قازاقستان 8 ەلدىڭ تالاپكەرلەرىنە وقۋ گرانتتارىن بولمەك
قازاقستان حالىقارالىق كەلىسىمدەر اياسىندا سەگىز ەلدىڭ ازاماتتارىنا 100-دەن استام وقۋ گرانتىن ءبولۋدى جوسپارلاپ وتىر. بۇل تۋرالى بۇگىن استانا ءبىلىم گرانتتارىن ءبولۋ جونىندەگى رەسپۋبليكالىق كونكۋرستىق كوميسسيانىڭ وتىرىسىندا ق ر بعم جوعارى جانە جوعارى وقۋ ورنىنان كەيىنگى ءبىلىم دەپارتامەنتىنىڭ ديرەكتورى مىندەتىن اتقارۋشى گۇلزات كوبەنوۆا ءمالىم ەتتى.
«حالىقارالىق كەلىسىمدەرگە سايكەس، بيىل ءبىرقاتار ەلدەردىڭ ازاماتتارىن قازاقستاننىڭ جوعارى وقۋ ورىندارىنا قابىلداۋ جۇرگىزىلەدى. وسى رەتتە تاجىكستاننان 90-نان استام، قىرعىزستان - 4 ادام، جۇڭگو - 20 ادام، موڭعوليا - 1 ادام، ۋكراينا - 1 ادام، بەلارۋس - 3 ادام، مىسىر - 1 ادام، سونداي-اق اۋعانستاننان 46 ادام قامتىلماق. قازاقستانداعى جوو-لاردا وقۋ گرانتتارى بويىنشا بارلىق اتالعان ۇمىتكەرلەر ساناتتارىنىڭ وقۋى بالامالى نەگىزدە حالىقارالىق كەلىسىمدەردە قاراستىرىلعان»، - دەدى ول.
ونىڭ سوزىنە قاراعاندا، اعىمداعى جىلى قازاقستان مەن تاجىكستان ۇكىمەتتەرى اراسىندا ءتيىستى قۇجاتقا قول قويىلىپ، وعان سايكەس، 2017 جىلدان باستاپ كورشىلەس ەلدىڭ ازاماتتارى باستاپقىدا دايىندىق بولىمىندە وقىماي، بىردەن جوو-دا ءبىرىنشى كۋرستان باستاپ ءبىلىم الۋعا ءۇمىتتى بولادى. جىل سايىن تاجىكستان ازاماتتارى ءۇشىن 100 ورىن بولىنەدى. بيىل دايىندىق بولىمدەرىن ءتامامداعان وسى ەلدىڭ 93 ازاماتىنىڭ ىشىنەن تالاپكەرلەرگە ارنالعان كەشەندى تەستىلەۋگە 77 ادام قاتىستى. سونىمەن قاتار تاجىكستان ءبىلىم مينيسترلىگىنەن 20 ادام قابىلداۋ تۋرالى ءوتىنىم كەلىپ تۇسكەن. وسى ارقىلى، 2016 جىلى 97 ادامدى قابىلداۋ جوسپارلانىپ وتىر.
You Might Also Like
-
2016 جىلعى وقۋ گرانتتارى ءۇشىن تالاپكەرلەر كوبىرەك تاپسىرعان ماماندىقتاردىڭ اراسىندا گەوگرافيا جانە العاشقى اسكەري دايىندىق مۇعالىمدىگى تانىمال بولدى. بۇل تۋرالى بۇگىن استانا ءبىلىم گرانتتارىن ءبولۋ ج...
-
سوڭعى كۇندەرى ەلىمىزدەگى قازاق-تۇرىك ليسەيلەرى تۋرالى داۋ قىزىپ تۇر. كتك تەلەارناسىنىڭ كەشەگى جاڭالىقتارى بۇل وتقا ءتىپتى ماي قۇيا تۇسكەندەي بولدى. كتك بۇل ليسەيلەردىڭ تۇرىككە، گۇلەنگە تۇك قاتىسى جوق...
