InfoHub Logo

ەرتەدە كوساتكا مەن پينگۆين دوس بولىپتى. سول كەزدە پينگۆين قۇرلىقتا دا، سۋدا دا وتە جاي جۇزەدى ەكەن. بىردە كوساتكا پينگۆينگە جانى اشىپ، قالايشا تەز ءجۇزۋ كەرەك-تىگىن ۇيرەتىپتى. بىرنەشە جىلدان كەيىن پينگۆيندە جۇزبە قانات-تارى پايدا بولىپ، سۋدا ءوزىن بالىقتاي سەزىنەتىن دەڭگەيگە جەتىپتى.

سوندا كوساتكا:

— مەن ساعان ءجۇزۋدى ۇيرەتتىم. ەندى سەن ماعان قۇرلىقتا قالاي ءجۇرۋ كەرەكتىگىن ۇيرەتشى، — دەيدى.

پينگۆين قالاي ۇيرەتەتىنىن بىلمەي، كۇندە ەرتەڭ دەي بەرىپتى. ءبىر ورىندا شەكتەلمەي، ۇنەمى ءار جەرگە بارىپ ساياحاتتاۋعا قۇمار كوساتكا كۇندەردىڭ كۇنىندە انتاركتيدادان الىستاپ، اتلانت مۇحيتى ارقىلى اركتيكاعا بارىپتى. اركتيكادا ول اق ايۋ، يتبالىقتى كو­رەدى. ولارعا ول:

— ماعان پينگۆين قالاي قۇرلىقتا جۇرەتىنىن ۇيرەتپەدى. بالكىم سەندەر ماعان ۇيرەتەرسىڭدەر، — دەيدى.

— جاقسى، — دەيدى اق ايۋ. — الدىمەن جاعاعا شىق، سوسىن يتبالىق ەكەۋمىز ساعان جاقسىلاپ ۇيرەتەيىك.

كوساتكا جاعاعا شىققاندا اق ايۋ ونى بايلاي جونەلەدى دە، يتبالىققا:

— تەزىرەك، تاباق، پىشاق الىپ كەل. ءبىز بۇگىن تويىپ تاماق­تا­نايىق، — دەيدى.

يتبالىق تاباق، پىشاققا جايلاپ بارامىن دەگەنشە كوساتكا سەكىرىپ سۋعا سۇڭگىپ كەتەدى.

— مەن ەندى سەندەرگە سەنبەيمىن. الداعى ۋاقىتتا كورسەم جەيتىن بولامىن، — دەپ انتاركتيداعا قاراي بەتكە الادى.

— قاپ، مىنا وڭباعاننىڭ ءسوزىن ەستىدىڭ بە؟ جىبىرلاپ، نەگە تاباق پەن پىشاقتى جىلدام اكەلمەدىڭ؟ — دەپ اق ايۋ يتبالىققا تۇرا ۇمتىلادى. يتبالىق اۋپىرىمدەپ قاشىپ ۇلگەرەدى. سودان بەرى اركتيكادا جۇرگەن يتبالىقتى كورسە، اق ايۋ جەيتىن بولىپتى.

اتلانت مۇحيتىنىڭ وڭتۇستىك باعىتىمەن انتاركتيداعا ءجۇزىپ جەتكەن كوساتكا بار كورگەنىن پينگۆينگە ايتىپتى. بۇل كەزدە پين-گۆين دوستارىمەن جينالىپ، مۇزدىقتا اش تۇرعان بولاتىن.

— ۇيرەتەر ەدىم. ءبىراق، بىلەسىڭ عوي، مەنىڭ جاي جۇرەتىنىمدى.

— ەشتەڭە ەتپەيدى. مەن جاي جۇرسەم دە قۇرلىقتا قالاي ءومىر ءسۇ­رۋ كەرەكتىگىن ۇيرەنسەم دەيمىن.

— جاقسى، ەندەشە. جاعاعا شىق.

كوساتكا جاعاعا شىققاندا پينگۆيندەر كوساتكاعا جابىلا ءجو­نەلەدى. ءبىر پينگۆين ونىڭ دەنەسىنە پىشاق سالىپ جارالايدى. ال باسقالارى وت جاعا باستايدى. جارالى كوساتكا پينگۆيندەردەن ارەڭ دەگەندە قۇتىلادى.

سۋدا ءبىراز جۇزگەننەن كەيىن كوساتكانىڭ دوستارى ونى ەمدەيدى. كوساتكا بار كورگەنىن ايتىپ بەرىپ:

— الداعى ۋاقىتتا قۇرلىقتا جۇرگەن كەز كەلگەن اڭعا شابۋىل-داپ جەيتىن بولىڭدار. ولاردى اياماڭدار. بۇلار ءبىزدىڭ دۇش­پان-دارىمىز، — دەيدى.

وسىلايشا ءبىر كەزدە انتاركتيدادا مومىن بالىق بولعان كوساتكا جىرتقىشقا اينالادى. «دۇشپاندارىنان» كەك الۋ ماقساتىندا ءار مۇحيتتا جۇرەتىنى وسىدان قالسا كەرەك. جاعاعا جاقىنداعاندا «پينگۆين، اق ايۋ، يتبالىق جوق پا ەكەن» دەپ ىزدەيتىنى وسىدان قالسا كەرەك.

---