InfoHub Logo

ماماندىق - ادامنان ارناۋلى ءبىلىم، ەڭبەك داعدىلارى مەن ىسكەرلىكتى تالاپ ەتەتىن ەڭبەك ىس-ارەكەتىنىڭ ءتۇرى. ماماندىق - قاراپايىم ءومىر ءسۇرۋ كوزى بولىپ تابىلاتىن جانە قانداي دا ءبىر دايىندىقتى، جاۋاپكەرشىلىكتى تالاپ ەتەتىن ەڭبەك قىزمەتىنىڭ ماڭىزدى بولىگى.

ماماندىق تاڭداۋ - تاعدىرىڭدى تاڭداۋ دەگەن ءسوز. كەيىنگى ومىردە وكىنبەيتىندەي، ءوز قابىلەتى مەن بەيىمدىلىگىنە ساي كاسىپ ءتۇرىن تاڭداۋ. بۇل وتە جاۋاپتى جانە ماڭىزدى ءىس. ماماندىق تاڭداۋدا ءار ادام ءوزىنىڭ قىزىعۋشىلىعىنا، قابىلەتىنە، بەيىمدىلىگىنە، قالاۋىنا سۇيەنۋ كەرەك.

ماماندىق سانالى قادام،وعان بارلىق ۋاقىت پەن كۇش جۇمسالادى.ءار ادام ءۇشىن ماماندىق تاڭداۋ قيىن جانە جاۋاپتى قادام بولىپ تابىلادى.ماماندىق تاڭداۋ ادامنىڭ قىزىعۋشىلىعىنا،قابىلەتتەرىنە جانە مىنەز ەرەكشەلىكتەرىنە بايلانىستى. ماماندىقتىڭ كوپتەگەن تۇرلەرى بار: دارىگەر،ءمۇعالىم،ەكونوميست،ديزاينەر جانە تاعى مىڭداعان تۇرلەرى. ماماندىقتىڭ جامانى جوق، ءبىراق مۇنىڭ كەز - كەلگەنىنە يكەمدىلىك قاجەت، بۇل جاي كۇنەلتۋ، تاماق اسىراۋدىڭ جولى عانا ەمەس، ۇلكەن ونەردى، زور شەبەرلىكتى قاجەت ەتەتىن نارسە.

بيىل مەن ءۇشىن جاۋاپتى كەزەڭ،ويتكەنى بيىل مەكتەپ تابالدىرىعىمەن قوشتاسامىن.سوڭعى وقۋ جىلى،الدا ۇلكەن بەلەستەر، تاراۋ - تاراۋ جولدار كۇتىپ تۇر. ءاربىر ادام ءوزىن - ءوزى دامىتا الۋ ءۇشىن ءبىلىم الىپ، سول بىلىمىنە ساي ماماندىققا ماشىقتانۋ كەرەك

11-سىنىپقا كەلگەندىكتەن،مەن سانالى قادامنىڭ جولىندا تۇرمىن. بالا كەزىمنەن ءمۇعالىم بولۋدى ارماندادىم.سوندىقتان دەفەكتولوگ بولۋدى ءجون كوردىم.مەن بالالارمەن تەز ءتىل تابىسا الامىن. بۇل جۇمىستىڭ قانشالىقتى قيىن ەكەنىن بىلە وتىرىپ،ءومىرىمدى وسى كاسىپپەن بايلانىستىرۋدى ءجون كوردىم.دەفەكتولوگ - بۇل ەرەكشە بالالارعا ءبىزدىڭ قوعامدا بەيىمدەلۋگە كومەكتەسەتىن ادام.ولاردىڭ فيزيكالىق،مورالدىق دامۋىنا كومەك بەرۋ.دەفەكتولوگتىڭ ماماندىعى –مۇنداي بالالارعا ءتاسىل تابۋعا،كىشىگىرىم جەتىستىككە قۋانۋعا،شىدامدى،جاۋاپتى بولۋعا ۇيرەتۋ.دەفەكتولوگتىڭ جۇمىسى وتە اۋىر،سىزگە تاپسىرىلعان ءار بالا ءۇشىن جاۋاپكەرشىلىكتى تالاپ ەتەدى.

ەكىنشى جاعىنان بۇل يگى ءىس،ويتكەنى ءسىز بالالارعا عانا ەمەس،ولاردىڭ اتا-انالارىنا دا وسىنداي بالالارعا دۇرىس تاربيە بەرۋگە كومەكتەسەمىز.وقىتۋ كەزەڭىندە،ءسىز ءوزىڭىز دە ۇيرەنەسىز،ەرەكشە بۇلدىرشىندەرمەن جۇمىس جاساي وتىرىپ،سىزگە ەرەكشە باسقا كوزبەن قاراپ جانە كەز كەلگەن كىشكەنتاي،بولماشى نارسەگە قۋانۋعا ولارمەن بىرگە ۇيرەنەسىز.

قازىرگى ۋاقىتتا ەرەكشە قامقورلىقتى قاجەت ەتەتىن مۇنداي بالالارعا ەرەكشە كوڭىل ءبولىپ، قالىپتى ادام قاتارىنا قوسىپ، سىي-قۇرمەت كورسەتەتىن بولدى.

الدا قويعام ماقساتىم،وسى ماماندىققا بايلانىستى وقۋ ورنىن دۇرىس تاڭداپ،جوعارىدا ايتقانىمداي،ءوزىم سۇيگەن،تاڭداعان ماماندىعىمنىڭ كۇشتى مامانى بولىپ،ەرەكشە بالالارعا كىشكەنە دە بولسا دا ۇلەس قوسا السام دەگەن ويىم بار.سول ويىمنىڭ،ماقساتىمنىڭ ورىندالاتىنىنا كامىل سەنەمىن.

اقىن ش.قۇدايبەردى ۇلى ايتقانداي، «ءوزىڭدى ءوزىڭ ءتانىسىڭ-ىستىڭ باسى»دەگەن دەگەن ەكەن. مەن ءوزىمدى تانىپ ءبىلدىم دەپ ويلايمىن،الداعى ۋاقىتتا مەن نەمەن اينالىساتىنىمدى،كىم بولاتىنىمدى،تولىق ءبىلدىم جانە وعان مەن ىشتەي دايىنمىن دەپ ايتا الامىن.دەفەكتولوگ مامانىنىڭ حاس شەبەرى بولۋ ءۇشىن بار كۇشىمدى،ءبىلىمىمدى ارنايمىن.

---