InfoHub Logo

كەنجە بىردە نەمەرەسى توپايدى ەرتىپ، بالقاش جاقتا بولعان اعىبايدىڭ اسىنا بارعان ەكەن. بۇل اس «اعىبايدىڭ تاسارالى» دەگەن جەردە بولعان. وعان ۇلى ءجۇز، كىشى ءجۇز، ورتا جۇزدەن كوپتەگەن بەدەلدى كىسىلەر شاقىرىلعان ەكەن. بۇل اسقا اقبەرگەن بي دە شاقىرىلىپ، ونىڭ ءىنىسى كەنجە شاقىرىلماي قالىپتى. كەنجە اسقا شاقىرىلماسا دا، ات ەرتتەپ، اعىبايدىڭ اسىنا بارماق بولىپتى. ءسويتىپ، كەنجە نەمەرەسى توپايدى ەرتىپ اسقا كەلگەن ەكەن. اس بولىپ جاتقان جەرگە بىردەن بارماي، كەنجە نەمەرەسىمەن اۋىل جانىنداعى توبەنىڭ باسىندا وتىرىپتى. سول كەزدە اعىبايدىڭ بايبىشەسى توبە باسىندا وتىرعان كەنجەنى كورىپ، شاقىرىپ كەلۋگە ادام جىبەردى. الگى كىسى توبە باسىنداعى كەنجەگە كەلىپ:

— اۋىلعا ءجۇرىڭىز، — دەپ ەرتىپ كەلىپتى.

استا ات جاراسى، پالۋان كۇرەسى بولادى. ادەتتە مۇنداي جارىستار توبەلەسسىز تارامايدى ەكەن. كەنجە استا بولعان ات جارىسىنىڭ، پالۋاندار كۇرەسىنىڭ بايگەلەرىن تەڭ ءبولىپ، ۇلەستىرىپ بەرىپتى. قايتاتىن كەزدە اعىبايدىڭ بايبىشەسى:

— نە الاسىز؟ — دەسە، كەنجەكەڭ:

— مەن بۇل استان ءبىر نارسە الايىن دەپ كەلگەن جوقپىن، — دەيدى.

كەنجە اعىباي باتىردىڭ تاقياسىن ىرىم عىپ نەمەرەسى توپايعا بەرگەن ەكەن.

وقۋعا كەڭەس بەرەمىز:

ناۋرىزبايدىڭ قارىنداسى

ناۋرىزبايدىڭ جولبارىستى ءولتىرۋى

قۇرمانقۇلدىڭ ناۋرىزبايدىڭ ەرلىگىنە ريزا بولۋى

---