كوز كۇتىمى
— كوزىڭىزگە قيقىم تۇسسە جوعارى كىرپىگىڭىزدى جايلاپ كوتەرىڭىز دە، كوزىڭىزدى وڭعاسولعا، جوعارىعا تومەنگە بۇرىڭىز. كوز جاسىڭىز قيقىمدى شىعارۋعا جەتپەسە، جاساندى كوز جاسىن نە تازا فيزيولوگيالىق ەرتىندىنى پايدالانىڭىز. كەيبىرەۋلەر كوزدىڭ جوعارى قاباعىن سىرتقا اينالدىرادى. كەيدە وسىنىڭ ءوزى-اق كومەكتەسەدى.
— ەگەر سول امالدار كومەكتەسپەسە نە ولار وزىڭىزگە ۇناماسا، كوزىڭىزدى شايىپ جىبەرىڭىز. قولىڭىزدى جاقسىلاپ جۋىپ، الاقانىڭىزعا جىلى سۋ تولتىرىپ الىپ، وعان جابىق كوزىڭىزدى مالىڭىز دا، سۋ استىندا اشىڭىز، بارلىق ارتىق نارسە سوندا شايىلىپ كەتەدى.
— كوزىڭىز اششىسا ورامالدى سۋىق سۋعا مالىپ الىپ، مازالاۋدان ارىلعانشا كوزىڭىزدى جابىڭىز. كوزىڭىز قىزارىپ، اللەرگيادان قىشىسا بۇل امال وتە ءتيىمدى. سۋىق قان تامىرلارىن تارىلتادى، ال سۋ كوزگە قاجەت ىلعالمەن قامتاماسىز ەتەدى.
— شاي سالىنعان قالتاشانى سۋىق سۋعا باتىرىپ الىپ، جابىق كوزىڭىزگە 15 مينۋت باسىڭىز.
— كوزىڭىز قۇرعاپ كەتسە، اۋانى ىلعالداندىراتىن قۇرالدى قوسىڭىز. اسىرەسە ۋاقىتىڭىز كوپ وتەتىن بولمەدە.
— كوزىڭىزدىڭ سىرتى ىلعي قۇرعاق بولىپ، اشي بەرسە، جاساندى كوز جاسىن پايدالانىڭىز. كونسەرۆانتى جوعىن الىڭىز.
— جەتكىلىكتى ۇيقتاماساڭىز، كوزىڭىز قۇرعاپ، قىزارىپ كەتۋى ابدەن مۇمكىن.
— كوزىڭىز قۇرعاپ كەتسە كۇندە بانان جەڭىز. ول دەنەدە سۋ سوراتىن ءناترييدى تەڭەستىرەدى.
— تالقانعا نە جەمىس شىرىنىنا ءبىر اس قاسىق زىعىر مايىن قوسىڭىز. ول ومەگا 3 مايلى قىشقىلىنا باي. كوز جاسىمىزدا سۋ مەن تۇزدان باسقا، شىرىش پەن ماي بولادى. ومەگا 3 سولارعا باي. جاڭعاق، سۋىق سۋدا وسەتىن بالىق سولارعا باي.
— كوز قۇرعاي باستاسا، قابىلداعان ءدارىڭىزدىڭ جاناما اسەرى بولۋى ابدەن ىقتيمال. تەكسەرتىڭىز.
— شاڭتوزاڭنان قۇتىلعىڭىز كەلگەندە قورعانىستىق كونسەرۆى-كوزىلدىرىك كيىڭىز.
— حلورلى سۋى بار باسسەينگە تۇسسەڭىز، سۋ وتكىزبەيتىن كوزىلدىرىك كيىڭىز.
— جىلىتۋ جۇيەسىنىڭ ىسكە قوسىلۋىنان كوز قابىرشىعىنىڭ قورعانىش قاباتىنداعى سۇيىقتىق بۋعا اينالىپ كەتەدى. سوندىقتان ارا-اراسىندا دالاعا شىعىپ، كۇن جىلىنسا بولمەنى جەلدەتىپ تۇرعان دۇرىس.
— كىتاپتى جاتىپ وقىماڭىز، ول كەزدە كوزدىڭ بۇلشىقەتىنە كوپ سالماق تۇسەدى، ال بۇل ءوز كەزەگىندە كوزدىڭ الىستاعى زاتتاردى ناشار كورۋىنە اكەلىپ سوعادى.
— كۇن كوزىنەن قورعايتىن كوزىلدىرىكتەر قىستا دا قاجەت. قارعا شاعىلىسقان كۇن ساۋلەسى ەكى ەسە ءقاۋىپتى، جانە كوزدىڭ قابىرشىعىن كۇيدىرىپ جىبەرۋى دە مۇمكىن.
— كۇندە سەرۋەندەۋگە تىرىسىڭىز. زەرتتەۋلەر ناتيجەسىندە الىستان ناشار كورەتىن ادامداردىڭ بارلىعى دەرلىك ۇنەمى ۇيدەن شىقپايتىن جاندار بولدى.
— شىلىم شەگۋ تەك وكپەگە عانا زيان ەمەس، سونىمەن بىرگە كوز ۇياسىنداعى سارى داقتاردىڭ دەگەنەراسيالانۋ قاۋپىنە ۇشىراتادى، وسى سەبەپتەن كوزدىڭ كورۋ قابىلەتى مۇلدە ناشارلاۋى مۇمكىن.
وقۋعا كەڭەس بەرەمىز:
ءۇي جاعدايىندا كوز استىنداعى قارا داقتى كەتىرۋدىڭ 10 ءتاسىلى
كوزگە ارنالعان يوگا: كوزىڭىزدىڭ قىراعىلىعىن ارتتىراتىن 8 قاراپايىم جاتتىعۋ
كوز لينزاسىمەن ۇيىقتاۋ ءقاۋىپتى مە؟
بالانىڭ كوز جانارىنا قاتىستى اتا-انانىڭ 5 قاتەسى
دۇرىس تاماقتانۋ كوز ساۋلىعىنا سەپ
You Might Also Like
-
ازات — مۇحتاردىڭ اعاسى، باقانداي ءۇش جاس ۇلكەندىگى بار. ۇلكەنى مومىن دا، كىشكەنتايى تەنتەك. ەكىنشى كلاسس دەگەندى قومسىنىپ، «ەكىنشى كۋرستا وقيمىن» دەيدى مۇحتار. ونداعىسى وزىمەن بىرگ...
-
اقجاننىڭ اق اجەسى ونىڭ اۋىلعا كەلۋىن ساعىنا كۇتتى. قىسقى دەمالىستا ءساتى ءتۇسىپ، نەمەرەسى اۋىلعا كەلگەندە، اجەسىنىڭ قۋانىشى قوينىنا سىيماي:
