InfoHub Logo

2016 جىلدان باستاپ العاش رەت رەت كوللەدج تۇلەكتەرى قازاقستان جوو-لارىنا تۇسۋگە وقۋ گرانتتارىن ءبولۋ كەزىندە باسىمدىققا يە بولادى. بۇل تۋرالى بۇگىن استانا ءبىلىم گرانتتارىن ءبولۋ جونىندەگى رەسپۋبليكالىق كونكۋرستىق كوميسسيانىڭ وتىرىسىندا ق ر بعم جوعارى جانە جوعارى وقۋ ورنىنان كەيىنگى ءبىلىم دەپارتامەنتىنىڭ ديرەكتورى مىندەتىن اتقارۋشى گۇلزات كوبەنوۆا ءمالىم ەتتى.

«2016 جىلدان باستاپ العاش رەت بىلىكتىلىگىن راستاعان جانە ماماندىعى بويىنشا ءبىر جىلدان كەم ەمەس ەڭبەك ءوتىلى بار كوللەدج تۇلەكتەرى بارلىق ماماندىقتار تۇرعىسىندا ايرىقشا قۇقىققا يە»، - دەدى ول.

بۇدان بۇرىن حابارلانعانداي، بيىل 31 702 گرانت ءبولىندى،ونىڭ ىشىندە 2 950 ورىن جوعارى وقۋ ورىندارىنىڭ دايىندىق بولىمدەرىندە وقۋعا، 28 752 گرانت 1 كۋرسقا قابىلداۋعا قاراستىرىلدى.

جالپى، كونكۋرسقا ءى، ءىى توپ مۇگەدەكتىگى بار 363 ادام، قازاقستان رەسپۋبليكاسىنىڭ ازاماتتىعى جوق قازاق ۇلتى وكىلدەرىنەن قامتىلعان 1 053 ادام، سونداي-اق 492 اتا-اناسىنىڭ قامقورلىعىنان ايىرىلعان بالالار مەن جەتىم بالالار قاتىسۋدا. بۇل ادامدارعا كۆوتالار بەلگىلەنگەن.

«ق ر ازاماتى ەمەس قازاق ۇلتى وكىلدەرى ءۇشىن جوعارى وقۋ ورىندارىنا قابىلداۋدىڭ كۆوتاسى بەكىتىلگەن مەملەكەتتىك تاپسىرىس كولەمىنەن 2 پايىز مولشەرىندە بەلگىلەندى. سايكەسىنشە، قازاق دياسپوراسى وكىلدەرى بەلگىلەنگەن كۆوتا شەگىندە قاتىسا الادى»، - دەدى گ. كوبەنوۆا.

قازاقستاندا جوعارى وقۋ ورنىنا ءتۇسۋ ءۇشىن ءبىلىم گرانتتارى يەگەرلەرىنىڭ ءتىزىمى بۇقارالىق اقپارات قۇرالدارىندا 12 تامىزعا دەيىن جاريالانادى دەپ كۇتىلۋدە.

---