InfoHub Logo

ماڭگىلىك ەل! ءاربىر ادام ءۇشىن ەڭ اسىل قازىنا- وتانىن، تۋعان ەلىن ءسۇيۋ. حالىق باتىرى باۋىرجان مومىش ۇلى بىلاي دەگەن ەكەن: «ءبىزدىڭ تاريحىمىز باتىرعا باي تاريح، حالقىمىز باتىرلىقتى بيىك دارىپتەپ، ازاماتتىق پەن كىسىلىكتىڭ سيمۆولى، ۇلگىسى ساناعان. باتىرلىق ، ەرلىك دەگەن ۇرپاقتان ۇرپاققا اتا ءداستۇر بولىپ قالا بەرمەك. وتكەنىن بىلمەگەن، ءتالىم — تاربيە، عيبرات الماعان حالىقتىڭ ۇرپاعى — تۇل، كەلەشەگى تۇرلاۋسىز. ءبىزدىڭ قازاق حالقى — باتىر حالىق». قازاق حالقىن قۇرىپ كەتۋ قاۋپىنەن ساقتاپ قالعان، جەرىن جاۋعا بەرمەي، ۇلان بايتاق ولكەسىن قازاق ەلىنە ماڭگى قونىس ەتۋ ماقساتىندا جارعاق قۇلاعى جاستىققا تيمەي، ەلىم دەپ ەڭىرەپ وتكەن حاس باتىرلار قانشاما دەسەڭىزشى! بۇلاردىڭ ەرلىگى بىزدەرگە قاشان دا بولسا ونەگە بولماق. ءاربىر ادام ءبىزدىڭ مەملەكەتىمىزگە، سونىڭ باي دا داڭقتى تاريحىنا، ونىڭ بولاشاعىنا ءوزىنىڭ قاتىستى ەكەنىن ماقتانىشپەن سەزىنە الاتىنداي ەڭبەك ەتۋى قاجەت. وتانشىلدىق سەزىم ەرتەدەن قالىپتاسقان، ەسكىرمەيتىن، ماڭگىلىك، قاسيەتتى ۇعىمدى  وتانعا دەگەن سۇيىسپەنشىلىك، بويىنداعى بار كۇش – قۋاتىن، ەرىك-جىگەرىن وتان يگىلىگى مەن مۇددەسىنە اياماي جۇمساۋ، تۋعان جەرىن، قاسيەتتى انا ءتىلىن، ەلدىڭ ادەت-عۇرپى مەن ءسالت-داستۇرىن قۇرمەتتەۋ دەپ تۇسىنەمىن. ءاربىر ادام بالا كەزىنەن « قازاقستان – مەنىڭ وتانىم، مەن ءۇشىن جاۋاپتى ەكەنى سياقتى مەن دە ول ءۇشىن جاۋاپتىمىن» دەگەن قاراپايىم ويدى بويىنا ءسىڭىرىپ ءوسۋى ءتيىس ەمەس پە؟ «قازاقستان- ءبىزدىڭ ورتاق  ءۇيىمىز، ءبىزدىڭ ءوزىمىز دە، ءبىزدىڭ بابالارىمىز دا وسى جەردى مەكەن ەتەدى. ەگەر ءبىز ءوزىمىزدىڭ ءومىرىمىزدى ،تۋعان جەرىمىزدىڭ ءقادىرىن بىلەر بولساق، ونى جاسامپازدىقپەن جاڭعىرتىپ، بوي كورسەتكەن ءاربىر تالشىبىقتى ماپەلەپ ءوسىرىپ وتىرماساق، وندا ءبىز ءوزىمىزدى ناعىز پاتريوت دەپ ساناي الماس ەدىك. ۇستازدارىمىز ايتقانداي ادامگەرشىلىكتى، تاربيەلى ادام – كەز كەلگەن مەملەكەتتىڭ بايلىعى، الەۋمەتتىك ومىردەگى بەيبىتشىلىك پەن مادەنيەتتىلىكتىڭ كەپىلى. ولاي بولسا ەڭ الدىمەن ءتىلىمىزدى، ءدىنىمىزدى، سالت — ءداستۇرىمىزدى بىلسەك، ءتىل — قازاق بولۋىمىز ءۇشىن، ءدىن — ادام بولۋىمىز ءۇشىن، سالت – ءداستۇر — ۇلت بولۋىمىز ءۇشىن قاجەت.

---