ماسكەۋدە قازاق ءتىلى مەن مادەنيەتى جانە تاريحىنا ارنالعان وليمپيادا ءوتتى
«ەلىم مەنىڭ». ماسكەۋدە وتكەن قازاق ءتىلى مەن مادەنيەتى جانە تاريحىنا ارنالعان وليمپيادا وسىلاي اتالدى. ءبىلىم بايگەسى ەل تاۋەلسىزدىگىنىڭ 25 جىلدىعىنا وراي ۇيىمداستىرىلدى، دەپ حابارلايدى BAQ.kz.
وندا رەسەيدەگى قازاق دياسپوراسىنىڭ وكىلدەرى جانە جەرگىلىكتى ستۋدەنتتەر ب ا ق سىنادى. سونداي-اق 9 جاستاعى قاتىسۋشىلار دا قارىم-قابىلەتتەرىن بايقاپ كوردى. وليمپيادانىڭ العاشقى كەزەڭى مامىر ايىندا وتكەن. ال اقتىق سىنعا ۇزدىكتەرى ىرىكتەلدى. ولاردىڭ ءبىلىم دەڭگەيىن رەسەي عىلىم، فيلولوگيا جانە ادەبيەت اكادەمياسىنىڭ وقىتۋشىلارى باعالادى.
ءسويتىپ، جەڭىمپازدار مەن جۇلدەگەرلەر انىقتالىپ، ماسكەۋ لينگۆيستيكالىق ۋنيۆەرسيتەتىندە ماراپاتتالدى.
روزا تادينوۆا، ۇيىمداستىرۋشى:
- قوسىمشا جۇلدەلى ورىندار بولعاندا 23 قاتىسۋشىنىڭ جارتىسىن ماراپاتتايتىن ەدىك. سەبەبى ولاردىڭ جۇمىستارى جوعارى باعاعا لايىق. قازاق ءتىلىن جان-جاقتى مەڭگەرگەن ەكەن.
قاتىسۋشى:
- وسى وليمپياداعا قاتىسۋىمنىڭ سەبەبى قازاق تىلىندەگى دەڭگەيىمدى بايقاپ كورۋ بولدى. ءوز ناتيجەمە ءوزىم ريزامىن. ەكىنشى ورىن يەلەندىم. ءبىراق ءالى دە وقۋ كەرەك. تاجىريبە الماسۋ كەرەك دەپ ويلايمىن.
You Might Also Like
-
بۇگىنگى كۇنگى دەنساۋلىق ساقتاۋ سالاسىندا اسىرەسە مەكتەپ جاسىنداعى بالالاردىڭ سارى اۋرۋعا شاللىعۋى وزەكتى ماسەلەلەردىڭ ءبىرى بولىپ تۇر. ا ۆيرۋستى گەپاتيتى (اۆگ) جالپى گەپاتيتتەر ىشىندە 77،6%، ال 14 ج...
-
حالقىمىز تابيعات تىلسىمىن ەرتە زاماننان-اق ءتۇسىنىپ، ونى ءوزىنىڭ تۇرمىس-تىرشىلىگىنە ارقاۋ ەتىپ، قولدانا بىلگەن. سولاردىڭ ءبىرى – حالىقتىڭ اۋا رايىن بولجاۋ تاسىلدەرى. قىسى-جازى دالالىق ومىردە ءتىر...
