قازۇۋ - عىلىم مەن ءبىلىمنىڭ ورداسى
1934 جىلى ەلىمىزدىەگى ەڭ الدىڭعى قاتارلى وقۋ ورنى - ءال-فارابي اتىنداعى قازاق ۇلتتىق ۋنيۆەرسيتەتىنىڭ ىرگەتاسى قالاندى. قازۇۋ - ساپالى ءبىلىمنىڭ قارا شاڭىراعى، باسەكەگە قابىلەتتى، QS رەيتينگى بويىنشا ەڭ ۇزدىك جوعارى وقۋ ورىندارىنىڭ ىشىندە 220-شى ورىنعا يە ۋنيۆەرسيتەت. بۇل دەڭگەيگە تمد، سنگ ەلدەرى بويىنشا ەشقانداي وقۋ ورنى كىرمەيدى.
جالپى، ومىردە ءار ادامنىڭ بەلگىلى ءبىر ارمانى بولادى. كەي ۋاقىتتا سول ارمانعا جەتۋ ءۇشىن كوپتەگەن كەدەرگىلەردەن ءوتىپ، قيىندىقتى باستان كەشىرۋگە تۋرا كەلەدى. بارلىق ءبىتىرۋشى تۇلەكتەر سياقتى مەنىڭ دە ءبىرقاتار ارماندارىم بولدى. سولاردىڭ ءبىرى - بالعىن بالالىق شاق، مەكتەپ قابىرعاسىن ءتامامداپ، جوعارعى وقۋ ورنىنىڭ ستۋدەنتى اتانۋ. سول ارمانىم ايقىن ماقساتىما اينالدى. ءسويتىپ، اللانىڭ قالاۋىمەن قازۇۋ-دىڭ ستۋدەنتى اتاندىم. بۇل - مەنىڭ تاڭداۋىم. ارماندارىمنىڭ باستاماسى. ماعان وسى ۋنيۆەرسيتەت قابىرعاسىندا ءبىلىم الۋ باقىتى بۇيىرعانىنا ريزامىن. ەندى جاقسى ءبىلىم الىپ، كەرەمەت مامان يەسى اتانىپ، بولاشاعىمدى جارقىن ەتىپ، ەلىمە پايدامدى تيگىزۋ - مەنىڭ قازىرگى ماقساتىم.
قازۇۋ ۋنيۆەرسيتەتىنە تۇسكەن كەز-كەلگەن ستۋدەنت وزىنە سۇراق قويادى: "نەلىكتەن قازۇۋ-دى تاڭدادىم؟". مەن وعان بىلاي جاۋاپ قايتارار ەدىم بىرىنشىدەن، قازۇۋ - ساپالى ءبىلىم ورتالىعى؛ ەكىنشىدەن، قازۇۋ - ەلىمىزدەگى جوو-نىڭ ەليتاسى؛ ۇشىنشىدەن، قازۇۋ-دى ءتامامداۋ ارقىلى جاقسى جۇمىس ورنىنا ورنالاسى مۇمكىندىگى تۋادى.
بۇل جوعارى وقۋ ورنىندا ستۋدەنتتىك شاقتى قىزىقتى وتكىزۋگە بولادى. وسىعان بايلانىستى بۇل ۋنيۆەردە ستۋدەنتتەرگە بارلىق مۇمكىندىكتەر جاسالعان: ءتۇرلى ۇيىمدار، جارىستار، باسقوسۋلار ءجيى ۇيىمداستىرىلادى. ءيا، بۇنىڭ ءبارى دە راس، قازۇۋ - بارلىق جالىندى جاستاردىڭ ارمانىن ورىندايتىن مەكەن. ەلىمىزدەگى ەڭ ۇزدىك ءبىلىم ورداسى، قارا شاڭىراعى.
قازۇۋ-عا تۇسكەن ءاربىر ستۋدەنتكە قولايلى جاعداي جاسالعان. سەبەبى، ءال-فارابي كىتاپحاناسى، ينتەرنەت ورتالىعى، عىلىمي ورتالىق، "كەرەمەت" سقكو، بارلىعى دا ستۋدەنتتىڭ يگىلىگىنە جۇمىس جاسايدى.
ەلباسىمىز ن.ءا.نازاربايەۆ ايتقانداي، "بولاشاق - ءبىلىمدى جاستاردىڭ قولىندا"، ولاي بولسا، اتا-انامىزدىڭ، ەلىمىزدىڭ ءۇمىتىن اقتاپ، ءبىلىم الىپ، ايانباي ەڭبەك ەتىپ، ەلىمىزدىڭ ەلەۋلى ازاماتى اتانۋ ء-بىزدىڭ بورىشىمىز.
قىتايتانۋ كافەدراسى، شەتەل فيلولوگياسى ماماندىعىنىڭ 3 كۋرس ستۋدەنتى - بەكبەرگەنوۆا اياجان
جەتەكشىسى: ءشارىپقازى ءنۇرتالىپ
You Might Also Like
-
جىل سايىن 21 اقپاندا الەم حالىقتارى انا ءتىلى كۇنىن اتاپ وتەدى. انا ءتىلىنىڭ حالىقارالىق كۇنى 1999 جىلى 17 قاراشادا يۋنەسكو-نىڭ باس كونفەرەنسياسىنىڭ 30-شى سەسسياسىندا بەكىتىلگەن. ءتىل جانە مادەني الۋان...
-
فارابي – ءومىرىن ادامداردى بىرىكتىرۋگە ارناعان ادام. ول –مىڭ جىل بۇرىن ادامدار ءۇشىن ءومىر سۇرگەن ادام. ول – ءوز ىسىنە بەرىلگەن، اقىل – ويعا، بىلىمگە جانە تانىمعا دەگەن قۇشتار...
