كىم كورگىش
قاراكەسەك كەلدىبەك جىگىت كۇنىندە (قىز تاڭداپ) تۇسىندە اتا-بابالارىنىڭ ايان بەرگەنىندەي قىزدى كەزدەسترە الماي، ۇيلەنبەي كوپ ءجۇرىپ قالادى. كۇندەردىڭ ءبىر كۇنىندە ءبىر جەردە ۇلكەن جيىن-توي بولىپتى. سول تويعا جيىلعان كوپ سۇلۋلاردىڭ ىشىنەن اياعىن سىلتىپ باساتىن، كوزى كادىمگىدەن قيعاشتاۋ ءبىر قىزعا كوزى تۇسەدى دە، ونى ۇناتىپ قالادى. كوپ ويلانۋعا شاماسىدا كەلمەگەن كەلدىبەك اكە-شەشەسىنىڭ قاسارىسقان قارسىلى عىنا
قاراماستان قۇدا ءتۇسىرىپ، قىزعا ۇيلەنىپ تە ۇلگەرىپتى.
اۋىل-ايماق، تۋما-تۋىس ءبارى-بارى: «ياپىراي، «تاڭداعان تازعا» دەگەن وسى دا» دەپ تاڭدانعان ەكەن. بىردە كەلدىبەكتىڭ قۇرداس، كوڭىلدەس دوسى شاي ۇستىندە وتىرىپ:
— كەلدىبەك-اۋ، وسى ەكەۋىڭنىڭ قايسىڭىز كورگىشسىڭدەر؟ — دەپ كۇلىستىك ەتكەندەي بولادى. سوندا كەلىنشەك قۇرداس-دوسىنا سىپايى عانا كۇلىمدەي قاراپ:
— جاسىرمايمىن، كوزىم قىلي، اقساقپىن،
كەلدەكەڭمەن سونداي تاتۋ جاقسى-اقپىن،
تاتۋلىقتىڭ بەلگىسىندەي ۇمىتىلماس،
ءتورت بوجاندى بيلەيتىن ۇل تاپپاقپىن! —
دەگەن ەكەن. كوپ كەشىكپەي كەلىنشەك ۇل تاۋىپ، اتىن قازىبەك قويعان ەكەن. وسى ورتا ءجۇزدى بيلەگەن قازداۋىستى قازىبەك اتاندى.
You Might Also Like
-
ەسەنكەلدى قۇداينازار ۇلى — جوڭعار شاپقىنشىلىعى كەزىندە عۇمىر كەشكەن قازاقتىڭ بەلدى بيلەرىنىڭ ءبىرى. قازاق شەجىرەسىندە ەسەنكەلدى ءبيدىڭ ارعى تەگى بايدىبەك بابانىڭ ءۇشىنشى زايىبى دومالاق انادان تار...
-
ابىلاي حاننىڭ ارىنداپ تۇرعان كەزىندە قاراتال وزەنى بويىنداعى ۇشتوبە دەگەن جەردە قالماقپەن ءبىر قاتتى شايقاس بولىپ، قالماقتىڭ اسا زور دالاڭقور دەگەن باتىرى ورتاعا شىعىپ، «جەكپە-جەك» دەپ ا...
