InfoHub Logo

سىنىبى 10
ساباقتىڭ تاقىرىبى: § 47 مەديسينالىق گەنەتيكا جانە كەيبىر تۇقىم قۋالايتىن اۋرۋلاردىڭ الدىن الۋ مەن ەمدەۋ

ساباقتىڭ ماقساتى:
بىلىمدىلىك – وقۋشىلاردا مەديسينا مەن دەنساۋلىق ساقتاۋ ءۇشىن گەنەتيكانىڭ ماڭىزى تۋرالى ءبىلىم
جۇيەسىن قالىپتاستىرۋ. تۇقىم قۋالايتىن اۋرۋلار، ولاردىڭ تۇرلەرى مەن الدىن الۋ جۇمىستارى تۋرالى ءبىلىم بەرۋ
دامىتۋشىلىق – دەنساۋلىقتىڭ گەنەتيكالىق نەگىزدەرى تۋرالى بىلىمدەرىن تەرەڭدەتە وتىرىپ ويلاۋ قابىلەتىن دامىتۋ. شىعارماشىلىق قابىلەتتەرىن ارتتىرۋ
تاربيەلىك – وقۋشىلاردى ءوز بەتتەرىمەن جۇمىس جاساۋعا، تاپسىرىلعان جۇمىستى جىلدام ورىنداۋعا، العان بىلىمدەرىن ءىس - جۇزىندە قولدانا بىلۋگە تاربيەلەۋ. تۇقىم قۋالايتىن اۋرۋلاردى زەرتتەۋ تاسىلدەرىن جانە ولاردىڭ ماڭىزىن تۇسىندىرە وتىرىپ سالاۋاتتى ءومىر سالتىن قالىپتاستىرۋعا تاربيەلەۋ
ساباقتىڭ ءتيپى: ارالاس ساباق
ساباقتىڭ ءتۇرى: ءداستۇرلى
ساباقتىڭ ادىستەرى: بيولوگيالىق ديكتانت، گەنەتيكالىق ەسەپتەر شىعارۋ،
ينتەراكتيۆتى تاپسىرمالار، شىعارماشىلىق ىزدەنىس جۇمىستار
كورنەكى - قۇرالدار: مۋلتيمەديالىق پروەكتور، سلايدتىق پرەزەنتاسيا

ساباق بارىسىنىڭ جۇرگىزىلۋى
I. ۇيىمداستىرۋ كەزەڭى
1. سىنىپ بولمەسىن ساباققا دايىنداۋ. وقۋشىلاردى تۇگەلدەۋ
2. وقۋشىلاردىڭ زەيىنىن ساباققا اۋدارۋ
ءۇي تاپسىرماسىن سۇراۋ:
1. سۇراق - جاۋاپ
2. بيولوگيالىق ديكتانت

ءىىى. جاڭا ساباقتى ءوتۋ
1. ءمۇعالىمنىڭ العى ءسوزى
2. سلايدتىڭ كومەگىمەن جاڭا ساباقتى ءتۇسىندىرۋ
3. وقۋشىلاردىڭ شىعارماشىلىق ىزدەنىسى.
ءمۇعالىم ءسوزى. تۇقىم قۋالايتىن اۋرۋلارعا جالپى شولۋ
(سلايدتىڭ كومەگىمەن بايانداۋ)
تۇقىم قۋالايتىن اۋرۋلار - اتا - انالارىنان ۇرپاقتارىنا بەرىلەتىن اۋرۋلار. تۇقىم قۋالايتىن اۋرۋلار گەندىك، حروموسومالىق جانە گەنومدىق مۋتاسيالاردىڭ اسەرىنەن گەنەتيكالىق ماتەريالدىڭ وزگەرۋىنە بايلانىستى قالىپتاسادى. گەنەتيكالىق جىكتەۋ بويىنشا تۇقىم قۋالايتىن اۋرۋلار: مونوگەندىك؛ حروموسومالىق؛ مۋلتيفاكتورلىق (پوليگەندىك) بولىپ بولىنەدى. مونوگەندى اۋرۋلار گەنەتيكالىق اقپارات جازىلعان قۇرىلىمدىق گەندەردىڭ مۋتاسياعا ۇشىراۋىنان تۋىندايدى. بۇل اۋرۋلاردىڭ ۇرپاقتارعا بەرىلۋى، گ. مەندەلدىڭ تۇقىم قۋالاۋ زاڭدىلىقتارىنا سايكەس جۇرەتىندىكتەن مەندەلدەنۋشى تۇقىم قۋالايتىن اۋرۋ دەپ اتالادى. مونوگەندى ءتۇرى اۋتوسوم.- دومينانتتى (اراحنوداكتيليا، براحيداكتيليا، پوليداكتيليا، ت. ب. دەرتتەر)، اۋتوسوم.- رەسەسسيۆتى (ەكى، كەيدە ءۇش نەمەرە اعايىندى نەكەلەسكەن ادامدار اراسىندا ءجيى كەزدەسەدى؛ اگامماگلوبۋلينەميا، الكاپتونۋريا، ت. ب. دەرتتەر) جانە جىنىستىق ح - جانە ۋ - حروموسومالارمەن تىركەسكەن (گەنگە بايلانىستى ەركەك اۋىرادى، ال اۋرۋدى ايەل ادام تاسىمالدايدى؛ گەموفيليا، ت. ب. دەرتتەر) تۇقىم قۋالايتىن اۋرۋلار بولىپ بولىنەدى.