كەربەز سىلقىم
ءايمي سۇلۋ باسى تالاستا تۇرعاندا، مەنىڭ بۇرىنعى كۇيەۋىمنىڭ رۋىندا مەنى امەنگەرلىككە الارلىقتاي جىگىت تۋعان جوق دەپ قارىسادى.
ال بەيسەنبى ەل نامىسىن ءوز نامىسىم دەپ بىلەدى. ول كەزدە جەسىر كەتۋ ەل-جۇرت ءۇشىن ۇلكەن قورلىق سانالادى. «وسى عۇرلى وڭمەڭدەيتىن، جەسىرىڭ كەتتى مە» دەيتىن سوزدەر دە بار. ءايميدىڭ كەرەيدە مەنى الاتىن جىگىت جوق دەۋى بىلگەن ادامعا نامىس قوزعايتىن ءىس ەدى. بۇعان شىداماعان بەيسەنبى: «ون بىرىنەن اسساڭ دا، ون ەكىسىنەن اسا المايسىڭ» دەپ قالادى. وسىنى اڭدىپ وتىرعان سۇڭعىلا ايەل: «ون ەكى كەرەيدىڭ قاي بەگزاتىن تانيمىن. كوز الدىمدا ءوزىڭىز تۇرسىز، سىزگە ماقۇلمىن، ءسىز ماقۇلدىق بەرسەڭىز، باسىمدى اشام»، — دەپ كۇشەيدى. وسى كەزدە قينالىستا قالعان بەيسەنبى قاسىنداعى جولداسى مىڭجانعا: «كەربەز سىلقىمعا ءسوز ۇستاتىپ العانىم-اي!» — دەپ وكىندى. مىڭجان: «جاڭىلمايتىن جاق، سۇرىنبەيتىن تۇياق بولمايدى، ون ەكى كەرەي كەڭەسىندە بولادى» دەپ اقىل بەردى. كەيىن ءايمي بەيسەنبىگە اياۋلى جار بولىپ، ەل قادىرىنە بولەنگەن كەزدە، مىڭجان بي: «اۋەلگى ءسوز راحىم دەگەن، كەربەز سىلقىم كوڭىلىڭىزدەن، دومبىراڭىزدان ۇمىت قالماسىن»، — دەپ ەسكەرتتى. جاقسى جاردىڭ جاعىمدى قىلىعى، نازىك سەزىمى «كەربەز سىلقىم» كۇيىن تۋدىرىپ، ءبىزدىڭ زامانعا ۇرپاق جالعادى.
You Might Also Like
-
«جاۋعا بارساڭ، ءبارىڭ بار، داۋعا بارساڭ، ءبىرىڭ بار» دەگەندەي، رۋلى ەلدەن شىعاتىن باتىر ادەتتە جالعىز-جارىم بولماعان. الداعىعا ەلىكتەپ، ارتتاعىعا ۇلگى-ونەگە بولاتىن ءۇردىس، اسىرەسە جوڭعار ...
-
بەيسەنبىنىڭ ۇلى وسپان (التايدا قارا وسپان اتالادى) اتاستىرعان قالىڭدىعى ءرابيعانى الار جولىندا ءوزىنىڭ تۋما اتى قارا قۇلاق اتتى ءمىنىپ، كۇيەۋ جولداستىققا بايتاراق، جاقسىباي دەگەن ادامداردى ەرتە بارعان...
