InfoHub Logo

قازاق حالقىمىزدىڭ جۇرەگىنە ەرەكشە دە قىمبات تۇلعالاردىڭ ءبىرى – ءمىرجاقىپ دۋلاتوۆ. بۇل كىسىنىڭ بار عۇمىرى ءوز حالقىمەن تىعىز بايلانىستى. ەندى وسى ارادا ءبىر عانا جايتقا توقتالار بولساق، ءمىرجاقىپ دۋلاتوۆتىڭ «جاستارعا» اتتى ولەڭى مەن «ءبىزدىڭ ماقساتىمىز» اتتى ماقالاسىنا بايلانىستى، «سەركە» گازەتى قازاقتىڭ ازاتتىق قوزعالىسىنىڭ العاشقى ساۋلەسىندەي جىلت ەتىپ، جابىلىپ قالعان ەدى. 

جالپى العاندا، «ءبىزدىڭ ماقساتىمىز» ماقالاسىنىڭ تەرەڭ استارىن تولقىپ قارايتىن بولساق، ونىڭ ساياسي استارى مەن ءمانى بىردەن كوزگە تۇسەدى. ادامزات تاريحىندا قيلى-قيامەت وقيعالارمەن، ءدۇبىرلى دامۋ ۇردىسىمەن ەرەكشە ورىن العان حح عاسىردىڭ باسى قاشاننان ەڭبەگى ەش، تۇزى سور قازاق حالقى ءۇشىن دە اۋىر كەزەڭ بولعانى بەلگىلى. چينوۆنيكتەر كەدەي قازاقتاردى ۇرىپ-سوعىپ، مال-مۇلكىن، سۋى مەن كەڭ-شۇرايلى جەرىن تارتىپ، ويىنا كەلگەنىن ىستەدى. وسىنداي تالما تۇستا، شەشۋشى ساتتە ۇلت ءۇشىن قىزمەت كورسەتۋدىڭ ۇزدىك ۇلگىسىن كورسەتكەن التىن ايدارلى ارىستارىمىزدىڭ قاتارىندا بەلگىلى اقىن-جۋرناليست ءمىرجاقىپ دۋلاتوۆتىڭ ەسىمى بۇل كۇندە زور ىلتيپاتپەن اتالادى. «ءبىزدىڭ ماقساتىمىز» ماقالاسىندا قازاق جەرىن قالاي بولسا سولاي تارتىپ الىپ جاتقان، قازاقتاردى شوقىندىرۋدى كوزدەگەن پاتشا ساياساتىنىڭ جىرتقىش ءجۇزىن، وسىنداي قيىن جاعدايلاردىڭ اشىق سەبەپتەرىن اشىپ، سارالاپ، وتارلىق ساياساتتى اشكەرەلەيدى. ارينە، بۇل سەبەپ سول كەزدەگى «سەركە» گازەتىنىڭ جابىلۋىنا تىكەلەي باستى سەبەپ بولادى. 

ەندى ماقالانىڭ دەموكراتيالىق باعىتىنا كوز جۇگىرتەيىك. مەن اۆتور ءوز ماقالاسى ارقىلى حالقىنىڭ كوزىن اشىپ، ساناسىن وياتقىسى كەلدى دەگەن ويدامىن. ماقالانى وقي وتىرا، حالىقتىڭ اۋىر جاعدايىن بار جۇرەگىڭمەن سەزگەندەي بولاسىڭ. سول كەزدىڭ سۋىق ادىلەتسىزدىگى جانىڭا مۇزداي باتادى. «قازاعىم مەنىڭ، ەلىم مەنىڭ!»، دەگەن سوزدەرىمەن شىندىقتى ورتاعا سالىپ، جاستاردىڭ نامىسىن العا جىلجىتۋعا، ««ءبىزدىڭ» ماقساتىمىز» دەپ، بىرلەسىپ كۇش قوسۋعا بەل بۋدى. ءمىرجاقىپ دۋلاتوۆ سونداي-اق «ويان، قازاق!»، «جاستارعا» سەكىلدى ولەڭدەرىندە دە وسى باعىتىن ۇستانادى. 

مۇنداي جاعداي اقىرىندا سول كەزدەرى كوزدەرى اشىلىپ، سانا-سەزىمدەرى ويانىپ، حالقىنىڭ قامىن ويلاي باستاعان قازاقتىڭ الدىڭعى قاتارلى ازاماتتارىنا قوزعاۋ سالدى. ولار ادامزاتتىڭ تاريحي كوشىنەن قالتارىس قالعان ەلدىڭ ۇستىگە شىعار جولىن ىزدەستىرە باستايدى. باستاپقىدا تازا اعارتۋشىلىق سارىندا تۋىنداپ، سونان سوڭ ساياسي سيپات العان بۇل قوزعالىس پاتشالىق بيلىكتىڭ ساياسي داعدارىسقا ۇشىراۋى، ەلدىڭ ءتۇرلى ايماقتارىندا، تۇركى تىلدەس حالىقتار اراسىندا ۇلت-ازاتتىق، ليبەرالدىق-دەموكراتيالىق تۇرعىداعى سانا-سەزىمنىڭ ويانا باستاۋى جاعدايىندا انىق الەۋمەتتىك قۇبىلىس دارەجەسىندە بوي كورسەتتى.

---