڭ بولمەسىندە وتىرعان بايانبايەۆانىڭ وسىندا كىرگەندەگى كوڭىلى ءپاس تارتتى. الگىندە عانا قالالىق جارىستان وزىپ شىققان شاكىرتى ايانانىڭ تابىسى ديرەكتور حانىمدى...
-
ءماشھۇر ءجۇسىپتى اۋىز ادەبيەت ۇلگىلەرىن جيناۋشى عالىم رەتىندە تانىپ-بىلە باستاعان شاقتا ونىڭ وسى سالاداعى ەڭبەگى توم-توم بولىپ جارىق كوردى. العاشقىسىندا كەيبىرەۋلەرگە اسىرا ايتىلعان ءسوز رەتىندە كورىن...
