ماحاببات پەن شىعارماشىلىق پەداگوگيكاسى - تۇلعا دامۋىنىڭ باستى ارناسى
الماتى قالاسى تۇركسىب اۋدانى №84 جالپى ءبىلىم بەرەتىن مەكتەپتىڭ ءوزىن-وزى تانۋ ءپانى مۇعالىمدەرى
گاۋحار مانكۋوۆا، اقنۇر ەرماحان
تۇلعانى وزىمەن ۇيلەسىمدىلىكتە دامىتۋ – قازىرگى كۇننىڭ باستى باعىتتارىنىڭ ءبىرى. مەيىرىمدىلىك پەن سۇيىسپەنشىلىك، ماحاببات پەن سەنىم ارنالارىنىڭ توعىسۋىن عىلىم رەتىندە قاراستىراتىن «ءوزىن-وزى تانۋ» ءپانىنىڭ مەكتەپ وقۋشىلارى ءۇشىن تاعىلىمدىق جانە ونەگەلىك استارى مول. سوندىقتان وسىنداي باعىتتاعى ءىس-شارالاردى رەسپۋبليكا كولەمىندە ءبىر ۋاقىتتا، ءبىر مەزگىلدە قاتارلاستىرا الىپ، ءوزارا كەلىسىمدە وتكىزۋدى ءبىراز جىلدان بەرى داستۇرگە اينالدىرىپ كەلە جاتقان «ءوزىن-وزى تانۋ ءپانىنىڭ ونكۇندىگى» بيىل ەرەكشە داتامەن – سارا الپىس قىزىنىڭ 80 جىلدىق مەرەيتويىمەن تۇسپا-تۇس كەلدى. اتالعان بۇقارالىق اۋقىمداعى ءىس-شاراعا الماتى قالاسى تۇركسىب اۋدانى №84 جالپى ءبىلىم بەرەتىن مەكتەپتىڭ ءوزىن-وزى تانۋ مۇعالىمدەرى دە سۇبەلى ۇلەستەرىن قوسىپ، جوسپارعا ساي ءىس-شارالار وتكىزدى. 1-اقپان كۇنى ونكۇندىك سالتاناتتى تۇردە اشىلىپ، كىتاپحاناشى ي.كالمىكوۆانىڭ «مەيىرىم توگەتىن انا» اتتى كىتاپ كورمەسىنە ۇلاستى. ش.دجاكۋپوۆانىڭ «ادامگەرشىلىك-رۋحاني ءبىلىم بەرۋدىڭ 12 قادامى» اتتى قابىرعا بۇرىشى، گ. مانكۋوۆانىڭ «التىن جۇرەك انامىز» اتتى ەسسە بايقاۋى، ا.اراپبايەۆا مەن ا.ەرماحاننىڭ ۇيىمداستىرۋىمەن «التىن جۇرەك» اتتى مانەرلەپ وقۋ سايىسى، م.ادامبەكوۆانىڭ «ادامگەرشىلىك پەن رۋحانياتتىڭ ءمولدىر بۇلاعى» اتتى 2-4 سىنىپتار اراسىندا سۋرەت كورمەسى، الەۋمەتتىك پەداگوگ ب.ەرجانوۆانىڭ «التىن جۇرەك: قول ۇشىڭدى سوز» اتتى ءىس-شاراسى، سونىمەن قوسا «جۇرەكتەن جۇرەككە» قامقورلىق اكسياسى، س.ا.نازاربايەۆانىڭ 80 جىلدىعىنا ارنالعان كينوفيلمدەر كورسەتۋ، الەۋمەتتىك جوبالار جاساۋ، ءوزىن-وزى تانۋ ءپانى مۇعالىمدەرىنىڭ اشىق ساباقتارى سىندى ءتۇرلى فورماتتى قامتىعان ونكۇندىك ەرەكشە وتكىزىلدى. وقۋشىلار بەلسەندىلىكپەن قاتىسىپ، شىعارماشىلىق قابىلەتتىرىنىڭ جوعارى دەڭگەيىن كورسەتتى. 12-اقپاندا ونكۇندىكتىڭ جابىلۋ سالتاناتىندا وتكىزىلگەن ءىس-شارالارعا تالداۋ جاسالىپ، س.ا.نازاربايەۆانىڭ ءومىرى مەن قىزمەتى جايلى تانىمدىق ماتەريالدار ورتاعا سالىندى.
تۇلعانىڭ ۇيلەسىمدى دامۋى مەن جاعىمدى ورتاسىن قالىپتاستىرۋ ماقساتىنداعى «ءوزىن-وزى تانۋ» ونكۇندىگىنىڭ مەكتەپ ومىرىندەگى ماڭىزىن ايقىنداي كەلە، باعدارلاما اۆتورى س.ا.نازاربايەۆانىڭ 80 جىلدىعىمەن قۇتتىقتايمىز! ءومىرىمىز ءورىستى، شىعارماشىلىعىمىز كەلىستى بولسىن!
You Might Also Like
-
« كوشپەندىلەر مادەنيەتى »
-
«باقىتتى بول!» – كەز كەلگەن ادامنىڭ ءوز جاقىنىنا ايتاتىن ەڭ ءبىتتى ءتاتتى تىلەگى. الايدا «باقىت» ءسوزىڭىز استارى مەن تۇپكى ماعىناسىن ءتۇسىنىپ، بايىبىنا بارىپ قولدانىپ ءجۇرمى...
