كاسىبي ءبىلىم
كاسىبي تەحنيكالىق وقىتۋ ءبىلىم بەرۋ سالاسىنداعى اسا كۇردەلى سالانىڭ ءبىرى جانە بىرەگەيى. ونىن نەگىزىن كاسىبي ماماندار دايارلاۋ ماسەلەلەرىن شەشەتىن كوللەدجدەر بولىپ تابىلادى. سوندىقتان كاسىبي تەحنيكالىق وقىتۋ جۇيەسىن نەگىزگى شارتى – كوللەدجدەرگە قولايلى جاعداي جاساۋ، ولاردىڭ ماتەريالدىق تەحنيكالىق بازاسى مەن وزەكتى ماسەلەلەرىن شەشۋگە مۇمكىندىك بەرەتىن ەكونوميكالىق قۋاتىن ارتتىرۋ.
كاسىبي مامان دايارلاۋدا باستى تۇلعا – ءوز ءىسىن جەتىك مەڭگەرگەن وقىتۋشى.
وقۋ توبىنداعى ستۋدەنتەردىڭ ماماندىقتى يگەرۋدە، كاسىبي تۇرعىدان باسەكەگە قابلەتتى جۇمىسشى دايارلاۋ وقىتۋشى مەن وندىرىستىك وقىتۋ شەبەرلەرىنە تىكەلەي بايلانىستى. ولار ستۋدەنتەردىڭ دۇرىس تاربيە الۋىندا، ماماندىق بويىنشا تولىق ءبىلىم الۋى مەن كاسىبي مامان رەتىندە قالىپتاسۋىندا قاجىرلى جۇمىس جۇرگىزەتىن تۇلعا.
كاسىبي تەحنيكالىق ءبىلىم بەرۋ جۇيەسىندە پەداگوگتاردىڭ جاڭاشىلدىعىن مەن ءوزىن ءىس جۇزىندە كورسەتە الۋىن قۋاتتاي ءبىلۋى ولاردىڭ جۇمىسقا دەگەن جىگەرىن ارتىرىپ، جاڭا تابىستارعا جەتەلەيدى.
ءار ادامعا «ەڭبەك ءتۇبى- زەينەت» دەگەن قاعيدا باسشى بولۋى كەرەك.
نارىق تالاپتارىنا ساي تەحنيكالىق مامانداردى دايارلاۋدىڭ ماڭىزدىلىعىن تۇسىنەتىن ۋاقىت كەلدى . مۇنداعى ماقسات – ستۋدەنتتىڭ جەكە باسىنىڭ ەرەشەلىكتەرىنە قاراي تولىق كولەمدە ماماندىقتى يگەرۋ جولدارىن قاراستىرا وتىرىپ، ءوز ىسىنە ادال جانە شەبەر مامان دايارلاۋ بولىپ تابىلادى. وسىنى ەسكەرە وتىرىپ وقىتۋشىنىڭ مىندەتى كاسىبي ءبىلىم مەن ماماندىقتىڭ قىر – سىرلارىن جەتىك يگەرۋگە ىقپال جاساۋىنا جاعداي تۇعىزۋ قاجەت بولادى.
نەگىزگى ماقسات پەن تالاپ – ستۋدەنت بويىندا ماماندىققا دەگەن ءسۇيىنىش پەن قىزىعۋشىلىقتى قالىپتاستىرۋ، كاسىبي مادەنيەتتى تاربيەلەۋ، ءوز ىسىنە ماقتانىشپەن قاراي بىلۋگە ۇيرەتۋ.
بۇل باعىتتاعى ءىس ارەكەتتەر كوللەدج جانە الەۋەتتىك سەرىكتەستەر بىرلەسە اتقاراتىن قارىم – قاتىناستا باسا كوڭىل بولۋىنە ءتيىس. كوللەدج جانە الەۋەتتىك سەرىكتەستىك اتقاراتىن ىستەر ءارقيلى بولعانىمەن، ولاردىڭ قارىم – قاتىناسى ءبىرىن – ءبىرى تولىقتىرا وتىرىپ ستۋدەنتتىڭ كاسىبي دايارلىعىن شىڭداۋعا باعىتتالعان بولۋى ءتيىس. ستۋدەنتتىڭ تولىق ماماندىقتى يگەرۋى ءۇشىن ۇجىممەن ارالاسىپ جۇمىس جاساي ءبىلۋى كەرەك. سوندىقتان كوللەدج بەن الەۋمەتتىك سەرىكتەس اراسى تابيعي جالعاسىپ ءبىرتۇتاس پەداگوگيكالىق ۇجىم قۇرىلۋى ماقساتقا جەتۋگە جول اشادى. نارىقتا باسەكەلەستىككە ساي ماماندار دايارلاۋدا كاسىبي تەحنيكالىق ءبىلىم بەرۋدىڭ ماڭىزدىلىعى جىلدان جىلعا ارتىپ كەلەدى.
You Might Also Like
-
احمەت بايتۇرسىنوۆ — قوعام قايراتكەرى، اقىن، ادەبيەتتانۋشى، لينگۆيست، اۋدارماشى، پۋبليسيست، اعارتۋشى-عالىم، ۇلت ۇستازى.
