InfoHub Logo

اقتوبە قالاسى
№4 جالپى ءبىلىم بەرۋ ورتا مەكتەبى
فيزيكا ءپان ءمۇعالىمى نۋريموۆا ساليما مارات قىزى

تاقىرىپتىڭ وزەكتىلىگى:  وقۋشىلاردىڭ فۋنكسيونالدىق ساۋاتتىلىقتارىن دامىتۋ ارقىلى تانىمدىق بەلسەندىلىكتەرىن، شىعارماشىلىق، لوگيكالىق ويلاۋ قابىلەتتەرىن، ءوز بەتىنشە جۇمىس جاساي ءبىلۋ قابىلەتىن  دامىتۋ.

 

جۇمىستىڭ ماقساتى: فيزيكا ساباعىندا وقىتۋدىڭ ءار ءتۇرلى ادىس-تاسىلدەرىن قولدانا وتىرىپ، وقۋشىلاردىڭ شىعارماشىلىق ىزدەنىستەرىن، ءوز بەتىنشە جۇمىس ىستەۋ بەلسەندىلىكتەرىن ارتتىرۋ بارىسىندا تەوريالىق بىلىمدەرىن كەڭەيتىپ، لوگيكالىق ويلاۋ قابىلەتتەرىن دامىتۋ. تەوريالىق بىلىمدەرىن تاجىريبە جۇزىندە دالەلدەي بىلۋگە ۇيرەتۋ.

وسى اتالعان ماقساتقا جەتۋدىڭ مىندەتتەرىنە توقتالا كەتەيىك :

1) وقۋشىلاردىڭ تەوريالىق بىلىمدەرىن شىڭداۋ

2) وقۋشىلاردىڭ جەكە دارا ەرەكشەلىكتەرىن ەسكەرۋ

3) شىعارماشىل تۇلعا قالىپتاستىرۋ.

فيزيكا ءپانىنىڭ وقىتۋ پروسەسىن جەتىلدىرۋ وقۋشىلاردىڭ تانىمدىق بەلسەندىلىگى مەن ىزدەمپازدىعىن ارتتىرۋعا نەگىزدەلگەن. وقۋ تانىمدىق قىزمەتى بارىسىندا وقۋشىلار قاجەتتى كولەمدەگى ءبىلىمدى يگەرىپ قانا قويماستان، تانىمدىق قابىلەتى مەن شىعارماشىلدىق ويلاۋى دا دامىتىلادى.وقۋشىلاردىڭ  تانىمدىق قىزىعۋشىلىقتارىن دامىتۋعا ارنالعان زەرتتەۋلەردىڭ ناتيجەلەرى وقۋشىلاردىڭ تانىمدىق قىزىعۋشىلىعىنىڭ كورسەتكىشتەرى رەتىندە تومەندە بەرىلگەن:

• تانىم ۇردىسىندەگى بەلسەندىلىگى، بىلىمگە قىزىعۋشىلىعى؛
• وزدىگىنەن ىزدەنۋشىلىك ارەكەت جاساۋعا ىنتاسى؛
• وقۋ - تانىمدىق قىزمەتتەگى نەگىزگى ءتۇيىندى انىقتاۋ بىلىگى؛
• يگەرىلگەن ءبىلىمدى تاسىمالداي ءبىلۋى؛
• ءوز ءىس - ارەكەتىن باقىلاۋى، باعالاۋى؛

وقۋشىلاردىڭ تانىمدىق قىزىعۋشىلىعىنىڭ ەڭ جوعارى دەڭگەيى تانىمدىق مىندەتتەردى وزدىگىنەن شەشۋگە ۇتىمدى جولداردى قولدانا بىلۋىمەن، جاڭانى بىلۋگە دەگەن قىزىعۋشىلىعىنىڭ جوعارى بولۋىمەن جانە ءوز  ءىس - ارەكەتىن باقىلاپ، باعالاي بىلۋمەن سيپاتتالادى. ورتا دەڭگەيدە وقۋشى تانىمدىق ىس-ارەكەت دەڭگەيىن وزدىگىنەن ورىنداۋدى وقىتۋشىنىڭ كومەگىن قاجەت ەتۋىمەن سيپاتتالادى، تومەنگى دەڭگەيدە وقۋشى تاپسىرمانى قايتالاۋمەن شەكتەلىپ، وقىتۋشىنىڭ كومەگىمەن ورىندالادى.

ءبىلىم بەرۋ سالاسىندا قول جەتىلگەن ءبىتىمنىڭ ءمانى وقۋشىلار ءۇشىن ءبىلىمنىڭ دە، داعدىلاردىڭ دا تەڭ دارەجەدە ماڭىزدى ەكەندىگىنە سايادى. زاماناۋي ەڭ نەگىزگى ەرەكشەلىگى وقۋشىلاردىڭ العان بىلىمدەرىن جاي عانا يەلەنىپ قويماي، ولاردى ورىندى جەرىندە قولدانا بىلۋىنە باستى نازار اۋدارۋ بولىپ تابىلادى، ال ءححى عاسىردا تالاپ ەتىلەتىن داعدىلاردىڭ ءمانى وسىندا.

ەكونوميكالىق ىنتىماقتاستىق جانە دامۋ ۇيىمى جاساعان قۇزىرەتتەردى انىقتاۋ جانە ىرىكتەۋ جوباسى داعدىلاردىڭ بارىنشا كەڭ اۋقىمىن قامتيتىن ءححى عاسىردىڭ مودەلى بولىپ تابىلادى. بۇل جوبا وقۋشىلاردىڭ تەرەڭ تۇجىرىمدامالىق تۇسىنىكپەن استاسقان نەگىزگى ساۋاتتىلىقتى مەڭگەرگەندىگىن كورسەتەتىن، كەڭ ماعىناسىندا شەشىمدەر مەن ىس-ارەكەتتەردى تاڭداۋ قابىلەتتىلىگى ءتۇيىندى قۇزىرەتتەردى سيپاتتايدى. مۇعالىمدەر جۇمىستارىنا جەتكىلىكتى ۋاقىت بولە بىلۋلەرى كەرەك، وقۋشىنىڭ بىلىمدەرى مەن داعدىلارىن دامىتۋدا عانا ەمەس، جالپى العاندا ونىڭ وقۋىن بارىنشا جەكەشەلەندىرۋ جانە بالانىڭ بويىندا سانانى – قالاي وقۋ كەرەكتىگىن ۇيرەنۋدى قالىپتاستىرۋعا ءمان بەرە وتىرىپ، ونى تۇلعا رەتىندە دامىتۋدا يكەمدىلىك تانىتۋلارى ءتيىس.

وقىتۋ – مۇعالىمدەردىڭ وقۋشىلارعا جاساعان سىيى ەمەس، بۇل قۇزىرەتتىلىكتەر ءبىلىم الۋ ءۇشىن وقۋشىلاردىڭ وقۋشىلاردىڭ وزدەرى دە وقۋ ۇردىسىنە بەلسەندى قاتىسۋىن تالاپ ەتەدى. وقۋ ۇدىرىسىنە تولىققاندى قاتىسۋ ءۇشىن قالاي وقۋ كەرەكتىگىن ءبىلۋى كەرەك. باسقاشا ايتقاندا وقۋ بار، ءبىراق سونىمەن بىرگە وقۋدى ۇيرەتۋ دە بار. ادامدار ويلاۋعا قابىلەتتى جانە ويلاۋ تۋرالى ويلانۋعا دا قابىلەتتى. تاپ وسى سياقتى تانىمدىق قابىلەت بار دا، سول سياقتى تانىمدى تانۋ دا بار. 

فيزيكا ساباعىندا العان بىلىمدەرىن وقۋشىلار كۇندەلىكتى ومىرمەن بايلانىستىرا الۋىن قامتاماسىز ەتۋ مەنىڭ ءبىرىنشى مىندەتىم بولىپ سانالادى. فيزيكا ءپانى كۇردەلى ەكەنىنە ەشكىمنىڭ دە داۋى جوق. ونى جاتتاپ الۋ مۇمكىن ەمەس، ءتۇسىنۋ قاجەت! مىنە وسىنداي ءار ءتۇرلى ويلاردان كەيىن بالا جۇرەگىنە جول تاۋىپ، بىلىمگە جەتەلەۋ ءۇشىن ءمۇعالىم ءار ءتۇرلى ءادىس –تاسىلدەردى قولدانۋى ءتيىس. جاڭا فورماتتاعى وقۋدان كەيىن مەنىڭ ساباق بەرۋ ءستيلىم كوپتەگەن وزگەرىستەرگە تولى دەسەم قاتەلەسپەس ەدىم. بۇعان دالەل ساباقتاردان كەيىنگى وقۋشىلاردىڭ رەفلەكسيالارى «بۇگىن فيزيكا ساباعى ۇنادى»، «ماعان ۇناعانى فيزيكالىق قۇبىلىستاردى ماقال-ماتەلدە قولدانعانىمىز». ساباق جوسپارىمنىڭ ءار بولىمىندە وقۋشىلاردىڭ فۋنكسيونالدىق ساۋاتتىلىقتارىن انىقتاپ وتىرامىن. ساباق بارىسىندا ءبىلىمدى مەڭگەرۋ دەڭگەيى ءتورت ساتىدان تۇرادى:

1. ۇيرەنۋشىلىك دەڭگەيى «ءبىلۋ»- وقۋشىنىڭ فۋنكسيونالدىق ساۋاتتىلىعىنىڭ تومەنگى دەڭگەيى،
2. الگوريتمدىك دەڭگەيى «ءتۇسىنۋ»، «تالداۋ» - وقۋشىنىڭ فۋنكسيونالدىق ساۋاتتىلىعىنىڭ ورتا دەڭگەيى،
3. ەۆريستيكالىق دەڭگەيى «قولدانۋ»، «جيناقتاۋ» - وقۋشىنىڭ فۋنكسيونالدىق ساۋاتتىلىعىنىڭ جوعارى دەڭگەيى،
4. شىعارماشىلىق دەڭگەيى «باعالاۋ» - وقۋشىنىڭ فۋنكسيونالدىق ساۋاتتىلىعىنىڭ ىلگەرى دەڭگەيى.

شىعارماشىلىق دەڭگەيدەگى وقۋشىلار تانىمدىق قابىلەتى قالىپتاسقان، تولىق قۇزىرلىققا يە. فيزيكا ساباعىندا تانىمدىق بەلسەندىلىكتەرىن ارتتىرۋ ءۇشىن ءتۇرلى ءادىس –تاسىلدەردى ءجيى پايدالانامىن.

 

تاپسىرمالار ءتىزىمى		مەن مۇنى ەستە ساقتاي الامىن با؟	ماعان مۇنى ەستە ساقتاۋ قاجەت پە؟	بۇل تاقىرىپتى مەن شىنىمەن يگەردىم بە؟
ءبىرقالىپتى  ءتۇزۋ سىزىقتى قوزعالىس		ەستە ساقتاي الامىن، ويتكەنى  بىردەي ۋاقىت ارالىعىندا بىردەي شاماعا ورىن اۋىستىرادى	ەستە ساقتاۋ قاجەت، سەبەبى جىلدامدىقتاردى انىقتاۋدا كەزدەسەدى	بۇل تاقىرىپتى مەڭگەردىم، مىسالى ساعات تىلشىگىنىڭ قوزعالىسى ءبىرقالىپتى قوزعالىس
تاپسىرمالار ءتىزىمى	مىنا فراگمەنت قاراپايىم، ال كەلەسىگە نازار اۋدارۋ كەرەك
ءبىرقالىپتى جانە ءبىر قالىپسىز قوزعالىس	پاراشۋتتىڭ قوزعالىسى  -  ءاۆتوموبيلدىڭ قوزعالىسى
تاپسىرمالار ءتىزىمى		(مەن مۇنى دۇرىس ءتۇسىندىم بە؟)؛	مەن تىعىرىققا تىرەلدىم، مەنىڭ ستراتەگيالارىم ناتيجەسىز بولىپ شىقتى	سوندىقتان ماعان كومەك قاجەت
ءبىرقالىپتى جانە ءبىر قالىپسىز قوزعالىس		قوزعالىس تۇرلەرىن ءتۇسىندىم.	قوزعالىس تەڭ ۇدەمەلى جانە تەڭ باياۋلاعىش بولىپ شىقتى.	مەنىڭ تەڭ اينىمالى قوزعالىس تۋرالى بىلگىم كەلەدى

وسىعان وراي، ءار ساباعىمدا وقۋشىلار وزدەرىنىڭ بولجامدارى مەن سۇراقتارىن قۇراستىرادى، بىر-بىرىنە كەڭەس بەرەدى، ءوز الدىنا ماقسات قويادى، الىنعان ناتيجەلەردى قاداعالايدى.

وقۋشىنىڭ تانىمدىق بەلسەندىلىگىن ارتتىرۋ ءۇشىن ساپالى تاپسىرمالاردى قولدانامىن. وقۋشىلاردىڭ تانىمدىق قابىلەتتەرىن  ارتتىرۋ ءۇشىن فيزيكا ساباعىندا تومەندەگى ەسەپ شىعارۋ ادىستەر وتە ءتيىمدى.

ارالاس ەسەپتەردى شەشۋ ءادىسى

شىعارماشىلىق ەسەپتەر

ەكسپەريمەنتتىك ەسەپتەردى شەشۋ ءادىسى

ساپالىق ەسەپتەردى شەشۋ ءادىسى

ساندىق ەسەپتەردى شەشۋ ءادىسى

ەسەپتەردى شەشۋ ادىستەرى

گرافيكتىك  ەسەپتەردى شەشۋ ءادىسى

ستاندارتتى ەمەس  ەسەپتەردى شەشۋ ءادىسى

فيزيكا پانىندە شىعارماشىلىق ەسەپتەر وقۋشىنىڭ شىعارمالىعىن شىڭدايتىن ەسەپتەر بولىپ تابىلادى. شىعارماشىلىق ەسەپتەردى پانگە دەگەن قىزىعۋشىلىعى جوعارى وقۋشىلار ورىنداعانى وتە ءتيىمدى. وليمپياداعا دايىنداۋ بارىسىندا وقۋشىنىڭ تانىمدىق قىزىعۋشىلىعىن ارتتىرادى. وقۋشىلاردا وقۋ قىزمەتىنىڭ مۇددەسى مەن ماقساتىن، ولاردى ىسكە اسىرۋ ادىستەرىن قالىپتاستىرۋ ءۇشىن، ەڭ الدىمەن ولاردى قىزىقتىرۋ كەرەك. فيزيكا ساباعىندا ساپالىق ەسەپتەردى پايدالانۋ وسى قىزمەتتى ورىنداۋعا مۇمكىندىك بەرەدى. قاراپايىم ساپالىق ەسەپتەر – ويدى، زەيىندى قىزىقتىرىپ اكەتەتىن تارتىمدى ەسەپتەر. اسىرەسە 7-8 سىنىپتاردا فيزيكانى باستاعاندا ساپالىق ەسەپتەردى كوبىرەك شىعارتسا، وقۋشىلاردىڭ پانگە دەگەن قىزىعۋشىلىقتارى ارتادى. ساپالىق ەسەپتەر وقۋشىلاردى ءارتۇرلى وي ارەكەتىنە: سالىستىرۋعا، جالپىلاۋعا، تالداۋعا، سينتەزدەۋگە ۇيرەتەدى. ساپالىق ەسەپتەر وقۋشىلاردىڭ ەستە ساقتاۋىن قالىپتاستىرادى، تانىمدىق مۇمكىنشىلىكتەرىن كەڭەيتەدى، فيزيكالىق ءبىلىم دەڭگەيىنىڭ جوعارلاۋىنا، مەكتەپ كۋرسىن سانالى قابىلداۋىنا جەتەلەيدى.ساپالىق ەسەپ وقۋشىلاردىڭ فيزيكا زاڭدارىن، قۇبىلىستاردى، پوستۋلاتتاردى تەز ەستەرىنە ءتۇسىرىپ، ءبىلۋ داعدىلارىن، تاپقىرلىقتى، شىعارماشىلىقتى، مۇقياتتىلىقتى، كەڭىستىكتە ەلەستەتۋ قابىلەتتەرىن دامىتادى، وقۋشىلاردى وقىتۋ مەن تاربيەلەۋگە كەڭ مۇمكىنشىلىك بەرەدى.

وقىتۋ پروسەسى شىعارماشىلىقپەن ۇيىمداستىرىلسا، وندا وقۋشىلاردىڭ ءبىلىم دارەجەسى وقىتۋشى ايتقان سوزدەردەن ەمەس، وزدەرىنىڭ ىزدەنۋى جانە ەسەپ شىعارۋ ادىستەرىن ىزدەۋ ارقىلى قالىپتاسادى.

 قاي ەلدە بولسىن بالاعا ءبىلىم بەرۋ ءىسى ەلەۋلى ورىن الىپ، ۇرپاعىنىڭ بىلىمدىلىگى مەن بىلىكتىلىگىن شىنداۋعا بەت بۇردى. شىنىندا دا وقۋشىلاردىڭ جالپى ءبىلىمىن كوتەرۋ ۇلكەن ماسەلە ەكەنى ءسوزسىز. ەلىمىزدىڭ مارتەبەسىنىڭ بيىك بولۋى قوعام مۇشەلەرىنىڭ كەلەشەك ەل قوجاسى – جاس ۇرپاقتىڭ بەلسەندىلىگى مەن ىسكەرلىگىنە تىكەلەي بايلانىستى بولماق. قازىرگى تاڭدا ەلىمىزدىڭ كەلەشەگىن، ءوز ەلىن سۇيەتىن، ادەت-عۇرپىن، سالت-ساناسىن قاستەرلەيتىن ۇرپاقتى تاربيەلەۋ – ءبىزدىڭ باستى بورىشىمىز.

PISA زەرتتەۋىنىڭ نەگىزگى باعالاۋ وبلىستارى
•ماتەماتيكا ساۋاتتىلىعى
•جاراتىلىستانۋ ساۋاتتىلىعى
•وقۋ ساۋاتتىلىعى

PISA ماقساتى: الەمدىك دەڭگەيدە سالىستىرىلاتىن ءار مەملەكەتتىڭ وقىتۋ ناتيجەلەرى جونىندەگى سەنىمدى مالىمەتتەردى الۋ، سارالاۋ.
PISA ادىستەمەسى بويىنشا تەستىلەۋ مەكتەپ وقۋشىلارىنىڭ ۇيرەنشىكتى ەمتيحاندارى مەن تەستتەرىنەن تۇبەگەيلى ەرەكشەلەنەدى. وسى اۋقىمدى زەرتتەۋ بارىسىندا مەكتەپ باعدارلاماسىن مەڭگەرۋ دەڭگەيى ەمەس، جاس وسپىرىمدەردىڭ العان بىلىمدەرىن تىرشىلىك جاعدايلارىندا قولدانۋ قابىلەتى باعالانادى. تەستىلەۋدىڭ نەگىزگى ماقساتى - «جالپىعا مىندەتتى ءبىلىم العان 15 جاستاعى وقۋشى قوعامدا تولىققاندى قىزمەت ەتۋ ءۇشىن قاجەتتى ءبىلىم مەن ماشىقتاردى مەڭگەردى مە؟» دەگەن سۇراققا جاۋاپ بەرۋ .

ەندى وسى ايتىلعان PISA حالىقارالىق سالىستىرمالى زەرتتەۋلەرى مەن جاڭاشا وقىتۋ تەحنولوگيالارىنىڭ اراسىنداعى بايلانىستى ىزدەپ قاراساق، ولاردىڭ تاپسىرمالارى مەن ماقساتتارى ءبىر باعىتتا ۇيلەسكەن دەپ ايتساق بولادى جانە ولاردى اتاپ وتسەك:
- تولىق قۇزىرلى تۇلعا قالىپتاستىرۋ؛
- بەرىلگەن تاپسىرالاردىڭ ءبىر ءماتىننىڭ نەمەسە ءبىر ءپاننىڭ دەڭگەيىندە قالىپ قويماۋى؛
- ەسەپتەر مەن سۇراقتاردىڭ وقۋشى قۇزىرلىلىعىنىڭ دامۋىنا مۇمكىندىك بەرۋى؛
- ەسەپتەر مەن تاپسىرمالاردىڭ تىزبەكتەلگەن ارەكەتتەر ءتىزىمى ارقىلى انىقتالۋى؛
- تاپسىرما شەشىمىنىڭ وقۋشىنىڭ وزىندىك تاجىريبەلەرىنە نەگىزدەلۋى؛
- وقۋشىلارداعى گرافيكالىق، بەلگىلىك، ماتىندىك فورماتتاردا، كۇردەلى بولجامدى تۇردە بەرىلگەن اقپارات ۇزىندىلەرىمەن جۇمىس جاساۋ داعدىلارىنىڭ قالىپتاستىرۋ.

قازىرگى تاڭدا اقپاراتاندىرىلعان زاماندا ساباقتا ينتەراكتيۆتى تاقتانى ءتيىمدى پايدالانا وتىرىپ وقۋشىنىڭ ءبىلىم ساپاسىن شىعارماشىلىق نەگىزىندە ارتتىرۋ - ءومىر تالابى. ول ءۇشىن ءمۇعالىم ءتيىمدى ينتەراكتيۆتى ادىستەر ارقىلى پروبلەمالىق سيتۋاسيالار تۋعىزىپ، وقۋشىلاردىڭ توپتىق جۇمىسىنىڭ ناتيجەسىندە ولاردىڭ ءوز بەتىمەن تاقىرىپتى تۇسىنۋگە قولايلى جاعداي تۋعىزادى، تانىمدىق قىزمەتىن باسقارىپ، ىلگەرى جەتەلەپ وتىرادى. سوڭىندا وقۋشىلار وزدەرى قورىتىندىسىن شىعارىپ، پراكتيكالىق جۇمىستارمەن بەكىتەدى. 
جاڭا تەحنولوگيانىڭ ءتيىمدى ءادىس- تاسىلدەرىن ۇرپاقتىڭ بويىنا سىڭىرتە ءبىلۋ ۇستازداردىڭ باستى مىندەتى.

جاڭا تەحنولوگيانىڭ تيىمدىلىگى سول، 
وقۋشى: 
• ماقسات قويۋعا ۇيرەنەدى؛
• ەستە ساقتاۋ قابىلەتتەرى داميدى؛
• باسقالارمەن بىرىگىپ جۇمىس جاسايدى؛
• كىتاپپەن جۇمىس جاساۋعا ۇيرەنەدى؛
• قاتارىنان قالماۋعا تىرىسادى؛
• دارىندى وقۋشىلار ءوز قابىلەتتەرىن ودان ءارى بەكىتە تۇسەدى؛
• السىزدەر وقۋعا نيەت ءبىلدىرىپ، وزىنە دەگەن سەنىمسىزدىكتەن ارىلادى.
• كۇشتى سىنىپتاردا وقۋعا دەگەن ىنتا ارتادى.
• ءبىلىم دارەجەسى بىردەي سىنىپتاردا وقۋ جەڭىلدەيدى
• وزدىگىنەن جۇمىس ىستەۋگە داعدىلانادى

ءمۇعالىم:
- جۇيەلى تاپسىرما بەرۋگە ۇمتىلادى؛
- وقۋشىنى جان-جاقتى تانىپ بىلەدى؛
- قارىم قاتىناس ورناتادى؛
- وقۋشىلاردىڭ ءوزارا ارەكەتتەسۋىنە جول اشادى؛
- ولارعا شىعارماشىلىق ەركىندىك بەرىلەدى.
 

قورىتىندى:

ەلدىڭ ەرتەڭى ءبىلىمنىڭ تەرەڭدىگى مەن ولشەنەدى دەمەكشى. ۇزدىكسىز وزگەرىپ تۇرعان الەم ادامنان دا قابىلەت پەن قاجەتتىلىكتەردى ۇزدىكسىز دامىتۋدى تالاپ ەتەدى. سوندىقتان ءبىلىم بەرۋ سالاسىنىڭ باستى ماقساتى وقۋشىلاردى وزگەرمەلى ومىردە قورىقپاي، ەركىن ءومىر سۇرۋگە، ءبىلىم مەن بىلىگىنە ساي كەلەتىن باعدار تاڭداپ الاتىنداي دارەجەگە، ءوز بەتىنشە جۇمىس ىستەۋ داعدىلارىن قالىپتاستىرۋعا، اناليتيكالىق ويلاۋ  قابىلەتتەرىن دامىتۋ جانە ولاردىڭ شىنايى ومىردە دارا تۇلعا ەتىپ قالىپتاسۋىنا ىقپال ەتۋ. 

«شاكىرت – نىعىرلاي بەرەتىن ىدىس ەمەس، كەرىسىنشە تۇتاندىرۋدى تالاپ ەتەتىن شىراق» دەمەكشى وقۋشىلاردىڭ جەكە شىعارماشىلىق مۇمكىندىكتەرىن دامىتۋ جانە ولاردى شىنايى ومىردەگى دارا تۇلعا ەتىپ دايىنداۋ مەكتەپتىڭ باستى ماقساتتارىنىڭ ءبىرى.

قولدانىلعان ادەبيەتتەر ءتىزىمى:

1. فيزيكا ساباقتارىنداعى وقىتۋدىڭ يننوۆاسيالىق تەحنولوگيالارى. اۆتورى: ك.ج بۇزاۋباقوۆا

2. ۇشولشەمدى ادىستەمەلىك جۇيە-بىلىم بەرۋ ساپاسىن ارتتىرۋدىڭ ءتيىمدى قۇرالى. اۆتورى : ج.ۋ. كوبديكوۆا

---