InfoHub Logo

مەرزىمدى باسىلىمدار قىزمەتىنىڭ وقۋ زالىندا قازاقتىڭ ۇلى اقىنى، اۋدارماشى، قازاقستان مەملەكەتتىك سىيلىعىنىڭ لاۋرەاتى مۇقاعالي ماقاتايەۆتىڭ 90 جىلدىعىنا ارنالعان  شىعىستانۋ فاكۋلتەتىنىڭ، قىتايتانۋ كافەدراسىنىڭ،شەتەل فيلولوگياسى:جۇڭگو ءتىلى ماماندىعىنىڭ ستۋدەنتتەرى 15.02.2021 جىلى مۇقاعالي ماقاتايەۆتىڭ كەشىن  ۇيىمداستىردى. مۇقاعالي ماقاتايەۆ – 1931 جىلعى 9 اقپاندا الماتى وبلىسى، رايىمبەك اۋدانى، قاراساز اۋىلىندا ءحانتاڭىرى تاۋىنىڭ ەتەگىندە  دۇنيەگە كەلگەن. ونجەتىجاسار اقىننىڭ شىعارماشىلىق جولى «سوۆەتتىك شەكارا» گازەتىندە 1949 جىلى العاش جاريالانعان «قىرمانعا»، «قويشى بالا-اكىتاي» ولەڭدەرىمەن باستالادى.م.ماقاتايەۆ شىعارمالارىنىڭ كوپشىلىگى  گازەت-جۋرنالداردا جاريالاندى، ولەڭدەرى 1951 جىلى جارىق كورگەن «جاستار جىرى» جيناعىندا باسىلدى.سونىمەن قاتار م.ماقاتايەۆتىڭ  شىعارماشىلىق مۇراسىندا اۋدارمالار ەرەكشە ورىن الادى. ماقاتايەۆ قازاقستاننىڭ ۇلتتىق مادەنيەتى مەن ونەرىنە زور ۇلەس قوستى.  اقىن شىعارماشىلىعىنىڭ باستى تاقىرىبى: تۋعان ولكەسى، وتانى، قازاق حالقىنىڭ تاريحى، اناعا،  ومىرگە سۇيىسپەنشىلىك، قورشاعان الەمگە قۇشتارلىق، مەيىرىمدىلىك، ايەلگە ماحاببات تۋرالى. اقىن قىسقا ومىرىندە، سوڭىنا جارقىن پوەتيكالىق ءىز قالدىردى. ول 1976 جىلى قايتىس بولدى. 1981 جىلى مۇقاعالي ەسىمى كوشە اتاۋىنا بەرىلىپ، ول تۇرعان ۇيگە مەموريالدىق تاقتا ورناتىلدى. 1985 جىلى قازاقستان جازۋشىلارى وداعىنىڭ باستاماسىمەن ۇزدىك ادەبي شىعارما اۆتورلارىنا م. ماقاتايەۆ اتىنداعى سىيلىق تاعايىندالدى.ال، 2002 جىلى الماتى قالاسىنداعى ماقاتايەۆ جانە جەلتوقسان كوشەلەرىنىڭ قيىلىسىنداعى گۇلزارعا اقىننىڭ قولا ەسكەرتكىشى ورناتىلدى. رەسپۋبليكا بويىنشا مەكتەپتەرگە، سكۆەرلەرگە، ساياباقتارعا ماقاتايەۆ ەسىمى بەرىلگەن.2000 جىلى مۇقاعاليدىڭ «امانات» اتتى كىتابى قازاقستاننىڭ مەملەكەتتىك سىيلىعىنا يە بولدى. وسى ءىس شارا بويىنشا بارلىق 54 ستۋدەنت اتسالىسىپ، كۋراتور-ەدۆايزەردىڭ شارىپقازى ءنۇرتالىپتىڭ باسشىلىعىمەن ءبارى ءساتتى ءوتتى. وسى ءىس - شارانىڭ ارقاسىندا، اقىننىڭ كوپتەگەن ەڭبەكتەرىمەن تانىسىپ قانا قويماي، ولاردىڭ ءمان-ماعىناسىن تۇسىنۋگە تىرىستىق. بولاشاقتا وسىنداي ءىس-شارالار كوبىرەك وتسە دەپ ۇمىتتەنەمىن. ويتكەنى، ءبىزدىڭ اقىندارىمىزدىڭ شىعارماشىلىعىمەن تانىسىپ ءوزىمىز عانا ۇيرەنىپ قويماي، كەلەشەك ۇرپاققا دا ونى تاراتامىز

---