ماماندىق تاڭداۋ ماڭىزدى ما؟
ادام ءومىرى ءۇشىن ماڭىزى جوعارى ماماندىقتارمەن قاتار كۇنكورىس پەن قىزىعۋشىلىق ناتيجەسىندە پايدا بولعان ماماندىقتار دا جەتەرلىك. سونىمەن، ماماندىق تاڭداۋدا نەگە ءمان بەرگەن دۇرىس؟ قاتەلەسكەن جاعدايدا نە بولادى؟ بىرنەشە ماماندىقتى الىپ ءجۇرۋ مۇمكىن بە؟
ماماندىق تاڭداۋ - ماڭىزدى قادام. كوپتەگەن جاستار بۇل سىناقپەن مەكتەپ بىتىرەر ساتىندە بەتپە-بەت كەلەدى. جاستاردىڭ ەداۋىر بولىگى ءوزى قالامايتىن ماماندىقتى تاڭدايدى جانە تاڭداۋ بارىسىندا تومەندەگى پرينسيپتەر نازارعا الىنادى:
- گرانتقا ءتۇسۋ ىقتيمالدىعىنىڭ جوعارى بولۋى؛
- اتا-اناسى، دوستارى نە جاقىندارىنىڭ ىقپالى؛
- جۇمىسقا ورنالاسۋ مۇمكىندىگى؛
- وقۋ ورنىنىڭ جاقىن اۋماقتا ورنالاسۋى؛
- وتباسىلىق سەبەپتەرگە بايلانىستى؛
ارينە، اسپانداعى ارماندى قۋىپ، ساعىمعا قول سەرمەگەنشە، رەاليست بولعان دا ءتيىمدى. مۇنداي شەشىمگە باراتىن جانداردىڭ ءوزى ەكى تاراپقا بولىنەدى: ءبىرى اتا-اناسىنىڭ بايلىعى مەن بيلىگىنە سەنەدى؛ ەندى ءبىرى اتا-اناسىنا قارايلاسۋ ماقساتىن الدىنا قويعاندار. ءبىراق، ماڭىزدى سەبەبى ەڭ الدىمەن وزىنە، ءوز بىلىمىنە سەنىمسىزدىك بولىپ ەسەپتەلەدى.
ەندى جاستاردىڭ كەلەسى توبىنىڭ كوزقاراسىن تالداپ كورەيىك. ولار وزدەرى قالاعان ماماندىقتا تاڭداعاندار، سول ءۇشىن ەڭبەكتەنىپ، ىزدەنەتىندەر. وزدەرىنە سەنىمدى، ماقساتى ايقىن جاستار. تەك... ەرتەڭ ولار گرانتقا، ءوز قالاعان ماماندىعىنا تۇسپەسە نە بولارىن ويلاپ كورۋدىڭ ءوزى قورقىنىشتى.
ءوز تاڭداۋىڭدى كەز-كەلگەن ۋاقىتتا وزگەرتۋگە بولدى، سەبەبى قاتىپ قالعان قاعيدا جوق. ماماندىق تاڭداعاندا:
- ءوزىڭ ۇناتاتىن، مىنەزىڭە ساي، ءجيى اينالىساتىن ءىستى؛
- اتا-اناڭ مەن جاقىندارىڭنىڭ پىكىرىن؛
- قازىرگى ءبىلىم دەڭگەيىڭ مەن قانشا ۋاقىت بار ەكەنىن ەسكەرگەن ءجون.
ال ەندى، ەگەر قاتەلىك جىبەرىپ، ءوزىڭ قالاماعان سالاعا تۇسسەڭ شە؟ ەش قورىقپا... سەبەبى ءار ماماندىقتىڭ ءوز ۇيرەتەرى بولادى جانە قالاعان ماماندىققا ورالۋ ءوز قولىڭدا. سونىمەن بىرگە قازىرگى دامىعان زاماندا بىرنەشە ماماندىقتى الىپ ءجۇرۋ دە قيىندىق تۋعىزبايدى. تەك ۋاقىت - سەنىڭ باعالى بايلىعىڭ. باستىسى ۋاقىتىڭدى جوعالتىپ الما.
ەرگەش ارايلىم
You Might Also Like
-
ەڭ الدىمەن "شەشەن" ءسوزىنىڭ ماعىناسىنا توقتالا كەتسەك. بۇل ءسوز قازاق تىلىندە ەرتەدەن قولدانىلىپ كەلە جاتىر. "شەشەن" ءسوزىنىڭ ماعىناسى سوزدىكتەردە "ءتىلمار، ءتىلۋار، سوزگەر، تاپ...
