InfoHub Logo

ۇيىمداستىرىلعان وقۋ ءىس - ارەكەتىنىڭ تەحنولوگيالىق كارتاسى

ءبىلىم بەرۋ سالاسى: شىعارماشىلىق
وقۋ - ءىس - ارەكەتى: جاپسىرۋ
تاقىرىبى: كوكونىستەر مەن جەمىستەر
ماقساتى: بالالاردى كۇز سىيلىقتارىمەن تانىستىرۋدى جالعاستىرۋ.
بىلىمدىلىك مىندەتتەرى: جەمىستەردىڭ ءپىشىنى مەن ولارعا ءتان ەرەكشەلىكتەردى جەتكىزىپ كورسەتە بىلۋگە ۇيرەتۋ.
دامىتۋشىلىق مىندەتتەرى: شارشى جانە تىك ءتورتبۇرىشتى قاعازدان ءارتۇرلى پىشىندەردى قيىپ الۋ داعدىلارىن قالىپتاستىرۋ.
قوسارلاپ بۇكتەۋ ءتاسىلى ارقىلى بىردەي زاتتاردى قيۋ جولدارىمەن تانىستىرۋ.
تاربيەشىلىك مىندەتتەرى: جاپسىرۋعا قىزىعۋشىلىقتارىن تاربيەلەۋ.
ۇقىپتى جۇمىس ىستەۋگە داعدىلاندىرۋ.
ءادىس - ءتاسىلى: سۇراق - جاۋاپ، كورسەتۋ، ءتۇسىندىرۋ.
سوزدىك جۇمىس: شارشى، تىك ءتورتبۇرىش، قوسارلاپ بۇكتەۋ

ءىس - ارەكەتتەر كەزەڭدەرى:
تاربيەشىنىڭ ءىس - ارەكەتى
شاتتىق شەڭبەرى.
كەل، بالالار، كۇلەيىك،
كۇلكىمەنەن تۇلەيىك.
قاباق تۇيگەن نە كەرەك.
كوڭىلدى بوپ جۇرەيىك.
بالالار، ءقازىر جىلدىڭ قاي مەزگىلى؟
- دۇرىس. ءقازىر جىلدىڭ كۇز مەزگىلى.
- كۇز مەزگىلىنىڭ ەرەكشەلىكتەرىن بىلەسىڭدەر مە؟
- كۇزدە كۇن سۋىتا باستايدى.
- كۇزدە قۇستار جىلى جاققا ۇشادى.
- كۇز تۋرالى قانداي تاقپاقتار
بىلەسىڭدەر؟
- كۇز مەزگىلىندە قانداي جەمىستەر،
كوكونىستەر پىسەدى؟
- باقتا نە وسەدى؟
- باقشادا نە وسەدى؟

د/و: «زاتتىڭ اتىن اتا»

شارتى: قورجىنعا سالىنعان كوكونىستەر مەن جەمىستەردى قولدارىنا الىپ، ولاردىڭ ەرەكشەلىكتەرىن ايتادى.
ۇيقاسىن تاپ.
ءىشى تولعان ءشاربات،
ءدامى قانداي ءايبات.
ۇزسەڭ بىردەن ءجۇزىن،
ونىڭ اتى - (ءجۇزىم)

دوپ – دومالاق سارى.
ىشىندە بار ءدانى.
قىزىعاسىڭ كورىپ.
ونىڭ اتى –(ورىك)

ءبىر ساباقتا كوپ تۇيمە،
جەي المايسىڭ كوك كۇيدە.
ساناپ قارا، قانشا؟
ونىڭ اتى (الشا)

سەرگىتۋ ءساتى:
تەربەلەدى اعاشتار.
الدىمنان جەل ەسەدى.
كىپ - كىشكەنتاي اعاشتار،
ءۇپ - ۇلكەن بوپ وسەدى.

بۇگىن بىزگە قوناققا باعبان اتاي كەلىپتى.
اتاي بىزدەن كومەك سۇرايدى.
-«مەنىڭ جەمىس اعاشتارىم بيىل مول ءونىم بەرىپتى، سونى تەرۋگە كومەكتەسىڭدەرشى» دەيدى.
- كانە بالالار اتايعا كومەكتەسەمىز بە؟
ولاي بولسا بۇگىنگى وقۋ ءىس - ارەكەتىمىزدە جاپسىرۋ. ءتۇرلى – ءتۇستى قاعازدان الما مەن المۇرتتى قوسارلاپ بۇكتەۋ ادىسىمەن قيىپ جاپسىرايىق.
ۇلگى بويىنشا جۇمىس جاساۋ.
قايشىنى، جەلىمدى ابايلاپ، ۇقىپتى پايدالانامىز. قيۋ كەزىندە قاعازدىڭ ءبىر بۇرىشىنان باستاپ كەلەسى بۇرىشىنا دەيىن قايشىنى ەركىن قوزعالىسپەن قوزعالتا وتىرىپ قيامىز.