InfoHub Logo

ترەنينگ ساباق
تاقىرىبى: ماماندىعىم - ماقتانىشىم

ماقساتى: جاس ماماندارعا تاڭداعان ماماندىقتارىن ۇلگى تۇتاتىنداي، ارىپتەستەرمەن جاقسى قارىم - قاتىناس جاساۋعا، كەزدەيسوق جاعدايلاردان شىعا بىلەتىن ەموسياسىن سيتۋاسياعا پارا - پار ەتىپ كورسەتە بىلۋگە، ەموسيونالدىق تۇرعىدا كوڭىل - كۇيلەرىنىڭ ورنىعىپ، جۇمىسقا قابىلەتتەرىن ارتتىرۋ؛
كورنەكىلىگى: سلايد، بلانكا جانە مۋزىكا اپپاراتى، جاعىمدى باياۋ اۋەندى ديسك
جوسپارى:
 تانىسۋ شەڭبەرى، توپتارعا ءبولۋ.
 رەلاكساسيا. كىرىسپە.
 «ەڭ جاقسى» ويىن جاتتىعۋى.
 سەرگىتۋ ءساتى /پسيحوگەومەتريالىق فيگۋرالار.
 ماماندىقتارىنا قاتىستى جاعداياتتىق سۇراقتار.
 «ماماندىق تاپ» ويىنى.
 توپتىق جۇمىس. / تىلەكتەر/
 قورتىندى رەلاكساسيا. / 2 مينۋت/
 كەرى بايلانىس. «بوس ميكرافون». / 3 مينۋت/

ترەنينگ بارىسى:
سالەمدەسۋ: تانىسۋ شەڭبەرى «جىپتىك كۋرس»
بارلىق قاتىسۋشىلار دوڭگەلەنىپ تۇرادى. «ءبىز وسى ماماندىعىمىزدى سۇيەمىزبە؟»، «ۇجىمىمىزعا دەگەن كوزقاراسىڭىز قانداي؟»
توپقا ءبولۋ:
كامپيت ارقىلى. جاس ماماندار الدارىڭىزدا مىنا ىدىستا كامپيتتەر بار، ءسىز ءقازىر وزىڭىزگە ءبىر كامپيت الاسىز جانە تۇستەرى سايكەس كەلگەن جاس ماماندار ءبىر توپتا بولادى.
كىرىسپە: تىنىشتىق ءساتى..
- كوز الدىڭىزعا جاڭا كورگەن تابيعات كورىنىستەرىن ەلەستەتىڭىز.
- تەرەڭ دەم الىپ، اۋەننىڭ ىرعاعىنا زەيىن اۋدارىپ، مەنىڭ سوزدەرىمە قۇلاق سالىڭىز.
- ال، باستايمىز. (مۋزىكا قوسىلادى)
- سوقپاق جولمەن ءجۇرىپ كەلەسىز …
- جول ۇزاق، شارشادىڭىز، شولدەدىڭىز …
- كەنەت الدىڭىزدان عاجايىپ ب ا ق كورىندى …
- الما باعى …
- قىپ – قىزىل المالار قول سوزىم جەردە …
- ءسىز ءۇزىپ الىپ جەي باستادىڭىز …
- ءدامى كەرەمەت …
- جەگەن سايىن جەگىڭىز كەلەدى …
- قالتاڭىزدان دوربا الىپ المالاردى جيناي باستادىڭىز …
- كۇن كەشكىردى … قايتۋ كەرەك … باقتان شىعىپ جولعا ءتۇستىڭىز … يىعىڭىزدا دوربا.
- جۇگىڭىز اۋىر. جول بىتەر ەمەس. «تاستاپ كەتسەم بە ەكەن؟» دەگەن وي كەلدى …
- ءسىز دوربانى ەمەس، جالقاۋ ويىڭىزدى تاستاپ كەتىڭىز …
- مىنە، قالاشىققا دا جەتتىڭىز … الدىڭىزدان قۋانا سەكىرىپ بالالار شىقتى
- ولارعا ءوزىڭىز تەرگەن المالاردان ۇلەستىرە باستادىڭىز …
- الما تەرگەنىڭىز مۇنشاما ابىروي بولار ما؟ سىزگە بالالار دا، ولاردىڭ اتا – انالارى دا ءدان ريزا …
- بالالاردىڭ باقىتتى كۇلكىسى ءسىزدىڭ دە كوڭىلىڭىزدى كوككە كوتەردى! مۋزىكا توقتاتىلىپ، مۇعالىمدەر كوزىن اشادى. ءوز اسەرلەرىن بولىسەدى

«ەڭ جاقسى» ويىنى.
ءاربىر كومانداعا مىناداي نۇسقاۋ بەرىلەدى، مۇعالىمدەر بەرىلگەن مىنەزدەمە قاي ماماندىققا ساي ەكەندىگىن ايتۋلارى كەرەك. مىسالى، ەڭ اقشاسى كوپ ماماندىق. قاي ماماندىق ەڭ اقشالى بولىپ تابىلادى.
قاتىسۋشىلارعا كەلەسى ماماندىق مىنەزدەمەلەرى ۇسىنىلادى:
ەڭ اقشاسى كوپ - بۋحگالتەر، ەكونوميست.
ەڭ جاسىل - ەكولوگ، گەوگراف، باقتاشى، گۇل ءوسىرۋشى.
ەڭ ءتاتتى - اسپازشى، كونديتەر.
ەڭ كۇلكىلى - كلوۋن، كاريكاتۋراشى.
ەڭ جاۋاپتى - سوت، بۋحگالتەر.
ەڭ سالماقتى - ءمۇعالىم، زاڭگەر.

«پسيحوگەومەتريا» ءوزىن - ءوزى تانۋ: وزدەرىنە ۇناعان گەومەتريالىق فيگۋرالاردى تاڭدانىز./3 مينۋت/
شارشى – ۇيىمداستىرعىش، دالدىك باقىلاۋعا قاتال، قاداعالايتىن، ويلاۋشى، نۇسقاۋشى، اقپاراتقا بايقامپاز، حابارشىل، جازباشا سوزدىككە ىنتالى، ۇقىپتى، تازالىق سۇيگىش، ساقتانعىش، سۋىق، ۇندەمەيتىن، قىرسىق، تاباندى، ەڭبەكسۇيگىش، ەرۋديسياسى باسىم، باس ساياساتكەر، دوستارى مەن تانىستارى شاعىن، ەڭبەكقور ادام.
ءۇشبۇرىش – كوشباسشى، بيلىككە تالپىنعىش، تازالىقتى سۇيگىش، جەڭىسە قۇمار، ءوز - وزىنە سەنىمدى، شەشىم قابىلداعىش، باتىل، سەزىمى كۇشتى، ەنەرگياسى جەتكىلىكتى، ءقاۋىپ - قاتەرگە جاقىن، لاۋازىمدى قىزمەتكەر، شىدامسىز، ساياساتكەر، ءسوز تاپقىش، ورتاداعى قارىم - قاتىناس كەڭ، جاقىن دوستارى مەن ورتاسى شاعىن، كوشباسشى ادام.
تىكتورتبۇرىش – كوڭىل - ءۇيى وزگەرمەلى، ءوز - ءوزىن قاداعالامايدى، قوزعىش، كوپ نارسەنى بىلگەندى ۇناتادى، باتىل، ءوز - ءوزىن تومەن باعالايدى، ءوز - وزىنە سەنىمسىز، باسقالارعا سەنگىش، كوڭىل - كۇيى جىلدام وزگەرەدى، داۋ-دامايدان قاشادى، تياناقسىز، ىزدەنىمپاز ادام.
شەڭبەر – قارىم – قاتىناستى جوعارى باعالايتىن، وزگەلەردى قاداعالايتىن، كەڭ پەيىلدى، تۇيسىگى جاقسى دامىعان، شىدامدى، ەموسيانالدى، سەزىمتال، سەنگىش، تەز شەشىم قابىلداي المايدى، باس ساياساتكەر، اڭگىمە ايتقاندى ۇناتادى، بىرەۋدى كوندىرە الادى، وزگەلەرگە كوزقاراسىن دالەلدەي الادى، وتكەن ومىرىنە كوپ كوڭىل بولەدى، كوپشىل، ىنتالى، دوستارى مەن تانىستارى كوپ، مەيىرىمدى ادام.
زيگزاگ – كوڭىل - كۇيى وزگەرۋگە بەيىم، كرەاتيۆتى، بىلىمگە ىنتالى، تۇيسىگى جاقسى دامىعان، ءوز يدەيالارىنا ۇستامدى، ارمانشىل، بولاشاققا تالپىنىسى جوعارى، بارلىق جاڭا وزگەرىستەرگە قىزىعۋشىلىعى جوعارى، قاعاز جۇمىستارىن ۇناتپايدى، ادامداردىڭ ورتاسىندا ءبىرقالىپتى، ويىن - ساۋىققا قۇمار، قارجى ماسەلەسىنە نەمقۇرايلى قارايدى، شىعارماشىل ادام
جاعداياتتىق سۇراقتار:/5 مينۋت/ ( سيتۋاسيالىق سۇراقتار پاراقشاعا جازىلىپ تاراتىلادى)
1. اتا - انالار جينالىسىندا ءسىز ءبىر اتا - اناعا بالاسى تۋرالى ناشار پىكىر ايتتىڭىز. اتا - انا بالاسىن جاقتاپ، ءمۇعالىمدى كىنالادى. «ءبىلىم، تاربيە بەرە المايسىڭدار»، دەپ اشۋلاندى. بارلىق اتا - انا سىزگە قاراپ وتىر. قانداي جاۋاپ قايتاراسىز، قانداي ءادىس - تاسىلدەردى قولداناسىز؟
2. وقۋشىلار ءمۇعالىم ورىندىعىنا بور جاعىپ قويعان. ءسىز بايقاماي وتىردىڭىز دا كيىمىڭىزدى بىلعاپ الدىڭىز. قانداي امال قولداناسىز؟
3. وقۋشى ءسىزدىڭ ساباعىڭىزدان ۇنەمى قاشىپ كەتەدى. جەتەكشىنىڭ، مەكتەپ اكىمشىلىگى وقۋشىنى قىزىقتىرا المادىڭ دەپ ءسىزدى كىنالادى. باسقا وقۋشىلار ءسىزدىڭ ساباعىڭىزدى ۇناتادى. الگى وقۋشىمەن قانداي جۇمىس اتقاراسىز جانە قاناداي شارا قولداناسىز؟
4. ءسىز ۇيگە تاپسىرما بەردىڭىز. وقۋشى ءۇي تاپسىرماسىن رەفەرات تۇرىندە، وقۋلىقتان تىس ماتەريالمەن، عىلىمي دەرەكتەرمەن دالەلدەپ جازىپ كەلگەن، ءسىز ول دەرەكتەر جايىندا بىلمەيسىز. وقۋشى جۇمىسىن قالاي باعالايسىز؟
5. ساباق ۇستىندە بالالار ءبىر كەلەڭسىز ءىس ىستەدى. ءسىز ءبىر وقۋشىنى كىنالى دەپ تاۋىپ، وعان ۇرسا باستادىڭىز. قاتتى - قاتتى ءسوز ايتتىڭىز. ءبىر ۋاقىتتا باسقا ءبىر وقۋشى ول ءىستى ءوزىنىڭ ىستەگەنىن مويىندادى. ال ءسىز اشۋىڭىزدى ءبىرىنشى وقۋشىعا كورسەتتىڭىز. نە ىستەيسىز؟ ءبىرىنشى وقۋشىدان كەشىرىم سۇرايسىز با؟ ەكىنشى وقۋشىعا ۇرىسا باستايسىز با؟
6. ءسىز بۇگىن قاندايدا ءبىر جاعدايمەن ساباققا دايىن ەمەسسىز. ءوزىڭىز جاس مامان بولعاندىقتان، جوسپارسىز ساباق ءوتۋ سىزگە قيىندىق كەلتىرەدى. ساباققا كەلسەڭىز ساباعىڭىزعا كىسى قاتىسىپ وتىر. نە ىستەيسىز؟ جاعداياتتان قالاي شىعاسىز؟
7. وقۋشى سىزبەن اڭگىمەلەسىپ تۇرىپ: «ءسىزدىڭ باسقا وقۋشىلارعا قاراعاندا، ماعان جاقسىراق كوڭىل بولگەنىڭىزدى قالايمىن»، دەدى.
8. وقۋشى سىنىپتاسىمەن قارىم - قاتىناسىنىڭ ناشار ەكەنىن كورسەتە وتىرىپ: «مەن ونىمەن بىرگە وقىعىم كەلمەيدى» دەدى. ءمۇعالىم رەتىندە نە دەپ جاۋاپ بەرەسىز؟
9. ەسىكتەن كىرىپ كەلە جاتقان ءمۇعالىمدى كورىپ، وقۋشىڭىز: «ءسىز بۇگىن وتە شارشاعان كەيىپتەسىز»، دەدى ءمۇعالىم ارەكەتى.
10. ءمۇعالىم وقۋشىعا تاپسىرما بەردى. وقۋشى بەرىلگەن تاپسىرمانى ورىنداعى كەلمەي: - ورىنداعىم كەلمەيدى،- دەدى ءمۇعالىم ارەكەتى
11. «امانجول ۇنەمى ساباققا ۇقىپسىز كەلەدى، شاشى وسكەن، كيىمى ۇتەكتەلمەگەن، ءبىراق وسى تۇرىنە قاراماستان ۇنەمى ساباققا دايىندالىپ كەلۋگە تىرىسادى. وقۋشىلار اراسىندا ەشقانداي دوستارى دا جوق، ەشكىممەن ارالاسپاي ءوز بەتىمەن جۇرەدى.» ءسىزدىڭ ءىس - ارەكەتىڭىز، قانداي جۇمىس تۇرلەرىن جۇرگىزەر ەدىڭىز؟

پەداگوگ – پسيحولوگ: تاسبولاتوۆا م. ا.
ماماندىعىم - ماقتانىشىم. جۇكتەۋ