قاراعاندىلىق ستۋدەنتتەر 3D پرينتەر جاساپ شىقتى
قاراعاندىلىق ستۋدەنتتەر 3D پرينتەرىن جاساپ شىقتى، دەپ حابارلايدى «حابار 24».
جاس عالىمدار وسى زاماناۋي قۇرىلعىنىڭ كومەگىمەن يننوۆاسيالىق جوبالارىن ىسكە اسىرماق. ستۋدەنتتەر جاساعان 3D پرينتەر امەريكالىق بالامادان جەتى ەسە ارزان تۇرادى. ايتي-ورتالىعىنا قاراعاندى پوليتەحنيكالىق كوللەدجىنىڭ بارلىق ستۋدەنتتەرى قاتىسا الادى. مۇندا ولار باعدارلاما جاساۋمەن اينالىسىپ ءجۇر. بۇل رەتتەۋشى تەتىكتەر كاسىپورىنداردا ءوندىرىستى اۆتوماتتاندىرۋ ءۇشىن اۋاداي قاجەت.
سونداي-اق، بۇل قۇرىلعىلار ارقىلى اقىلدى باسپانانى باسقارۋعا دا بولادى. ءقازىر پوليتەحنيكالىق كوللەدجدە 16 ماماندىق بويىنشا 5 مىڭ ستۋدەنت ءبىلىم الىپ جاتىر. بەس جىل بۇرىن ءبىلىم وشاعى دۋالدى ءبىلىم بەرۋ جۇيەسىنە كوشكەن بولاتىن. سونىڭ ارقاسىندا تۇلەكتەردىڭ 80 پايىزى بىردەن جۇمىسقا ورنالاسا الادى.
"ءبىزدىڭ ورتالىقتا ستۋدەنتتەر ويلاپ تاپقان زاماناۋي قۇرىلعىلار كوپ. بىزدە اۆتوماتتاندىرىلعان قويما بار، وندا تولىق كونتروللەر ارقىلى جۇمىس جاساۋعا بولادى. جۇك تاسىمالدايتىن ليفت بار. قازىرگى ءوندىرىس وشاقتارىندا بارلىق جۇيە اۆتوماتتاندىرىلعان، سوندىقتان بۇل ويلاپ تاپقان قۇرىلعىلاردى پاتەنتتەپ الۋدى كوزدەپ وتىرمىز"، دەيدى قالالىق پوليتەحنيكالىق كوللەدجى اقپاراتتىق تەحنولوگيالار بويىنشا ديرەكتورىنىڭ ورىنباسارى رامازان قالييەۆ.
You Might Also Like
-
تاراز قالاسىنداعى نازاربايەۆ زياتكەرلىك مەكتەبىندە يامايكا ازاماتتارى اعىلشىن تىلىنەن ساباق بەرىپ ءجۇر. جۋىردا سولاردان سۇحبات الۋ ءساتى ءتۇستى، دەپ جازادى جامبىلدىق «اقجول» گازەتى.
-
بۇگىنگى الەم دامۋىنىڭ جاڭا ۇستانىمدارى ءبىلىم بەرۋ جۇيەسىنەن كۇن سايىنعى ەكونوميكالىق، الەۋمەتتىك جانە مادەني وزگەرىستەرگە مەيلىنشە بەيىمدەلۋدى تالاپ ەتەدى. الەمدە قازىرگى كۇنى «ءبىلىم قوعامىن&...
