InfoHub Logo

دۇنيەدە نەشە ءتۇرلى ادامدار بولادى عوي. ءبىر اتادان تۋعان ون شاقتى ءۇي ءبىر اۋىل ادامدارى ر-عا تىلدەرى كەلمەيدى، ساقاۋ جانە كەرەمەت كۇلكىشى بولعان ەكەن. 10-15 شاقىرىم تۇراتىن اۋىل ازاماتتارى جەتى ادام بولىپ اڭ اۋلاۋعا كوپ ساقاۋ قىستاۋىنىڭ ۇستىنە كەلسە، قورالارى، شوپتەرى، جەرى — ءبارى ورتەنىپ كەتكەن. كۇزدىڭ كۇنى، «بۇل اۋىلدىڭ ادامدارى قايدا» دەپ ىزدەپ جۇرسە، اۋىلدىڭ شەتىندە ءبىر جامان ءۇي ورتتەن امان قالعان ەكەن. سوعان جينالىپ الىپ كۇلكىدەن ىشەكتەرى قاتىپ، سەرەيىپ جاتىر. اڭشى جىگىتتەر جانىنا كەلىپ وتىرىپ امانداسسا، امانداسۋعا شامالارى كەلمەي، كۇلىپ ءولىپ جاتىر.

— وۋ، نە بولدى؟ — دەپ سۇراسا، «ءويت» دەيدى دە، ودان ءارى سويلەۋگە شاماسى كەلمەيدى. كۇلكىلەرى باسىلاتىن شىعار دەپ، ءبىراز توسىپ وتىرىپ، باسىلاتىن بولماعان سوڭ، كەتىپ قالىپتى. ارتىنان سۇراستىرسا، كوپ ساقاۋدىڭ اۋىلى كۇزەكتە وتىرعاندا ءورت قاپتاپ، قىستاۋعا قاراي بارا جاتقانىن كورىپ، اۋىل ەركەكتەرى قولدارىنا سىپىرتقى، قۇرىم كيگىز الىپ، ورتكە شاۋىپ، ءورتتى ءوشىرىپ جۇرگەندە ءورت ىشىنەن قۇيىن شىعىپ، بىرەۋى
قۇيىننان قورقىپ قاشا جونەلسە كەرەك. سوعان كۇلەمىز دەپ، سىلەسى قاتىپ كۇلىپ جاتقاندا اۋىلى، قورالارى تۇگەل كۇيىپ كەتىپ، وعان قاپالانعان ولار جوق، كۇلكىدەن سىلەسى قاتىپ، كۇلىپ جاتىر ەكەن.

تاعى ءبىر ءىسى: كوشەمىز دەپ ارباعا، تۇيەگە جۇگىن ارتىپ قويىپ، «ەندى ءبىر ناسىباي اتىپ الايىق» دەپ وتىرعاندا ءبىر نارسەگە كۇلىپ، كۇلكى باستالسا، ول كۇنى ولار كوشە الماي، قونىپ قالادى ەكەن.

ەكىنشى: جايلاۋعا بارىپ قونىپ، ءبىر ايەل جەر وشاققا وت جاعىپ، تاماق ىستەپ جۇرگەندە كۇن جەلتەڭ ەكەن. ەتەگىنە وت ءتيىپ، ايەل سەكىرىپ جۇرسە، كۇيەۋى ەسىكتەن كورىپ:

— شوشۋىن قۇيعيدىڭ، — دەپ سىلەسىلەرى قاتىپ جاتقاندا، ايەل كۇيىپ ءولىپتى. ءوشىرىپ الۋعا كۇلكىدەن شاماسى كەلمەي، كۇيەۋى كورىنەر كوزگە ايەلىنەن ايرىلىپ قالعان ەكەن.

---