مەكتەپ ديرەكتورىنىڭ ەڭبەكاقىسى اتتەستاتتاۋدان قالاي وتكەنىنە بايلانىستى بولادى
ءبىلىم جانە عىلىم ۆيسە-مينيسترى شولپان كارينوۆا مەكتەپ، كوللەدج جانە بالاباقشا ديرەكتورلارىنا نەلىكتەن جاڭا تالاپتار قويىلىپ جاتقانىن ءتۇسىندىردى.
«بۇيرىققا وزگەرىس ەنگىزۋدەگى نەگىزگى ماقسات – مەكتەپ پەن كوللەدج، بالاباقشا، قوسىمشا ءبىلىم بەرۋ مەكەمەلەرىنىڭ باسشىلارىن نەعۇرلىم ساپالى دەڭگەيدە دايىنداۋ. سوندىقتان ۇمىتكەرلەرگە الداعى ۋاقىتتا جوعارى تالاپ قويىلادى. وسى مەكەمەلەردىڭ باسشىسى بولامىن دەگەن ادامدارعا قويىلاتىن تالاپتار بويىنشا ءتيىستى قۇجات بەكىتىلەدى. باستىسى – ءبىلىم ساپاسى. ءبىلىم ساپاسىنا اسەر ەتەتىن ءارى جاقسارتاتىن بىردەن-بىر ادام – باسشى. سوندىقتان، ارى قاراي دا كەلەسى ءنورماتيۆتى قۇجاتتا ءبىز وسى ءبىلىم بەرۋ مەكەمەلەرىنىڭ باسشىلارىن تاعايىنداۋمەن قاتار، ولاردىڭ اتتتەستاتتاۋ ءتارتىبىن دە وزگەرتەتىن بولامىز»، - دەدى شولپان كارينوۆا ۆەدومستۆونىڭ وتىرىسىندا.
ۆيسە-مينيستردىڭ ايتۋىنا قاراعاندا بالاباقشا، مەكتەپ نەمەسە كوللەدج بولسىن – بارلىعىنىڭ ديرەكتورىنىڭ ەڭبەكاقىسى اتتەستاتتاۋ ناتيجەسىنە بايلانىستى بولادى.
«بۇگىنگى كۇنى ولار ناتيجە بويىنشا ءبىرىنشى، ەكىنشى جانە ءۇشىنشى دارەجەلى باسشىلار بولىپ بەكىتىلگەن. ولاردىڭ ءارقايسىسىنىڭ بىلىكتىلىك تالاپتارى ايقىندالعان. وسى تالاپتارعا ساي كەلگەن جاعدايدا جانە ءتيىستى ۇلتتىق ساناق تەستىلەۋىنەن وتكەن كەزدە، ەكىنشى كەزەڭىندە مەكتەپ، كوللەدجدىڭ دامۋ جوسپارىن بەكىتىپ، ىسكە اسىرىلۋىنىڭ ناتيجەسىن كورسەتە بىلگەن جاعدايدا – اتتەستاتتاۋ قورىتىندىسى بويىنشا شەشىم قابىلدانادى. مۇنىڭ بارلىعى – بۇگىنگى كۇنى ءبىلىم سالاسىنىڭ الدىنا قويىلىپ وتىرعان تالاپتاردىڭ وتە جوعارى ەكەنىن كورسەتەدى»، - دەدى ول.
You Might Also Like
-
جاڭا ءالىپبي ماسەلەسىندە ءالى دە اقىلداساتىن تۇستار بار. وسى ورايدا باتىسقازاقستاندىق عالىمدار ورتاق ۇيعارىمعا كەلدى.
-
يۋنەسكو-نىڭ پاريج قالاسىنداعى شتاب-پاتەرىندە كەشە، 10 ناۋرىزدا ءبىلىم مينيسترلەرىنىڭ شۇعىل كەڭەسى بولىپ ءوتتى. ولار ورىن العان جاعدايدى، قاشىقتىقتان وقىتۋ باعدارلامالارىن ەنگىزۋ ماسەلەلەرىن ورتاعا سالدى.
