InfoHub Logo

لوگيكالىق ماتەماتيكا كۋرسىنا ارنالعان كۇنتىزبەلىك جوسپارى مەن ديداكتيكالىق ويىندار جانە لوگيكالىق تاپسىرمالار.

تۇسىنىك حات
ماتەماتيكا عىلىمى - شىن دۇنيەنىڭ سارقىلمايتىن جانە مۇمكىن بولاتىن ساندىق قاتىناستارى مەن كەڭىستىك عىلىمىن زەرتتەيتىن عىلىم.
بۇل باعدارلاما وقۋشىنى ماتەماتيكالىق كۋرس باعدارلاماسىنداعى تاپسىرمالارمەن شەكتەپ قويماي، تابيعات بەرگەن قابىلەتتەرىن اشۋعا مۇمكىندىك جاسايدى. بۇل ءپان وقۋشىنىڭ ومىرگە تانىم، تۇسىنىگىن مولايتىپ، شىعارماشىلىق قابىلەتىن شىڭداپ، عىلىمعا، ۇشقىر ويلاۋعا قىزىعۋشىلىعىن اشادى.
لوگيكالىق تاپسىرمالاردى ورىنداۋ بارىسىندا وقۋشى وزدىگىنەن ويلانىپ، ءوز شاماسىن وزگەلەرمەن سالىستىرا وتىرىپ، ۇشقىر ويلاۋعا تالپىنادى. جەڭىلدەن قيىنعا، وڭايدان كۇردەلىگە كوشۋ، ءبىرىزدى ءبىلىم بەرۋ جۇيەسىن شىڭداي تۇسەدى.
بەرىلگەن «لوگيكالىق ماتەماتيكا» ءپانىن وقۋ ارقىلى وقۋشىلاردى ىزدەمپازدىققا جانە وزىنە سەنىمدى بولۋعا ۇمتىلدىرادى، اقىل - وي دەڭگەيىن قالىپتاستىرادى. بۇل ءپان بالانىڭ بويىنداعى قورقىنىش پەن «قاتە جاساپ قويامىن - اۋ» دەگەن مازاسىز ويلار تومەندەيدى دە، سەنىمدىلىك پەن تۇراقتىلىق داميدى.
ماتەماتيكا كۋرسى بالانىڭ وي - ءورىسىن دامىتىپ قانا قويماي، ونى بايقاعىشتىققا، شاپشاندىلىققا، ويىن دالەلدەۋگە ۇيرەتەدى. لوگيكالىق ماتەماتيكا كۋرسى اپتاسىنا ءبىر رەت وقىتىلادى.

ءپان بويىنشا وقۋ جۇكتەمەسىنىڭ كولەمى:
2 سىنىپ – اپتاسىنا 1 ساعات، بارلىعى 34 ساعات.

باعدارلاما نەگىزگى 3 بولىمنەن تۇرادى. ءار ءبولىم وقۋشىلاردىڭ وي ءورىسىن جەتىلدىرىپ، ساناسىن سارالاۋىنا مۇمكىندىك الادى.

لوگيكالىق ماتەماتيكا باعدارلاماسىنىڭ ماقساتتارى:

 ماتەماتيكالىق ءبىلىم، بىلىك جانە داعدىنى يگەرۋ؛
 ماتەماتيكا كۋرسىنىڭ مازمۇنى ارقىلى تانىمدىق جانە كوممۋنيكاتيۆتىك ءىس - ارەكەت پەن وزدىگىنەن ءبىلىم الۋعا جانە ەڭبەككە بەيىمدەلۋ، سونداي - اق اتا - ءداستۇر، ادەت - عۇرىپ، سالت - سانا، حالىقتىق جانە ۇلتتىق بولمىستى دۇنيەجۇزىلىك مادەني مۇرالارمەن ۇندەستۇرۋ ارقىلى بالانى تۇلعا رەتىندە قالىپتاستىرۋ؛
 وقۋشىنىڭ اقىل - ويىنىڭ ماتەماتيكالىق ءستيلىن، ينتەلليكتۋالدىق جانە ەرىك پەن سەزىمگە قاتىستى ساپالارىن دامىتا ءتۇسۋ؛
 مەكتەپتىڭ نەگىزگى ساتىسىندا وقۋعا، مەڭگەرگەن ماتەماتيكالىق بىلىمدەرىن ومىردە قولدانۋعا جان - جاقتى دايىندالۋدى جۇزەگە اسىرۋ.

لوگيكالىق ماتەماتيكا باعدارلاماسىنىڭ مىندەتتەرى:

 بالانى تۇلعا رەتىندە قالىپتاسۋىنا، اقىل - ويىن دامىتۋعا، ينتەللەكتۋالدىق جانە ەرىك پەن سەزىمگە قاتىستى بەلسەندىلىگىن قالىپتاستىرۋعا سەپتىگىن تيگىزۋ؛
 ماتەماتيكانىڭ ومىردە بولىپ جاتقان ناقتى قۇبىلىستاردى جالپىلاۋعا جانە قورشاعان بولمىستى تانىپ - بىلۋگە كومەكتەسەتىن عىلىم بولىپ تابىلاتىنى تۋرالى تۇسىنىكتەردىڭ قالىپتاسۋىنا ىقپال ەتۋ؛
 وقۋشىنىڭ ءومىر سۇرۋىنە جانە مەكتەپتىڭ كەلەسى دەڭگەيىندە وقۋىن جالعاستىرۋى ءۇشىن قاجەتتى ءبىلىم، بىلىك جانە داعدىلارىن قالىپتاستىرۋ.

لوگيكالىق ماتەماتيكا باعدارلاماسىنىڭ زەرتتەۋ وبەكتىلەرى:

 تەرىس ەمەس ءبۇتىن ساندار نۋمەراسياسى؛
 اسا ماڭىزدى شامالار مەن ولاردىڭ ولشەم بىرلىكتەرى؛
 اريفمەتيكالىق امالدار جانە ولاردىڭ قاسيەتتەرى؛
 ەسەپتەۋ تاسىلدەرى جانە سايكەس بىرلىك پەن داعدىلاردى قالىپتاستىرۋ؛
 ەسەپ جانە ونى شەشۋ پروسەسى؛
 الگەبرانىڭ ەلەمەنتتەرى؛
 گەومەتريا ەلەمەنتتەرى.

2 سىنىپ

تەرىس ەمەس ءبۇتىن ساندار مەن شامالاردىڭ اريفمەتيكاسى - 8 ساعات

ەكى تاڭبالى جانە ءۇش تاڭبالى سانداردى شىعارىپ الۋ تۋرالى تۇسىنىكتەرىن كەڭەيتۋ. ساننىڭ وندىق جۇيەدە جازىلۋىنداعى ورنىنا بايلانىستى سيفرلاردىڭ ءمانىنىڭ وزگەرەتىندىگى. شامالار، ولاردى ولشەۋ جانە سالىستىرۋ. ۇزىندىققا، ماسسا، سىيىمدىلىق، ۋاقىت ارالىعى جانە ولاردىڭ ولشەم بىرلىكتەرى. ەكى امالمەن شىعارىلاتىن ەسەپ جانە ونىڭ ەرەكشەلىگى. قوسۋدىعى اۋىستىرىمدىلىق جانە تەرىمدىلىك قاسيەتى. ەكى تاڭبالى جانە ءۇش تاڭبالى سانداردى رازريادتىق قوسىلعىشتارعا جىكتەۋ. قوسۋدىڭ دۇرىستىعىن ازايتۋمەن، ازايتۋدىڭ دۇرىستىعىن قوسۋمەن تەكسەرۋ.

الگەبرا ەلەمەنتتەرى - 14 ساعات

تۋرا جانە تۋرا ەمەس سانداردى تەڭدىكتەر مەن تەڭسىزدىكتەر تۋرالى ۇعىمدارىن قالىپتاستىرۋ. ارىپپەن تاڭبالانعان بەلگىسىزى بار تەڭدىك رەتىندەگى تەڭدەۋ. قاراپايىم جانە كۇردەلى قۇرىلىمدى تەڭدەۋلەردىڭ بولاتىنى تۋرالى تۇسىنىك بەرۋ. جاقشالى ورنەكتەردە اريفمەتيكالىق امالداردىڭ ورىندالۋ رەتى. قاراپايىم تەڭدەۋلەردى تۋرا تەڭدىكتەردىڭ قاسيەتتەرىنە جانە قوسۋ مەن ازايتۋ كەرى امالدار بولاتىنىنا سۇيەنىپ شەشۋ.

گەومەتريالىق ەلەمەنتتەرى - 8 ساعات

گەومەتريالىق ۇعىمدارعا انىقتاما بەرۋ. سىزىقتاردىڭ تۇرلەرى جانە كوپبۇرىشتىڭ شەكارالارىنىڭ تۇيىقتارعان سىنىق سىزىقتار بولاتىندىعى. بۇرىشتاردىڭ جىكتەلۋى. تىك ءتورتبۇرىشتىڭ شارشى انىقتامالارىن، كوپبۇرىشتىڭ قابىرعالارىنىڭ قوسىندىسىنىڭ پەريمەترى ەكەنىن ءبىلۋ.

ءبىلىم، بىلىك، داعدىنى تەكسەرۋ - 4 ساعات

تەست. باقىلاۋ جۇمىستارى.

2 سىنىپقا ارنالعان «لوگيكالىق ماتەماتيكا» كۋرسىنىڭ كۇنتىزبەلىك جوسپارى

 ماقساتى: 100 كولەمىندەگى سانداردى جانە سايكەس شامالاردى اۋىزشا جانە جازباشا قوسۋ، ەسەپتەۋ تاسىلدەرى، ساننىڭ قۇرامى، ەسەپتەر قۇرۋ، ولاردى ءارتۇرلى تاسىلمەن شەشۋ، شامالاردى ورنەكتەۋ، كۇندەلىكتى ومىردە قولدانا ءبىلۋ، گەومەتريالىق فيگۋرالار تۋرالى تولىق تۇسىنىك الۋ، ولاردى سالۋ، سالىستىرۋ، كوبەيتۋ جانە ءبولۋ امالدارىن وقۋعا دايارلىق جاساۋ، كەستەلىك قوسۋ، ازايتۋ بولىمدەرىن مەڭگەرۋ.
 مەڭگەرىلەتىن ءبىلىم، بىلىك، داعدى: بىرلىك، وندىق، جۇزدىكپەن ساناۋ، امالداردىڭ ورىندالۋ رەتى، جاقشالى ورنەكتەردى شەشۋ، ەسەپتەۋ تاسىلدەرى، ولشەم بىرلىكتەرى، گەومەتريالىق فيگۋرالاردى ولشەۋ، سال. ولاردىڭ قاسيەتتەرى، ساننىڭ قۇرامى، كەستەلىك، كەستەدەن تىس قوسۋ، ازايتۋ، ەسەپتەر، ەسەپتىڭ قۇرىلىمى.

قۇراستىرعان: باستاۋىش سىنىپ ءمۇعالىمى
قياشوۆا مارجان جۇماعالي قىزى
لوگيكالىق ماتەماتيكا كۋرسىنا ارنالعان كۇنتىزبەلىك جوسپارى مەن ديداكتيكالىق ويىندار جانە لوگيكالىق تاپسىرمالار. جۇكتەۋ